CHAPTER 22

Hindi niya naisip na gagawin niya ang lahat para sa isang babaeng mas bata pa sa kanya ng sampung taon. Pero simula nang malaman niya na magiging ama na siya ay biglang nagbago ang pakikitungo niya kay Khrystal. Ganoon siguro kapag magiging tatay ka na. Nagiging protective, mahinahon at maunawaing asawa.

Isang buwan na lang din ang natitira at manganganak na si Khrystal. Kaya lahat ng mga kailangan ng bata at kailangan ng asawa ay inihanda na nila. Pati ang pangalan ng anak nila. Sa tuwing naiisip niya ang ipapangalan ay napapangiti na lang siya.

Habang nakahiga ay pinagmamasdan niya ang magandang mukha ng kanyang asawa na animo’y isang anghel na nahulog sa kalangitan. Hinawi niya ang buhok nito na tumabing sa kaliwa nitong mata.

“Sana lagi ka na lang ganyan. Parang anghel at hindi tayo nag-aaway,” nakangiting sabi niya habang kinakabisa ang bawat bahagi ng kanyang mukha.

Kahit kail