KABANATA 3

Nang bumukas ang pintuan ng opisina ng manager ay noon mabilis na sinundan ni Dave ang waitress na napag-alaman niyang Jade ang pangalan.

“Miss, sandali lang, J-Jade, right?” habol niya dito.

Noon malungkot siyang hinarap ng babae saka tiningala at tumango. “Hindi pa nga pala ako nakakapagpasalamat sa ginawa mo kanina. Salamat ah, kung hindi ka dumating baka kung ano na ang nangyari at ginawa sa akin ng lalaking iyon,” anito sa kanya.

Sandaling pinakatitigan ni Dave ang maganda at maliit na mukha ng babae. Pare iyong manika na may bilugan at magagandang mga mata. Manipis na labi at matangos na ilong. Maputi ito, matangkad, slim ang pangangatawan, at maitim ang buhok na lampas-balikat ang haba.

“It’s okay,” aniya.

Tumango lang ulit ang babae saka pumunit ang isang pilit na ngiti sa mga labi nito. “Sige, I have to go, thank you ulit,” anito bago siya tinalikuran.

Sinundan lang niya ang papalayo nitong bulto. Para lang siyang muling natauhan nang marinig niya ang kaibigang si John sa kanyang likuran.

“Ano bang ginagawa mo? Halika na? Umuwi na tayo!” anito sa kanya.

Noon niya nilingon ang kaibigan niya. “You know what, tutal pareho naman tayo may dalang mga kotse, mauna ka na. May kailangan lang akong ayusin,” aniya rito.

“Ayusin? Anong aayusin mo?” tanong nito sa kanya.

Noon nangalatak si Dave. “You go ahead if you want, okay?” aniya.

“Okay,” sagot naman ni John na tinapik lang siya sa balikat pagkatapos ay umalis na.

*****

SA harapan ng bar minabuti ni Dave ang maghintay. Nandoon kasi ang employees entrance and exit kaya doon niya inasahang lalabas si Jade at hindi nga siya nagkamali. Nang makita niya ito ay mabilis niyang pinatakbo ang kotse niya saka hinuntaan ang babae na halatang nagulat.

“Jade, halika na, ihahatid na kita,” tawag niya sa babae.

Agad na nagsulubong ang tila ginuhit na kilay ng magandang babae. “Huwag na, okay lang ako,” anito sa kanya saka muling naglakad.

Noon  niya muling sinundan ang babae. “Please? I just want to make sure na safe kang makakauwi,” aniya sa babae.

Sa puntong iyon ay nakita niyang gumuhit ang inis at pagtataka sa maganda nitong mukha. Iyon ang dahilan kay inasahan niya na sasagot ito sa unfriendly na paraan, pero iba ang nangyari, naging mahinahon at magalang parin ito. Dangan nga lamang at hindi nito naitago ang iritasyon na humalo sa tinig nito.

“Hindi na kailangan, I’m good,” sagot nito.

“Please? I insist, magtiwala ka lang sa akin, ihahatid kita ng safe sa bahay mo,” sagot niya.

Hindi niya maunawaan kung bakit siya nagkakaganoon. Ang totoo sa edad niyang twenty-six, kahit minsan ay hindi pa siya na in love. Hindi niya alam kung dahil ba iyon sa katotohanan na hindi naman mahirap para sa kanya ang kumuha ng babae. Pero ang lahat ng mga iyon ay walang emotional attachments.

Kung hindi one night stand ay bed partner lang ang nagiging papel sa buhay  niya.

At iyon ang dahilan kung bakit nagtataka siya ngayon. Dahil totoong concern ang nararamdaman niya para kay Jade.

Legally separated ang mga magulang niya at ang ama niyang si Melchor ay nasa America na ngayon kasama ang bago nitong asawa, pero wala anak. May kuya siya, si Danilo na matanda ng apat na taon sa kanya. Malungkot na buntong hininga ang pinakawalan ni Dave dahil doon saka minabuti I-dismiss nalang ang alalahaning iyon.

“Jade?” muli niyang untag sa babae na noon ay nanatiling nakatitig sa kanya.

“S-Sige,” anito sa tono na halatang napipilitan bago umikot at sumakay sa may passenger seat ng kanyang sasakyan.