Chapter 5.💜

(Tyler pov)

"Sir, ipapaalala ko lang na may meeting kayo mamaya kay Mr. Torres."

"Cancel all my appointments today, Ms. Peng. Hindi ba't binilin ko na sa'yo yan kahapon?" Kunot ang noo na tanong ko sa aking secretary na may katandaan na. Hindi naman ito makakalimutin kahit may edad kaya nga hindi ko ito pinapalitan.

"P-Pasensya na, Sir." May pagkataranta na hingi nito ng pasensya sa akin. Kilala ako nito, hindi ko gusto ang pumapalpak sa trabaho.

"May problema ba?" Agaran kong tanong rito. Secretary pa ito ng aking daddy noon, nang mamatay ang ama ko ay sa akin na rin ito nagsilbi, kumbaga kilala ko na ito dahil matagal na itong nagta-trabaho sa pamilya namin. Tumandang dalaga na lamang ito ay nagsisilbi pa rin ito sa amin.

"S-Sir, pasensya ka na talaga, nakalimutan ko ang tungkol sa bagay na yan dahil sinugod namin sa hospital ang pamangkin ko kahapon. Pasensya ka na talaga, Sir." Nakayukong wika nito bakas ang sinseridad sa tinig.

"Bakit ngayon mo lang sinabi?" Napalitan ng pag-aalala ang boses ko. "Here take this." Ani ko sabay abot ng cheke sa kanya. "Gamitin mo para sa mga gastusin niyo. Umabsent ka muna at si Jared na muna ang gagawa ng mga trabaho mo." Wika ko pa bago ito iniwan na.

Pupunta pa ako sa mansion ng mga Gustin. Pagdating sa kotse ay binuksan ko ang brown envelope na galing pa sa kilala kong detective. Nilalaman nito ang tungkol sa apo ng mag asawang Gustin, na si Hannah. Malakas ang kutob ko na kaya ako inalok ng dalawang matanda na ipakasal sa kanilang apo para ma- secure ang future ng kanilang kumpanya. Sinabi ko na lamang na 'oo' pumapayag ako kahit ang totoo n'yan ay nakadepende ang pagpayag ko sa oras na makilala ko na ang apo na tinutukoy ng mga ito.

Simula ng mamatay ang nobya kong si Bianca ay hindi na ako nanligaw pa ng iba. Hindi dahil hindi ako naka-move on, kundi dahil wala na akong oras pa sa sobrang busy ko na palaguin ang mga negosyo namin.

I'm Tyler Montemayor, one of the wealthiest businessman in the whole world. Napalago ko ng higit pa sa inaasahan ng daddy ko ang lahat ng aming Montemayor's Group of Companies. Well, wala ng nakapagtataka ro'n because my father raised and trained me well enough to run a large Companies since I was fifteen.

Kinuha ko ang cellphone at binasa ang text messages na pinadala ni Grant, Dimitri, Brix, at Kier, ang mga kaibigan ko.

'Baka kailangan mo ng daddy sa manhikan mo. I can be your daddy' Si Dimitri.

'Papa Tyler wag mo akong iwan. Ako na lang ang pakasalan mo' Si Grant na halatang nang-aasar.

'Tyler honey, ako nalang ang pakasalan mo' Maging si Kier na minsan lang magbiro ay inaasar pa ako ngayon.

'Tyler my love, ako na lang kasi' si Brix.

Isang maikling 'siraulò' lang ang reply ko sa mga ito. Inaatake na naman ang mga ito ng katarantaduhàn.

Hindi na ako nagpalit ng aking business attire, which is white long sleeve na pinatungan ng dark blue suit, black leather shoes, and black slacks.

"Let's go, manong Samuel." Wika ko sa aking personal driver na agad naman sinunod ang utos ko. Inabot ng tatlong oras ang biyahe namin bago kami nakarating sa mansion ng mga Gustin.

Agad na sinalubong ako ng Mrs. Gustin.

"Magandang gabi, Mr. Montemayor. Kinagagalak namin na ligtas kang nakarating dito sa amin." Wika ng matandang babae sa akin.

"Halika na't pumasok." Anyaya ni Mr. Gustin.

"Nasaan na si Maya? Palabasin dito kundi ay malilintikan talaga siya sa akin." Mariing wika ni Mrs. Gustin sa isang kasambahay sa mahinang tinig. Halatang nagpipigil ito ng galit.

Nagkunwari ako na walang narinig pero sa utak ko ay may tanong. Who is Maya? Hindi binanggit ng mga ito ang pangalan ng apo pero alam kong hindi 'Maya' ang pangalan ng apo nito dahil sa nabasa kong report. Sa pagkakatanda ko ay 'Hannah' ang pangalan ng mga apo nito. Well, hindi naman malalim na investigation ang pinagawa ko.

"Maupo ka, Mr. Montemayor. Tatawagin ko lamang ang aking apo." Tumayo ang matandang babae at naiwan kami ng asawa nito.

"We are grateful to have you as one of our investor, Mr. Montemayor. Hindi ka magsisisi sa yong desisyon dahil maganda naman ang takbo ng aming kumpanya. Sa katunayan ay nag-triple ang sales namin na siyang nakakagulat kaya naman may iba na ring mga businessman tycoon na nais na rin mag- invest sa aming kumpanya."

Tumango-tango lamang ako sa mga sinasabi nito kahit alam ko na nagpapabango lamang ito ng pangalan sa aking harapan. Nakaramdam ako ng pagkainip. Hindi ko gusto na pinaghihintay ako. Dapat ay alam ito ng apo ng mga Gustin. Well, hindi sa pagmamayabang, kilala ang pangalan ko sa business industry. I'm one of the wealthiest person not only here in the Philippines, I also have a businesses in another country. Pinaka-ayaw ko sa lahat ay ang maghintay. Ngayon pa lamang ay buo na ang pasya ko.

Hindi ako magpapakasal sa apo ng mga Gustin.

Ayaw ko sa lahat ay iyong babae na pa-importante at sinasayang ang oras ko. Kung sa tingin ng babaeng ito na makukuha nito ang pansin ko dahil sa pagpapahitay sa akin, then she's wrong. Marami ang babae na nagkakandarapa na makuha ang pansin ko kaya hindi na ito bago sa akin. Sa edad kong ito ay wala pang babae ang nagtagumpay na makuha ang pansin ko o patibukin ang puso ko. Kahit ang nga ex-girlfriends ko ay hindi nagawang pabilisin ang kabog ng dibdib ko.

Natigil ako sa iisip at umawang ang aking labi ng makita ang isang babae na lumabas kasama si Mrs. Gustin.

'Anghel ba ito?' Ito ang unang tanong sa isip ko ng makita siya. Isang kulay pulang spaghetti strap dress na abot sa talampakan ang suot nito. Halos lumantad ang dibdib nito dahil mababa ang neckline ng suot nitong dress. Bawat hakbang ay nakikita niya ang paglabas ng mahaba at makinis nitong hita at binti dahil sa mahabang slit ng suot nito.

'She is so gorgeous!'

Tumitig ako sa kanyang mukha. Ito ang pinaka-magandang babae na nakita ko sa tanang buhay ko. Ang tindig nito ay tila isang modelo— perpekto ang kurba ng katawan, matangkad, parang bambira sa labis na puti, at makinis ang balat.