It is You Amella

2 years ago

"Take it easy, let's take it slowly..dahan dahan lang," dinig kong pahayag ng isang boses babae habang may mga kamay na dahan dahang tumanggal sa bandahe na nakataping sa buo kong mukha.

Hindi ako gumalaw nanatili akong naka-upo sa ibabaw ng malambot na espasyo. Wala akong mahagilap na mga imahe. Pawang dilim ang aking nakikita. Hinintay kong matapos ang pagtanggal ng bandahe. Hindi ko alam kung buhay pa ba ako o nasa kabilang mundo.

"Malapit na, kaunti na lang," anito.

Unti unti akong nakadama ng malamig na hangin na tumama sa aking batok at panga. Sanhi iyon ng unti unting pagkatanggal sa nakabuhol na bandahe.

Ilang saglit ang nakalipas ay malaya na ang aking mukha. Dama ko ang kalayaan na halos apat na buwang nakatago sa ilalim ng kadiliman.

Hindi ako nangahas na buksan ang aking mga mata. Takot ako na makita ang malupit na realidad. Nanginginig ang aking mga kalamnan. Malakas ang bundol ng aking dibdib kung bakit ay wala akong mahanap ang rason.

"Dalhin n;yo ang sal