Chapter 9

Nora

“Ano ang mga yan?” taka kong tanong habang nakatingin kay Nadia, isa sa aming mga kasambahay ng pamilya Hills. Nasa living room ako at kausap si Esmeralda ng dumating ang isang babae na nagngangalang Amy na nagpakilalang sekretarya daw ni Asher.

“Mrs. Bennett-” Natigilan si Amy ng tapunan ko siya ng masamang tingin. Tumikhim siya bago nagpatuloy. “Bilin ni Sir Asher na puntahan ko kayo at papiliin sa mga damit na ito. Darating din mamaya ang stylist pati na ang representative ng jewelry store para papiliin ka rin ng mga alahas na gagamitin mo mamaya para sa birthday party ni Mr. Taylor.”

“I don’t need those. Makakaalis ka na,” malamig kong tugon. Natigilan si Nadia pati na si Amy.

“Pero Mrs. Bennett, kabilin-bilin ni Mr. Bennett na asikasuhin ko kayo. Kung hinid ko ito gagawin ay baka matanggal ako sa traba–”

“Why do I care?” tanong ko, taas ang kilay ng putulin ko ang pagsasalita ni Amy. “Mukha ba akong may pakialam sa isang tao na hindi ko naman kaano-ano?” dagdag ko pa.

“Mrs. Bennett…” mahinang tugon ni Amy sabay yuko ng ulo na may kasamang pagkuyom ng kamay.

“Don’t call me that. I am divorcing your employer so address me as Ms. Hills.” Matigas ang pagkakasabi ko para hindi na siya magsalita pa ng kahit na ano.

“Anak, she’s working for Asher. Ginagawa lang niya ang trabaho niya,” singit ni Esmeralda na malamang ay nakadama ng awa para kay Amy.

“Sinasabi ko lang ang totoo, Mom. Kung lahat ng lalapit sa akin na empleyado ni Asher ay sasabihan ako ng ganon para kunsensyahin, ibig bang sabihin ay maging sunud-sunuran na lang ako habang buhay?”

“Hindi naman sa ganon…” sagot ni Esmeralda.

Tumingin ako kay Amy, diretso sa kanyang mga mata. “I have nothing against you. Pero hindi ko gustong maging considerate para sa ibang tao at my expense. Tell your employer, hindi ako sasama sa kanya sa party. Higit sa lahat, unless it was about our divorce, don’t bother coming to me.”

Saglit na natigilan si Amy pero nakita ko na sa mga mata niya ang pang-unawa. “Makakarating kay Mr. Bennett ang lahat, M-Ms. H-Hills.”

“Thank you. You can leave now.” Pagkatapos ay tinanguan ko na si Nadia na iabot ang mga damit kay Amy tsaka tumalikod at umalis ang babae.

Naiwan kami ni Esmeralda sa sala. Titig na titig siya sa akin, alam kong nagtataka siya sa inakto at sinabi ko ngunit nagkibit na lang ako ng balikat at napiling na lang siya.

Sa may isang buwan ng pagsasama namin sa iisang bubong ay tuluyan kong napatunayan na mabait siya pati na si Rod. Kaya hindi ko magawang saktan ang kanilang damdamin.

Apat na oras bago ang party ay pinuntahan ako ni Esmeralda sa aking silid. Mag-aayos na sana ako ng aking sarili dahil nag-oo na ako sa kanila na dadalo sa kaarawan ni Mr. Taylor.

Tinignan ko isa-isa ang mga damit na nakahanay sa rack. In-order iyon ni Esmeralda at gusto niyang mamili ako para nga sa birthday party.

Hindi ako mahilig sa mga gown, pero dahil si Emily Hills na ako ngayon ay kailangan kong mag-adjust. 

Kinuha ko ang itim na gown. Ayaw ko sa mga light color dahil pakiramdam ko ay isa akong bata sa ganon. 

“Sigurado ka na ba dyan, anak?” tanong ni Esmeralda, titig na titig sa akin at sa gown na hawak ko. 

“Yes,” tugon ko. 

“Ayaw mo na ba sa light blue at light pink?”

“Para maiba na lang. Minsan kailangan magbago at mag-explore.”

“Mabuti naman ay narealize mo na yan ngayon. Matagal na kitang sinasabihan ng ganyan. Gusto ko na sumubok ka ng iba pero mas gusto mong pasayahin si Asher.”

“Hindi na ngayon, Mom. Lahat ng gagawin ko ay para na sa sarili ko.” Tinignan akong mabuti ni Esmeralda na tila ba hindi makapaniwala. Siguro ay talagang opposite kami ni Emily. 

Kahit sa kumpanya ay napapansin ko ang kakaibang tingin na binibigay sa akin ng mga empleyado. Kahit ang mga executive ay nagtataka sa tuwing nagsasalita ako.

Iniwan na ako ni Esmeralda sa aking silid at nagsimula na akong mag-ayos ng aking sarili. Kung makeup at makeup rin lang ay hindi ako ganon ka-ignorante. Marunong akong mag-apply, konti lang.

Sapat na ang light application dahil hindi naman ako a-attend ng party para maging pinakamaganda sa lahat ng bisita. Pupunta ako para makakilala ng iba pang mga negosyante. I need and I want to expand my network.

Nang makatapos at nakuntento sa aking itsura at ayos ay naglakad na ako palabas ng aking silid. Sa living area ay nadatnan ko ang mag-asawang Esmeralda at Rod.

“Wow! You're so beautiful, anak!” bulalas ni Esmeralda, kita ang kinang sa kanyang mga mata.

“Oo nga. Ngayon lang kita nakita na nagsuot ng ganyang kulay na gown,” dagdag pa ni Rod.

“Masanay na kayo dahil ito na ako ngayon. The old me is dead so please welcome the new Emily Hills,” tugon ko. Saglit na natigilan ang mag-asawa pero kita kong nagustuhan din nila ang aking sinabi.

“Kung ganon, your mom and I are looking forward to seeing more of you.”

“Be ready, Dad. You’re about to see how your dear daughter swallows everyone who stepped on me whole.” Kumpiyansa akong gagawin ko ang sinabi ko. Sinuman sa mga nang maliit sa dating Emily a pagbabayarin ko ng mahal.

Nakakapanghinayang lang na hindi ko alam kung sino-sino ang mga iyon.

Gusto kong alamin, gusto kong paimbestigahan ang mga pangyayari. Pero ayaw ko rin magmukhang eager na malaman ang lahat ng nangyari kay Emily sa pag-aalalang baka may makapansin.

Hindi ko maintindihan kung bakit wala man lang akong kahit na isa sa mga alaala ni Emily. Ganon ba talaga?

Dahil sa ako na ang umuukupa sa katawan niya ay wala na rin akong hawak sa memorya niya?

Kung sakali, makakatulong kaya kung magpapakunsulta ako sa isang doktor?

“Emily, anak.” Napatingin ako kay Esmeralda na nagtatakang nakatingin sa akin. “Anong iniisip mo?”

Ngumiti ako bago tumugon. “Nothing. Naisip ko lang kung ano ang madaratnan ko sa party.”

“Wala kang dapat na alalahanin dahil nandoon din si Matt. Kung meron ka man gustong itanong ay siya ang sasagot lalo na kung may kinalaman sa mga taong makikita at makikilala mo doon,” paliwanag ni Rod.

“Kung ganon ay aalis na ako. Ayaw kong mahuli. I want to see every person na darating sa party,” nakangiti kong sabi.

“Sige anak. Mag-iingat ka,” sabi ni Esmeralda sabay lapit sa akin para halikan ako sa aking pisngi at yakapin. Hindi ko napigilan ang aking sarili na gawin din iyon sa kanya at kay Rod. Anyway, bilang Emily Hills, mga magulang ko na sila.

Tumalikod na ako at naglakad palabas ng aming bahay papunta sa naghihintay na sasakyan. Nadatnan ko si Biboy na siyang driver ko.

Pagsara niya ng pintuan matapos kong sumakay ay agad siyang lumigid papunta sa driver’s seat at nagsimulang magmaneho.

Ako naman ay nagsimulang mag-isip.

Gusto kong lumipat ng tirahan para magawa ko ang mga bagay na gusto kong gawin. Para masimulan ko na ang plano kong magpakilala kay Dante bilang bagong Nora Dumont.