Chapter 7

SABI ni Zak, kapag nasa Manila ito ay sa condo na iyon tumutuloy. Kahit na sinabi na nitong wala siyang dapat na alalahanin ay hindi pa rin niya maiwasan ang mag-alala. Alam kasi niyang magiging malaking kaabalahan kung makikipisan siya rito gayung hindi naman niya ito kaanu-ano.

Para nga lang gusto niyang magtawa nang maisip niyang pinagpanggap nga pala niya itong boyfriend para matakasan niya ang kapatid nitong nau-obsess na sa kanya. At sa tingin niya ay mas lalong naging mabangis si Dok Benjamin dahil 'girlfriend' siya ng kapatid nito na labis nitong kinamumuhian. 

"Tuloy ka," wika ni Zak matapos nitong mailagay ang password nito sa pintuan kaya bigla na iyong bumukas. 

Hindi niya napigilan ang mapasinghap nang ihakbang na niya ang kanyang mga paa papasok sa  unit nito dahil kitang-kita talaga roon ang karangyaan.  Hinsi iyon basta condo unit dahil nasa tuktok sila ng building kaya nasisiguro niyang mas akma iyong tawaging penthouse. May