Chapter 49

Madeline's P. O. V.

"Grabe, sobrang daming tao!" sigaw ko at halos mapatalon sa ganda ng mga ilaw.

Nakarinig kami ng tugtog na pang-pasko. Hinawakan ko ang kamay ni Raven at hinila siya. Ilang minuto na lang at sasapit na ang pasko, ilang oras din kasi ang naging byahe namin mula Maynila.

"Careful, baka madapa ka pa sa mga bato," ani Raven sa akin at piniga ang kamay ko.

Nilingon ko siya at tinuro ang malaking parol na nakasabit sa lumang bahay. Nilabas ni Raven ang kaniyang cellphone.

"Stand there, I'll take a photo of you," aniya.

"Wow, kabisado mo na ako, ha?" natatawa kong sabi.

Umatras ako at tumayo sa tapat ng parol. Tinaas ko ang dalawa kong kamay na naging pe-letter V. Nag-heart shape rin ako gamit ang mga braso ko at kamay.

"Ayos ba?" tanong ko.

"Yup, very beautiful."

Tinitigan niya ang kaniyang cellphone. Sinilip ko iyon at nakita ko ang maganda at maliwanag na kuha nito sa akin. Naisip ko namang kami ay wala pang litrato. Akmang hihilahin ko si Raven papunta sa iba pang lu