Chapter Three: The Confrontation

“Alexa! Alexa!” 

Boses ni Jake iyon.

Tiyak na mainit na naman ang ulo ng lalaki. Mula nang nanggaling sila sa hospital halos dalawang buwan na ang nakalipas, naging kapansinpansin na  ang pagiging mainitin ng ulo ng lalaki.

Noon naman ay hindi ito ganito. Ngayon lang. Ngayon lang siguro dahil iritable siya sa sarili. Marami na kasing bagay na dati ay ginagawa niya pero ngayon ay hindi na niya magawa.

Dali-dali niyang iniwan ang pagsasalansan ng mga damit ng lalaki sa built in closet at tinungo ang kinaroroonan nito.

“J…Jake? Ano yun may kailangan ka?” ani Alexa. Gagawaran sana niya ng masuyong halik sa pisngi ang lalaki ngunit umiwas ito.

Nasaktan man ang kalooban ay pilit na pinasaya ni Alexa ang boses.

“Jake may masakit ba sa'yo?”

“Kanino ang mga iyan?!”  pabulyaw na sabi ng lalaki sabay may inihagis na kung ano sa sahig.

Napansin niya ang paniningkit ng mga mata ni Jake. Galit ang naka rehistro sa mukha ng lalaki.

Naka upo ito sa sofa habang nanonood ng telebisyon kanina lang, ang akala niya ay nalilibang ito sa panonood kaya sinamantala na niya na makagawa sana ng mga gawaing bahay habang namamalengke ang ina ng binata. Ngunit heto at mukhang mainit na naman ang ulo ng kaniyang kasintahan.

“Jake? Ano ba ang problema?!”

“Bakit hindi mo subukan na tanungin ang sarili mo!” asik pa ng lalaki.

Nanginig ang buo niyang katawan nang mapansin kung ano ang bagay na inihagis ng lalaki sa sahig.

Yung Pregnancy Test kit ……napalunok siya nang sariling laway nang tumambad sa kaniyang harapan ang mga iyon.

“Kanino yan?! Sa'yo hindi ba? Imposible naman na kay Mama! Dalawa lang kayong babae sa bahay na ito Maria Alexandra!” ani Jake na nanlilisik ang mga mata. 

Nakakuyom ang kamao ng lalaki dala marahil ng matinding pagtitimpi.

“Babe let me explain kaya kong ipaliwanag ang lahat!” ani Alexa sa pagitan ng paghikbi.

Ang araw na kinakatakutan niya ay dumating na. Buong akala niya ay naitapon na niya sa trash bin ang mga pregnancy test na iyon at sa hindi niya maipaliwanag na dahilan ay nahalukat pa rin pala iyon ni Jake.

“Alexa alam mo na hindi ko t*nga! That child is not mine alam mong all these years ay iginalang kita” 

“Jake!” Gusto sana ni Alexa na maipaliwanag ang sitwasyon niya sa lalaki ngunit hindi niya magawa. Pakiramdam niya may kung anong naka bara sa kaniyang lalamunan at walang lumabas na tinig mula sa kaniyang bibig.

“What now? Sasabihin mo sa akin na nagawa mo lang yan dahil kinailangan mo na isalba ang buhay ko, ganun ba Alexa?  At sa akala mo ba naniwala ako nang sinabi mo kung paano ka nakalikom ng malaking halaga para sa operasyon ko? Hindi ako naniwala Alexa, alam ko… sa puso ko na galing sa masama ang pera na ‘yun! ” wika ng lalaki na hilam ng luha ang mga mata.

“Paano kung sabihin ko sa'yo na oo?!”

“Paano kung sabihin ko na wala ako choice kung hindi ibenta ang sarili ko para lang mabuhay ka Jake?!”

“Paano kung sabihin ko sa'yo na hindi ko ginusto ang mga nangyari? Jake wala akong choice that time kung hindi ang kumapit sa patalim para mailigtas kita!” ani Alexa sa pagitan ng mga hikbi.

Umaasa ang dalaga na makakaya ni Jake unawain ang sinasabi niya.

Baka sakali na makinig ito bago magalit.

Baka sakali na maayos pa niya ang lahat.

“Then sana hinayaan mo na lang akong mamatay Alexa! Mas gugustuhin ko pa iyon!” hiyaw ng binata.

“At sa palagay mo ba ay makakaya ko na hayaan kang mamatay ng ganun na lang Jake?”

“Umalis ka na Alexa! I don't want to see your face! Leave!!!!!”, asik ng binata Kay Alexa.

Daig pa ni Alexa ang pinagsakluban ng langit at lupa. Ang taong naging kaibigan niya at kakampi sa mahabang panahon bago niya naging kasintahan ay galit na galit na sa kaniya ngayon. 

Bakit ganun ? Bakit galit ang naging kapalit ng kaniyang sakripisyo sa halip na pangunawa.

Itinaya niya ang kaniyang sarili.

Para lang kay Jake.

“Sigurado ka ba sa sinasabi mo ha Jake?!”, hindi makapaniwalang tanong ni Alexa habang luhaan ang mga mata.

“Sigurado ka ba na kaya mo nang itapon lahat ng pinagsamahan natin dahil lang sa hindi na ako malinis ngayon? Kaya hindi mo na ako kayang tanggapin pa?”

“I said leave! Hindi ko kayang makita ka Alexa knowing na may nakasiping ka nang iba dahil isipin ko pa lang kung paano ninyo nabuo ang batang iyan nasusuklam na ako!” 

May sasabihin pa sana si Alexa ngunit hindi na niya nagawang magsalita.

Masakit na talikuran siya ni Jake bilang kasintahan pero mas masakit na tila ang pagiging magkaibigan nila simula pagkabata ay tinalikuran na rin ito.

“ Kung iyan ang gusto mo Jake sige aalis na ako pero ito ang tatandaan mo hinding-hindi na ako makikita pa! Simula ngayon tuluyan na akong mabubura sa buhay mo!”