The Leviathan Novels & Stories

Bagamat ang Elysium ay nappalilibutan din ng mga puno, madalang ang makakita ng mga hayop sa parteng iyon, at kadalasan man na makakita, ay ang mga Protean lamang ito na naglalaro o nagsasanay sa pagbabago ng kanilang anyo. Hinaltak ni Cloud ang tali upang patigilin ang kabayo sa pagtakbo, natanaw niya ang dulo ng masukal na kagubatan at ang mga naglalakihang bahay na yari sa mga kawayan ang naghihintay sa dulo nito. “Narito na tayo Levi,” sabi niya sa matanda. Bumaba si Cloud upang makipagpalit muli ng pwesto kay Levi. Nahagip ng kaniyang mata ang malaking bulto ng mga kagamitang kanilang dala upang ibigay sa mga Kaluwi.