Chapter 2

Isang luxury car ang pumarada sa harapan ng Central Corporation. Bumaba ang driver ng sasakyan at pinagbuksan ang nakasakay sa likod ng kotse. Ilang sandali pa ay isang pigura ang lumabas kung saan ay nakasuot ito ng isang suit na kulay asul. Walang ekspresyon ang mukha na naglakad papasok ng kumpanya.

Sa pasukan pa lang ay naroon ng nakalinya ang mga empleyado, hinihintay ang pagdating niya. Siya si Logan Monteverde, ang bagong may-ari ng kumpanyang iyon. Wala sana siyang balak na bilhin iyon ngunit halos magmakaawa na ang may-ari sa kaniya. Kailangang-kailangan daw nito ng pera para pambayad sa utang nito. Nalubog lang naman ito sa sugal dahil sa babae.

Napailing na lang siya tuloy, sinong tao ang mag-aaksaya ng yaman para lang sa isang babae? Not him.

Sabay sabay na yumuko ang mga tao sa kaniya at binati siya. “Good morning Mr. Monteverde, I am Elliot Castro, one of the executives.” pagpapakilala ng isang lalaki na nasa mid fifties na. Bukod pa doon ay inilahad nito ang kamay nito sa harap niya ngunit sinulyapan lang niya ito at nilampasan, ni hindi sinagot.

“I want all of you into the meeting room, because I have some announcement to make.” malamig na sabi niya sa mga ito bago naunang naglakad patungo sa elevator. 

Wala ni isang nagsalita at tahimik lang na sumunod sa kaniya hanggang sa makarating na sila sa meeting room. “Nandito na ba ang lahat?” iginala niya ang kanyang paningin sa loob. 

May isang babae siyang napansin na medyo hindi maipinta ang mukha kaya tinaasan niya ito ng kilay. “Yes?” ngunit bago pa man ito makapagsalita ay sabay-sabay silang napalingon sa pinto dahil bumukas ito.

**********

Halos takbuhin ni Kayla ang daan papunta sa meeting room. Tinext siya ni Kelly na pinapapunta daw silang lahat sa meeting room ng bagong CEO at bukod pa doon ay sinabi nito sa kaniya na mukhang may attitude daw ang bagong CEO dahil hindi man lang nito tinanggap ang pakikipagkamay ni Mr. Castro rito.

Hindi niya tuloy maiwasang hindi kabahan ng mga oras na iyon dahil sa nakakatakot na pagkaka-describe ni Kelly rito. Paano na lang kung ipahiya siya nito sa unang araw nito bilang CEO dahil lang sa late siya o mas worst ay baka tanggalin siya nito sa trabaho diba?

Nakailang panalangin na siya sa totoo lang habang tinatakbo ang meeting room na sana naman ay  kaawaan siya ng Diyos sa araw na ito.

Hindi na siya kumatok pa sa meeting room pagdating niya sa halip ay tuloy-tuloy niyang binuksan ang pinto kung saan ay nakita niyang ang lahat ng naroon ay napunta sa kaniya ang tingin. Halos gusto niya na lang lamunin ng lupa ng mga oras na iyon dahil sa labis na kahihiyan. 

Ibinaling niya ang kanyang tingin sa taong nakaupo sa dulo ng meeting room at nang makita niya ito ay halos matulos siya sa kanyang kinatatayuan. The familiar face whom she thought she’d already forgot, dahil sa ilang taong hindi pagkikita. 

Biglang sumikip ang dibdib niya at bumilis ang tibok ng puso niya. Ang tingin ng mga taong naroon ay tila biglang nawala, na para bang silang dalawa na lang ang naiwan sa loob. Ang maiitim nitong mga mata ay nakatingin sa kaniya. May gumuhit na sakit sa dibdib niya ng mga oras na iyon hanggang sa dahan-dahan niya ng iniiwas ang kanyang mga mata mula rito at saka yumuko.

“Sorry I’m late sir.” paghingi niya ng paumanhin habang nanginginig ang tuhod at buo niyang katawan. Bakit, bakit siya nandito?

Halos walang taon niya na itong hindi nakikita. Iniwasan niya ang lahat ng lugar na posibleng mag-krus ang landas nilang dalawa pero mukhang mapaglaro talaga ang tadhana dahil sa dami-rami ng lugar na pwede niyang makita ito ay talagang sa kumpanya pa na pinapasukan niya at hindi lang iyon dahil ito ang bago niyang boss for pete’s sake!

Ginawa niya ang lahat ng kanyang makakaya para lang makalimutan ito at ipokrita siya kung sasabihin niya na nakalimutan niya na ito ng tuluyan dahil ang totoo, hindi pa. Hindi pa rin at, at mahal niya pa rin ito hanggang ngayon.

Parang sasabog ang dibdib niya ng wala sa oras. Iniwasan niya ito ng ilang taon at tiniis na huwag makibalita tungkol sa buhay nito dahil ayaw niyang masaktan kapag nakita niyang masaya na ito kapiling ang babaeng totoong mahal nito pero bakit? Bakit kailangan na ito pa ang maging bago niyang boss? Hindi ba pwedeng iba na lang?

Para siyang nakalutang habang nasa meeting, hanggang sa matapos ang meeting ay hindi pa rin siya nagsasalita dahil okupado pa rin ang isip niya. Napakaraming tanong ang tumatakbo sa isip niya ng mga oras na iyon kasama na rin ang takot na baka malaman nito ang tungkol kay Brix, pero kung sakaling malaman nga nito ang tungkol sa anak nila, tiyak na hindi nito ito tatanggapin diba?

“Kanina ka pa tulala, may problema ba?” tanong sa kaniya ni Kelly. Nasa coffee room sila ng mga oras na iyon. Sinundan siya nito doon. Gusto niya sanang magkape para gumaan ang pakiramdam niya dahil hanggang sa mga oras na iyon ay malakas pa rin ang kabog ng dibdib niya at nanghihina pa rin ang mga tuhod niya.

Mabilis na umiling si Kayla. “Wa-wala naman.” sagot niya sa kanyang kaibigan at nag-simula ng magtimpla ng kape.

“Anong masasabi mo sa bago nating boss?” tanong nito sa kaniya dahilan para halos matigil sa ere ang kamay niya.

“E-ewan ko.” nauutal na sagot niya. Ilang beses siyang humugot ng malalim na buntong hininga para pakalmahin ang sarili niya pero nanatiling malakas pa rin talaga ang kabog ng dibdib niya na para bang gusto ng lumabas sa dibdib niya ang kanyang puso.

Bigla tuloy siyang napahawak sa kanyang dibdib ng wala sa oras. 

“Alam mo, gwapo naman siya pero—” bago pa nito matapos ang sinasabi ay bigla na lang bumukas ang pinto kaya napalingon sila rito. Ang nakangiting mukha ni Miss Anne ang nakita nila at may mayabang itong ekspresyon.

Sa kaniya ito tumingin. “Pinapatawag ka ni Mr. Monteverde.” nakataas ang sulok na sabi nito sa kaniya at puno ng panunuya ang mga mata.

Nang marinig niya ang sinabi nito ay mas lalo lang siyang kinabahan pero alam niya na hindi siya dapat matakot. Magkikita at magkikita naman talaga sila pero hindi niya akalain na magiging ganito kabilis.

Hindi siya nagsalita sa halip at naglakad palabas para magtungo sa opisina ng kanyang dating asawa na ngayon ay boss niya na.