Chapter 29.2

(Continuation of chapter 29)

Lizabeth's POV

Nagising ako sa ingay na nagmumula sa baba. Napansin kong may konting siwang ang pintuan ng kwarto at nakalimutan sigurong isarado. Pagbangon ko ay tiningnan ko ang oras mula sa wall clock na nakasabit sa taas ng pintuan.

1:37 p.m

Ang tagal ko palang nakatulog. Bumangon na ako sa kama at diretsong nagpunta sa baba. Nakita ko ang bukas na pintuan ng silid kung saan makikita ang mala cinemang big screen. May mangilan-ngilang lalaki ang naglalabas pasok dito papunta sa labas ng mansyon.

Napatigil ako sa tapat ng kusina kaya pumasok na ako doon. Sinalubong ako ni Faye na nakasuot ng apron.

"Hi, Ma'am Beth! Nagugutom po ba kayo? Ipagluluto ko po kayo ng gusto niyo," masiglang wika niya.

"Ah... sandwich at juice na lang."

Umupo na ako sa bakanteng upuan at pinanood ko lamang ang mga kasambahay