CHAPTER 32 : OH, MAMA

Walang pakialam si Maxwell sa pinapahintulutang speed limit sa South Luzon Expressway. Inarangkada niya ang sportscar na minamaneho.  Nasa one hundred twenty kilometer per hour na ang takbo ng kotse.

Galing sila ni Donya Cory sa isang bar at nag-inuman, nang masumpungan ng donya na yayain ang kasama sa binili niyang bahay sa Laguna. Walang alam ang kanyang asawa tungkol sa property na ‘yon, na tinawag niyang paraiso nila, ng family driver nilang si Maxwell.

Malakas ang kanilang pagtatawanan. Malakas din ang tugtog sa loob ng sasakyan.

Nagdiriwang sila. Ipinagdiriwang ang inaakalang magiging panalo ng inihaing kaso ng donya laban sa asawa na salang frustrated murder.

“Wala na siyang lulusutan pa!” Sigaw ng donya, na pinilit ipinaiibabaw ang kanyang boses sa sa lakas ng tugtog na pinakikinggan ni Maxwell.

“Sa kalaboso ang bagsak niya, “ pahayag naman ng tsuper, “tiyak na reclusion p