CHAPTER 7

"Miguel, kung gusto mong punain ang isang tulad ko bakit hindi ka muna magpakita ng isang halimbawa kahit papaano sa sarili mo?”

Agad na namutla ang mukha ni Miguel at umigting ang panga.

Wala siyang ideya na wala pang isang buwan mula nang mapirmahan ang kasunduan sa divorce.

Malaki ang hinala niya ngayon na nagkukunwari lang sa harapan niya si Joanne noon pa man.

Wala pang sumubok na sawayin si Miguel noon. Lumabas ang maliit na ugat sa noo nito. At pinipigilan sumabog ang galit.

"Joanne, hindi kita sinisisi noong araw na iyon dahil nauntog mo ang noo mo. Pero ngayon dapat ay tumigil ka na!" sigaw ni Miguel kay Joanne pero hindi man lang kumurap ng isang beses si Jaonne. Hindi siya nagpakita o nagpahalata ng takot dahil sa malakulog na boses ni Miguel.

Nanginig sa takot ang mga taong naroon sa boutique Lalo na si Mr. Lin. Ngunit sa harap ni Miguel nakaramdam siya ng panliliit sa sarili. Naawa si Mr, Lin kay Joanne kaya sumingit na siya sa usapan.

"Sir,baka may hindi ka lang naiintindihan." kinakabahang sabi ni Mr Lin. Agad itong napayuko noong matalim siyang tapunan ng tingin ni Miguel. Dahil sa takot napaatras siya ng kunti.

"Kasama ko si Miss Jo-” Bago pa matapos magsalita si Mr Lin pinutol na agad iyon ni Jasmine.

"Mr, Lin, alam kong isa kang lalaking may mataas na katayuan, ngunit hindi ka dapat nagpakita ng sobrang pagmamahal sa isang babaeng may-asawa.” Tukoy niya kay Joanne na gusto niya talagang ipahiya ito.

"Isa pa, hindi ba at nakakatawang isipin. Sa edad mong iyan para ka lang isang Tatay ni Joanne.” Natatawa nitong sabi

Biglang namutla at namula ang mukha ni Mr Lin dahil sa sinabi ni Jasmine. "Paano...paano mo nagawang magsalita nang ganyan? Ang relasyon ko kay Miss Joanne ay hindi katulad ng iniisip mo! Isa ko siyang kliyente!” Galit na sigaw ni Mr Lin.

"Ah, kaya pala kliyente ka ni Joanne. Sinadya ni Jasmine idiin ang salitang kliyente na iba ang ibigsabihin non sa kanya. Dahilan para mapatingin ang mga taong naroon kay Joanne nang may kakaibang ekspresyon.

Tingin na mayroon pandidiri at pang-iinsulto.

Nagsimula ang mga ito na magbulungan habang nakatingin sa gawi ni Joanne. Mabilis na nanliit ang mga mata ni Joanne. Punong-puno ng galit ang mga mata niya. Dahil sa inis at galit agad niyang itinaas ang kamay para sampalin ito. Kasabay non ay ang mabilis na kilos ni Miguel. Pinrotektahan niya si Jasmine.

Hindi tumama ang sampal kay Jasmine dahil sa mukha ni Miguel ito tumama na nag-iwan ng limang marka ng daliri sa guwapo at maputi nitong mukha. Napasinghap ang lahat ng naroon.

Gulat na gulat si Joanne sa nakakatakot nitong titig kaya umatras aiya ng kunti at bahagyang nanliit ang kanyang mga mata.

“Tsk! Nakakabilib naman, talagang handa kang masaktan para lang sa babae na iyan? Hahaha!” Sabi ni Joanne

“Joanne! Ang kapal ng mukha mo saktan si Miguel! Bweset kang babae ka!” Akmang sasampalin na ni Jasmine si Joanne ng mabilis nitong mahawakan ang palapulsuhan.

Bumaon sa balat ni Jasmine ang mga kuko ni Joanne. Napadaing naman sa sakit si Jasmine dahil doon. Naalala bigla ni Joanne ang mga kasalanan sa kanya ng babae. Kaya naman namula ang mukha niya dahil sa galit.

“Ahh, let me go!” Nasasaktan na sabi ni Jasmine para mas lalong ganahan si Joanne.

Malakas na binitawan ni Joanne ang kamay ni Jasmine. Hindi naman iyon nabantayan agad ng babae Kaya muntik na itong mapasubsob sa sahig.

Galit ang mukha ni Miguel ng tumalikod at naglakad palabas.

Narinig pa ni Joanne ang mga sarkastiko at pangungutya ni jasmine sa kanya para ipahiya sa mga taong naroon. Malamig niyang tiningnan si Jasmine at nginisihan sabay lapit dito saka hinaplos ang buhok ni Jasmine.

“Kakaiba din ang panlasa mo Jasmine pagdating sa lalaki. Isa ka lang kabit ng asawa ko tapos kung kumilos ka ay parang ikaw na ang matinong babae at magaling mangaral sa lahat! Talagang napapahanga mo ako” biglang namutla sa kahihiyan si Jasmine ng marinig iyon.

Bigla na lang din nagbulungan ang iilang mga taong naroon at may pandidiring tiningnan si Jasmine.

Dahil hindi pa sila nakakakuha ng certificate ng divorce , si Miguel ay isang lalaking may asawa pa rin kung tutuusin.

"Joanne , pinapayuhan lang naman kita na huwag masyadong palakihin ang gulo na ito, baka pagsisihan mo ito sa huli.”Kunwari nitong concern at nakuha pang hawakan ang kamay ni Joanne.

Sinadya niya iyon at nagkunwaring mahina upang kuhain naman ang simpatya mula sa iba, habang kunwaring ginagabayan niya si Joanne papunta sa tama.

“Talaga ba Jasmine? Kailan man ay hinding-hindi ako magsisisi.”Matapang niyang sagot at iwinaksi ang kamay ni Jasmine.

Gusto sana niyang turuan ng leksyon si Jasmine leksyon, pero bumalik si Miguel. At sa pagbalik nito ulit sa loob karga-karga r niya ang isang maliit na bata sa kanyang mga bisig, na mukhang mahigit tatlong taong gulang pa lamang. Dahilan para matigilan si Joanne.

"Mama, gusto ko ng yakap~" sabi ng bata.

"Lele, anak ko, inaabala mo na naman si Daddy?” Malambing na tanong ni Jasmine sa anak.

Nang mga oras na iyon pakiramdam ni Joanne ay parang may tumusok sa puso niya, dahilan para manginig siya sa sakit, kasabay nito ay parang nawalan siya ng pag-asa.

Iniisip niyang ang batang dinala ni Jasmine mula sa ibang bansa ay hindi talaga kay Miguel.

“Daddy” tawag ni Lele kay Miguel.

Ang salitang iyon ay parang isang hampas ng martilyo na tumama sa puso ni Joanne.

Minahal ni Miguel ang batang iyon, ang mga mata nito ay puno ng lambing at kasiyahan na hindi pa niya nakita noon.

Habang ang dalawa niyang anak ay kinailangang mamuhay ng walang Ama at magtago simula nang sila ay ipanganak.

Kaya naman naisip niyang wala talagang karapatan na tawaging Daddy ng mga anak niya si Miguel.

Pero ang batang ipinanganak sa ibang babae ay kayang-kaya mahalin ni Miguel.

Lalong tumindi ang sakit na kanina pa namumuo sa dibdib ni Joanne , may kung anong bukol ang bumara sa lalamunan njya, at nanlalabo din ang mga mata niya dahil sa tagpong iyon. Pakiramdam niya doon palang ay talo na siya. Hindi niya mabigyan ng Ama ang mga anak dahil sa sitwasyon niyang mahirap.

Nawala sa malalim na pag iisip si Joanne ng isang matalim na boses ang umalingawngaw sa loob ng botique,

“Ikaw ba yong babae na nanlalait sa asawa ko at kay Miss Jo?” Biglang tanong ng isang babaeng nasa 30’s na ang edad. Halata sa mukha nito na kayang makipag sabayan sa kahit anong gulo ang kanyang matatalim na mga mata ay nakapirme lang kay Jasmine.

"Sino ka?" matapang na tanong ni Jasmine

Akala ni Jasmine ay katulong lamang ang babae sa shop na iyon kaya ganon na lamang kung tingnan niya ito.

"Asawa ko ang lalaking ito” Turo niya kay Mr Lin. “Inimbitahan ko si Miss Joanne ngayon na sumama sa akin para pumili ng damit, pero ikaw nandito ka ag nagkakalat ng tsismis! Gumagawa ng kwentong hindi naman totoo!Sinisiraan mo ang asawa ko at si Miss Jo!”Galit na sabi ni Misis Lin.

Bakas sa mukha ni Jasmine ang pagkapahiya ulit. Umarko lamang ang isa niyang kilay at parang wala sa kanya ang mag sinasabi ni Misis Lin. Hindi niya inaasahan ang gagawin ni Misis Lin bigla niyang nahigit ang hininga ng maglakad si Misis Lin ng paikot sa kanya.

“Hulaan ko, ikaw ang kabit, 'di ba? Asawa ng lalaking ito si Miss Jo. Nagkalat ka ng mga tsismis at paninirang-puri, at malisyosong gumagawa ng mga kuwento para siraan ang reputasyon ng asawa ko at ni Miss Jo. Nakakahiya ang mga intensyon mo!” Matapos iyon sabihin ni Misis Lin tumayo siya ng tuwid sa harapan mismo ni Jasmine.

"Kung wala lang tayo sa Valérie ngayon, malamang pinunit ko na ang bulok mong bibig!" Bigla naman pumagitna si Miguel at hinarap si Misis Lin.

“Misis Lin, sana ay magkaroon ka ng kaunting respeto sa sarili! Sinusubukan lang ni Jamsien na maging matulungin” Pagtatanggol ni Miguel para tumawa ng pagak si Joanne sa tabi.

Pumalakpak naman si Misis Lin ng marinig ang sinabi ni Miguel kasabay ang pagtawa nito na parang may pang iinsulto.

Tiningnan ni Misis Lin si Miguel mula ulo hanggang paa at sarkastiko niyang sinabi, "Naku, hindi ko pala alam na ang pangit ng panlasa mo sa mga babae . Sayang lang ang kagwapuhan mo Mr, Villanueva.” pang aasar ni Misis Lin.

Tiningnan ni Miguel si Joanne na nakatayo sa gilid, na parang sinisisi siya sa nangyayari. Umiigting ang panga nito dahil sa galit at pagkapahiya.

"Joanne , umuwi ka na ngayon din!” Dinig niyang utos ni Miguel.