Chapter 46

Madeline's P. O. V.

Pagdating sa bahay ay hindi ako kinikibo ni Raven, pumunta siya kaagad sa kwarto niya at naiwan ako sa sala. Hindi ko rin alam kung anong dapat kong gawin, never ako nanuyo, buong buhay ko. Napabuntong hininga ako at nagtungo sa kwarto ko. Parang gusto ko na lang sa kwarto ni Raven, kahit na official na kami... Mas pinili ko pa ring matulog sa kwarto ko.

Lutang akong pumasok sa banyo para mag-half bath. Habang dumadaloy sa katawan ko ang maligamgam na tubig mula sa shower ay napatulala ako sa aking reflection sa salamin. Napayakap ako sa dibdib ko. Hindi ko akalain na nakita niya na ang lahat ng 'to. Nakakahiya man pero gusto kong masanay na ako, asawa ko siya.

"Magluto kaya ako para sa kaniya?" bulong ko.

Napailing ako dahil wala naman akong alam sa kusina, anong lulutuin ko? Pritong hotdog? I need something special. Para naman mapatawad niya ako, 'yong convincing.

Nang matapos akong maligo, kinuha ko ang cellphone ko sa aking bag. Bumungad kaagad sa screen ang m