Chapter 1

HINDI lubos akalain ni Bella na magiging ganun kabilis ang mga pangyayari at sa isang iglap ay sinama na siya kaagad sa bahay ng lalaking mapapangasawa niya. Sa padalos-dalos na desisyon niya ay nagkaroon na siya kaagad ng mapapangasawa. Sa harap ng lolo ng lalaki ay nangako siya na simula sa araw na iyon ay magiging asawa na siya ng apo nito at ang sabi nito ay itinuring na nila ang isat-isa na mag-asawa.

Nang nasa loob na siya ng sala ay parang doon pa lang nagsi-sink in sa utak niya ang lahat. Hindi niya akalain na dahil sa sama ng loob niya dahil sa kanyang ex-boyfriend ay nagpasa siya ng ilang mga kailangan para sa pagpapakasal.

Habang nakatingin sa kanyang kamay kung saan nakasuot ang isang mamahaling engagement ring ay doon lang niya naisip na ang mga nangyari ay totoo nga talaga. Ikakasal na siya sa taong kakikilala niya lang.

Hindi siya nangahas na kausapin ang lalaking mapapangasawa niya na kanina niya lang nakita. Sa halip ay dali-dali siyang umakyat sa pangalawang palapag kung saan ang magiging silid niya. Hindi na siya binigyan pa ng pagkakataon ng lolo nito na makaalis, binilhan siya nito ng mga damit at mga kailangan niya. Mabilis siyang dumiretso sa banyo para maligo. Hindi pa rin siya makapaniwala sa naging desisyon niya at napapaisip kung tama nga ba iyon? Pero kasi, siya mismo ang nagpresinta sa lolo ni Keizer na magpakasal sa apo nito para ipakita sa ex niya na hindi siya apektado sa pag-iwan nito at pagpili sa ibang babae na pakasalan.

Pagkatapos niyang maligo ay doon niya lang napagtanto na dahil pala sa pagmamadali niyang pumasok sa may banyo ay hindi na niya nakuha pang kumuha ng maisusuot niyang damit. Habang ibinabalot ang sarili sa tuwalya ay agad na namula ang kanyang mukha.

Paano ba naman kasi ay silang dalawa na lang ni Keizer ang naiwan doon at kahit na sabihin pang nalaman na niya ang pangalan nito ay nananatili pa rin itong estranghero sa kaniya. Ilang minuto siyang nag-alinlangan sa loob ng banyo. Hindi niya alam kung paano siya lalabas doon, mas hinigpitan na lang niya ang tuwalya na nakabalot sa kaniya at pagatapos ay binuksan ang pinto bago tinawag ito.

“Keizer!” malakas niyang sigaw ngunit wala siyang narinig na tugon. Ilang beses niya itong tinawag ngunit walang sumagot. Hindi niya tuloy maiwasang hindi magtaka, umalis ba ito?

Dahil doon ay nakapagdesisyon siya na lumabas na ng banyo ay agad niyang binuksan ang cabinet ngunit nakita niyang walang damit doon kahit isa kaya hindi niya naiwasang hindi mapakunot ang noo, nasaan na ang mga damit na sabi ay nakahanda na? O sa ibang silid siya pumasok? Hindi ba at ito ang sinabi nilang silid? Sunod-sunod na tanong niya sa kanyang isip at dahil nga wala siyang maisuot ay wala siyang pagpipilian kundi ang pumasok sa ibang silid.

Paglabas niya ay nakita niya na may isa pang silid kaya dali-dali siyang lumapit dito at pinihit ang seradura ng pinto. Madilim ang silid at dahil nga hindi siya pamilyar sa silid na iyon ay hindi niya alam kung nasaan ang switch ng ilaw. Naglakad na lang siya kahit na wala siyang makita at nangapa na lang sa madilim na silid upang hanapin ang cabinet ngunit dahil sa madilim ang silid ay hindi niya napansin ang isang bagay na nakaharang pala sa kanyang harapan at natapilok.

“Ahh!” sigaw niya sa matinding gulat kaya lang ay wala siyang naramdaman na sakit sa kanyang pagbagsak dahil ang binagsakan pala niya ay kama. Kaya lang ay nang ilipat niya ang kanyang kamay sa isang banda ay halos mapaso siya nang hindi na malambot na tela ang nahawakan niya kundi mainit na katawan! At sigurado siya na katawan iyon ng lalaki dahil bahagyang matigas iyon.

Akmang babangon na sana siya at babawiin ang kanyang kamay nang bigla n alnag siyang hawakan nito at hilahin palapit dito at halos masubsob siya sa ibabaw nito. Hindi niya man makita kung sino iyon ay sigurado siya na si Keizer iyon dahil wala naman siyang ibang kasama kundi tanging ito lang.

“Lily, huwag kang umalis dito ka lang!” pigil nito sa kaniya.

Sandali siyang natigilan ngunit nagpumiglas siya at pilit na kumakawala rito kaya lang ay talagang mahigpit ang hawak nito sa kanyang mga braso at dahil doon ang tuwalya na nakabalot sa kaniya ay bigla na lang nahulog mula sa kanyang katawan kung saan ay agad na nanlaki ang kanyang mga mata. Agad na nag-init ang kanyang pisngi at nakaramdamam ng matinding kahihiyan. Malakas niyang itinulak ang lalaki ngunit wala itong silbi. Ano ba naman ang lakas niya sa lakas nito kung ipagkukumpara.

Dahil sa lapit nila sa isat-isa ay naamoy niya ang amoy alak sa hininga nito na may halong mabangong amoy, siguro ay ang pabango nito at bigla na lang bumilis ang tibok ng kanyang puso dahil sa matinding kaba. Mukhang hindi maganda ang sitwasyon niya! Kailangan niyang makaalis doon.

Hindi na siya batang paslit pa para hindi malaman kung gaano kadelikado ang sitwasyon niya ng mga oras na iyon. At isa pa, ang pagkakabanggit nito ng pangalan na ibang babae kanina ay malinaw na may bahid ng kalungkutan. Hindi lang iyon, pinagkamalan siya nitong siya ang kung sino mang babaeng iyon.

“Hindi ako si Lily. kaya bitawan mo na ako…” sabi niya rito at malapit nang bumagsak ang kanyang mga luha dahil sa matinding takot na nararamdaman niya ang mga oras na iyon. Nagpatuloy pa rin siya sa pagpupumiglas kaya lang ay mabilis siya nitong hiniga sa may kama at umibabaw sa kaniya. Ang dalawa nitong mga tuhod ay nakalagay sa magkabila niyang gilid kung saan wala siyang kawala. Sa ilang sandali pa ay bigla na lang siya nitong hinalikan. Hindi niya maiiwas ang kanyang ulo dahil hinawakan nito iyon.

Inipon niya ang kanyang lakas at pilit na iwasan ang mga labi nito para hindi siya nito mahalikan ngunit talagang malakas ito at sa isang iglap ay nasakop na ng labi nito ang kanyang bibig. Napaluha na lang siya dahil sa kawalang magawa niya. Sa pagitan ng paghalik nito ay ilang mga salita ang binigkas nito. “Lily, huwag mo akong iwan…” nakikiusap na sabi nito.

At ilang beses pa nitong tinawag ng paulit-ulit ang pangalan na Lily at ni hindi man lang nito napansin ang kanyang panlalaban. Ang mga kamay nito ay naglakbay sa buo niyang katawan maging ang labi nito ay naglakbay sa kanyang katawan kung saan ay walang pinalampas at iniwanan ng mga marka ang bawat daanan nito.

…