005

"HUH!? Paano ka nakakuha ng ganoon kalaking pera sa loob ng isang gabi, Naomi?" Hindi makapaniwalang tanong ni Luna sa kaniya nang makabalik siya sa hospital. "Huwag mong sabihing—No! Hindi mo ginawa 'yon, 'di ba? Alam kong desperada ka na pero—"

Natigil ito nang takpan niya ang bibig nito. "Huwag kang OA! Muntik ko lang gawin pero hindi ko naman ginawa," pag-amin niya.

"So, ano nga? Saan ka kumuha ng 20 million?"

Bumuntong-hininga siya. Marahan siyang yumuko. "Sa totoo lang hindi ko alam, Luna. Sobrang bilis ng mga nangyari at namalayan ko na lang ang sarili ko na pumayag sa alok ng isang hindi ko naman kilalang lalaki."

"Huh? A-anong alok?"

"A stranger asked me to marry him kapalit ng perang kailangan ko sa operasyon ni Nonoy," pag-amin niya.

Napaawang ang bibig ni Luna. "So, you mean inalok ka ng kasal ng stranger at pumayag ka? W-wait! Iniisip ko pa ang lahat. Remember, kaka-divorce mo lang and now you're going to marry a stanger? Oh my god, Naomi! I can't!" Nasapo pa nito ang noo.

"Wala akong choice. Desperada na ako at kaysa ibenta ko ang katawan at sarili ko, pumayag na lang akong magpakasal sa lalaking iyon."

"Paano kung scam ang lalaking iyon?"

"Hindi naman siguro dahil mukhang mayaman siya. Ise-send na lang daw niya ang pera kapag ooperahan na si Nonoy." Base naman sa obserbasyon niya, mukhang mayaman nga ang lalaki dahil sa mamahalin nitong sasakyan nang ihatid siya nito pabalik sa hospital.

"Eh, sino ang lalaking iyon? Mukha naman ba siyang pagkakatiwalaan? So, siya ang may-ari nang jacket na suot mo last night?" Tila kinilig pa ito.

Lumungkot pa lalo ang mukha niya. "Sa totoo lang, wala akong alam tungkol sa lalaking iyon. Ni hindi ko nga natanong ang pangalan niya."

"What? Seriously, magpapakasal ka sa totally stranger na lalaki? Damn! It's crazy, Naomi."

"I know pero isusugal ko na lahat gumaling lang si Nonoy."

—

HALOS hindi mapakali si Naomi nang dalhin na si Nonoy sa operating room para isagawa ang heart transplant sa mas madaling panahon dahil malapit nang bumigay ang puso nito.

"Naomi, ipalagay mo na ang loob mo na magiging successful ang operation ni Nonoy. Tandaan mo, buntis ka at kailangang mo ring alagaan ang sarili mo para sa baby," ani Luna na nakaalalay sa kaniya.

Hindi nga nagsisinungalin ang lalaking nag-alok sa kaniya ng kasal dahil binayaran na nito lahat ng gastusin para sa operation ng kapatid niya. Ni hindi na niya nagalaw ang 10 million na galing kay Owen kapalit ng divorce nila.

"Hindi nga scam ang lalaking nag-alok sa iyo ng kasal pero nasaan na ba siya? Ni hindi nagpakita sa iyo."

"Wala na akong kawala, Luna. Nabayaran na ng lalaking iyon ang operasyon ni Nonoy at ibig sabihin lang, nakatali na ako sa kaniya. Tatanggapin ko na lang ang kapalaran ko sa kamay niya."

—

"HUH? S-sinong nagpapasundo sa amin?" gulat na tanong ni Luna sa dalawang driver na nasa harap nila.

Masaya si Naomi dahil sa wakas, naging successful ang operation ng kaniyang kapatid. Kahit pa paano ay nabunutan siya ng isang tinik. Iyon lang naman ang hinihiling niya kahit pa pagbayaran niya ng buhay niya ang utang niya sa lalaking iyon.

"Hindi ka ho kasama, Miss. Silang magkapatid lang po."

Napangiwi at napalunok si Luna sa sagot ng driver. "Ay! Hindi ba ako kasama?" tila napahiyang sabi nito. "P-pero sino ba kayo, huh? Bakit sasama sila sa inyo?"

"Kami ang driver na inutusan ni Mr. Alcantara para sunduin si Naomi at ang kapatid niya," sagot ng isang driver.

"Mr. Alcantara? Sino naman 'yon?" si Luna ulit.

"Bakit ba ikaw ang sumasagot? Hindi ka naman si Naomi." reklamo ng driver na parang kaedad lang ni Luna.

"Ay! High blood, kuya? Bawal magtanong?" pamimilosopo ni Luna.

"Miss, tabi nga!" Hinawi pa ng driver si Luna at lumapit sa kaniya. Napairap na lang ang kaibigan niya sa inis.

"Miss Naomi, pinapasundo na po kayo ni Mr. Alcantara," magalang na sabi ng driver sa kaniya.

"Mr. Alcantara? Sorry pero wala akong kilalang Alcantara," sagot niya. "Saka bakit kami sasama sa inyo at bakit kilala ninyo kami?"

"Nalaman po kasi ni Mr. Alcantara na ilalabas na ng hospital si Nonoy kaya po gusto niyang sa mansyon na niya kayo tumuloy."

"Mansyon?! Kuya, saang mansyon ba 'yan? Pwede akong—"

"Hindi ho kayo kasama, miss." Tila inis na sabi ng driver kay Luna.

Lumapit sa kaniya ang kaibigan at bumulong. "OMG, Naomi! Hindi kaya ang tinutukoy niyang Alcantara ay ang lalaking nag-alok sa iyo ng kasal?" 

Kumunot ang noo niya at saka niya napagtanto ang lahat. Simula kasi nang bayaran ng lalaking iyon ang hospital bill ng kapatid niya, hindi naman ito nagpakita sa kaniya o nagparamdam man lang. Akala nga niya'y mabait lang talaga ito at binigay na lang ang pera sa kaniya.

"Sigurado ba kayo? Hindi ba kayo masasamang loob?" ani Luna.

Kumunot ang noo ng driver. "Mukha bang masamang tao ako?" balik nito. "Miss hindi naman ikaw ang kailangan namin kaya please, huwag ka nang maingay," iritadong anito.

"Aba! Of course magtatanong ako. Kaibigan ko si Naomi kaya dapat alam ko kung saan niyo siya dadalhin."

Napakamot sa noo ang driver at napailing na lang.

Mayamaya'y dumating na ang nurse na may dala kay Nonoy habang sakay ito ng wheelchair.

"A-Ate uuwi na po ba tayo sa house?" agad na tanong ni Nonoy.

Lumapit siya rito at ngumiti. "Oo, Nonoy uuwi na tayo ng ate."

"P-pero ayaw ko na uwi sa bahay, ate. Papagalitan lang ako ni k-kuya Owen. Bad siya ate. Bad sila nong babaeng m*****a na kasama niya."

Kumunot ang noo niya at nagkatinginan sila ni Luna.

"Bakit, Nonoy pinagalitan ka ba ni Owen?" tanong niya.

Tumango ito habang pinaglalaruan ang sariling mga daliri. "T-tapos sinasaktan po ako nong babaeng pangit sa bahay. Ku-kulang-kulang daw po ako."

Nakuyom niya ang kamao dahil sa labis na galit. Matagal na bang sinasaktan ni Owen at Ivy ang kapatid niya? Kaya ba ayaw ni Nonoy na iwan niya ito at palaging gusto nitong kasama siya?

"Mga hayop sila, Luna! Pati si Nonoy na walang alam sa mundo, dinamay nila! Mga wala silang puso!"

"A-ate, huwag ka na galit sa kanila. Nagagalit lang po sila dahil ang ingay ko daw po."

Tumulo na lang ang luha niya dahil sa narinig.

"Nonoy, I'm sorry! I'm sorry dahil hindi ka naprotektahan ng ate." Niyakap niya ito ng mahigpit.

"Huwag na po iyak, ate. Nonoy loves you so much!" 

Mas lalo lang siyang napahagulhol.

"Tayo na po, naghihintay na po si Mr. Alcantara sa pagdating ninyo."