Chapter 20 : Stolen Kiss

NAKARAAN

MALAYO na ang nalalakad nila Asher at Raven sa gitna ng madawag na kagubatan. Dumidilim na ang paligid at nagsimula nang mag-ingay ang mga kuliglig at paniki. Malamig na rin ang simoy ng hanging yumayakap sa kanila.

"Napapagod na ako, Asher!" padaing na reklamo ng dalaga sa kaniya.

Iniligid niya ang tingin at nakita niya ang isang malaking puno ng kahoy.

"Doon tayo." Hinawakan niya sa siko ang dalaga at iginiya palapit doon.

Mataas ang mga ugat ng punong iyon at kahit papaano ay maaari nilang mapagkublihan.

Magkatabi silang naupo sa pagitan ng mga ugat ng puno. Dama nila ang malamig na lupa na basa sa hamog.

Sa bungad pumuwesto si Asher para kahit paano ay maprotektahan niya ang dalaga.

Kapwa lang sila tahimik at nakikinig sa huni ng mga kuliglig at paniki sa paligid.

Tiningnan niya si Raven at nabanaagan niya ang pagod na nakalarawan sa maamo nitong mukha. Dinig niya ang paghingal nito.

Inalis niya ang tingin sa dalaga at tumitig sa ibang direksyon. Nakita nila ang nag-iisang