Chapter 11 Kiss

Natameme ako ng ilang sandali habang pinoproseso ang sinabi niya. Tinanaw ko si Ryker na may bitbit na ngayong isang case ng beer. Naglalakad na siya papunta sa lokasyon ko. 

Anong ibig sabihin ni Cel do'n? Sa pahiwatig niya ay para bang itinatanggi ako ni Ryker sa kanya. Tumalim ang tingin ko habang sinusundan nito si Ryker. Agarang napalis ang ngisi niya nang makita ang ekspresyon sa mukha ko. 

Ibinaba niya sa buhangin ang case ng beer at kunot-noo akong tiningnan. 

“Galit ka?”

Umiling ako sabay iwas ng tingin. Ayaw kong isipin niya na nagseselos na naman ako. I'm not a clingy and jealous girlfriend.

“Ryker! Dito 'yan!” 

Sabay kaming napalingon sa kasamahan niyang nagtatawag sa kanya. Nasa unahang bahagi nga ang mga pagkain at inumin. May maliit na nag-iisang cottage dito at naroon na ang ibang mga kasamahan niya sa trabaho. 

Nanatili si Ryker sa gilid ko at nakating