Chapter 71- Insignia of the Ethereal Queen

Nagsimula ang pagdanak ng dugo nang magsimulang umatake ang mga Astral Mages. Hindi ko alam kung paano tatapusin ang iba sa kanila lalo na’t ang ibang constellations ay nagmula sa angkan ng mga Astral mages. Noong una, hindi ko maintindihan si Reyna Athaliah, hanggang sa isang araw ipinaliwanag sa akin ni Horus na ang tintitingala kong reyna ay hindi ordinaryong tao kundi isang diyosa. Kung sabagay sino nga ba ang mamuhay sa isang mundong puno ng pighati. Totoo ngang nakakapagtaka ang daloy ng mundong ito. Nagpanggap siyang tao upang makita nang malapitan ang pagkakabuklod-buklod ng mundong ito ngunit may mga tao talagang sinusubok ng kasamaan.

“Ibigay niyo sa amin ang prinsesa!”ang sambit ng isang Astral mage at pinaulanan niya ako ng sandamakmak na bolang apoy. Gumawa ako ng isang water barrier upang pigilan iyon. Natupok ang apoy nang lumapat ito sa tubig at napabuntung-hininga na lamang ako sa kanya’ng ginawa. Naririnig ko ang ibang Astral mages na nagtatakbuhan upang hanapin sa