Chapter 1

“Sign this…” ibinaba ni Logan ang isang papel sa harapan niya. She was smiling minutes ago, pero ang ngiti sa mga labi ay dahan-dahang naglaho. Pinulot niya ang papel na inabot nito. Divorce agreement ang nakalagay doon.

A sudden pain flick into her chest. Masaya siya kanina bago siya umupo sa harap ng mesa dahil sa wakas ay buntis na siya pagkatapos ng dalawang taon nilang pagsasama ng kanyang asawa. Gulat at pagtataka ang naramdaman niya ng mga oras na iyon. Ibinuka niya ang kanyang bibig ngunit walang salita ang lumabas mula rito.

“She’s back.” dalawang salita lang ang sinabi nito ngunit parang daan-daang kutsilyo ang tumarak sa dibdib niya. 

“Ah, is that so?” mapakla siyang ngumiti at halos manginig ang kamay niyang dinampot ang ballpen na nasa ibabaw ng papel.

Parang ayaw gumalaw ng kamay niya ngunit sa huli ay nagawa niya pa ring pirmahan ang tapat ng pangalan niya. Pagkatapos niyang pumirma ay nagawa niya pang ngumiti rito. “Can I excuse myself? Medyo masama ang pakiramdam ko.” sabi niya at bago pa man ito makasagot ay tumayo na siya saka tumalikod.

Nakaisang hakbang pa lang siya ay ngunit tumulo na kaagad ang luha sa kanyang mga mata. Dalawang taon na silang kasal at alam niya sa sarili niya na una pa lang, ang kasal na namagitan sa kanila ay dahil lang sa isang kontrata. Dalawang taon lang sila magsasama bilang mag-asawa ngunit sa panahong iyon ay umasa siya na mamahalin siya ng lalaki dahil siya ay nahulog na rito matagal na.

Akala niya ay may nararamdaman din ito para sa kanya ngunit mali pala siya. Kahit na may naririnig siyang mga salita galing sa ibang tao ay hindi niya pinakinggan dahil ang buong akala niya nga ay matututunan siya nitong mahalin. Bukod pa doon ay umasa siya na kapag sinabi niya rito ang magandang balita ay baka sakaling magbago ito ngunit paano niya pa sasabihin dito ngayon ang tungkol sa pagbubuntis niya?

Ni hindi na siya lumingon para tuloy-tuloy na naglakad hanggang sa makarating siya sa kanyang silid, oo, may sarili siyang silid. Hindi siya natutulog sa masters bedroom dahil saka lang siya nagpupunta doon kapag kailangan siya ni Logan.

Dahan dahan siyang dumausdos sa nakasarang pinto. Napatakip siya sa kanyang bibig para supilin ang kanyang mga hikbi. Tama naman na pirmahan niya ang divorce agreement hindi ba? Lalo at alam niyang hindi siya nito mahal. Magpapakalayo-layo na lang siya lalo na at walang naman siyang pamilyang uuwian na.

Bubuhayin niya na lang mag-isa anak niya at wala siyang balak na ipaalam ito kay Logan dahil alam niyang hindi rin nito matatanggap ang bata.

********

“Anak, huwag kang malikot dito sa school huh? Palagi kang makinig kay Teacher.” bilin ni Kayla sa anak niyang si Brix. pitong taong gulang na to at nasa grade one na. Ito ang unang araw nitong pumasok kaya medyo excited siya sa totoo lang na medyo kinakabahan. Paano naman kasi ay napakapilyo ng anak niya na hindi niya alam kung saan nagmana.

Tumango lang ito. “Promise?” tanong niya ulit dito.

Muli lang itong tumango at pagkatapos ay hinalikan na niya ito sa pisngi at nagpaalam.

Hinintay niya munang makapasok sa classroom ang kanyang anak bago tuluyang magmadali para sumakay sa kanyang kotse. Kailangan niyang habulin ang oras dahil medyo late na siya. Nagtatrabaho siya bilang isa sa mga sekretarya ng Central Corporation.

Sa araw na iyon ay darating ang bagong CEO ng kumpanya na hindi pa nila pinangalanan kaya kailangang maging maaga ng lahat. Napatingin siya sa kanyang suot na relo at halos mapamura dahil late na siya. Ito pa naman ang unang araw ng bago nilang boss! Baka mamaya ay tanggalin siya nito bigla sa trabaho at hindi pwedeng mangyari iyon dahil doon lang siya kumukuha ng panggastos nila ng anak niya.

Ilang sandali pa ay biglang tumunog ang kanyang cellphone kung saan ay dali-dali niya itong kinuha mula sa kanyang bag at sinagot. Ang tawag ay galing kay Kelly, ang kapwa niya sekretarya sa kumpanya. 

“Nasan ka na ba? Alam mo naman na ngayon ang dating ng bagong CEO diba? Mamaya pagalitan ka na naman ni Miss Anne. alam mo namang sobra ang galit nun sayo.” sabi nito sa kaniya. Well, masasabi niya na isa na ito sa mga naging kaibigan niya sa tagal niyang nagtatrabaho sa kumpanya kaya alam niyang concern lang ito sa kaniya.

Hindi niya ba kasi alam kung anong meron sa kaniya at napaka init ng dugo ng babaeng iyon sa kaniya, na para bang kapag nakikita siya nito ay kumukulo na kaagad ang dugo nito sa kaniya. Maraming beses na rin nitong tinangka na tanggalin siya sa trabaho ngunit palagi itong bigo at ngayon na iba ang kanilang boss ay tiyak na malaki ang posibilidad na baka matanggal na siya lalo na at mas mataas ito sa kaniya.

Napa buntong hininga ng na lang wala sa oras si Kayla. “Hayaan mo siya. Hinatid ko pa kasi sa school si Brix. alam mo naman na first day niya ngayon, ayoko naman na maramdaman ng anak ko na palagi akong walang time para sa kaniya.” sagot niya rito.

“Sige na, bilisan mo na lang okay?” sabi nito bago tuluyang ibinaba ang tawag. Dahil dito ay mas binilisan lang naman ni Kayla ang pagpapatakbo ng kanyang kotse sa kahabaan ng highway ngunit dahil nga rush hour ng mga oras na iyon ay medyo nahirapan talaga siya na sumingit.

“Shit, hindi ako dapat ma-late ngayon!” bulalas niya habang kinakabahan.