CHAPTER THIRTEEN

“FOR HEAVEN’S sake!”

Napabalikwas nang bangon si Jane nang umagang iyon nang marinig ang tila nagulantang na bulalas ng isang babae. Gayun na lamang ang pamumutla niya nang makita ang dalawang taong nakatayo sa nakaawang na pinto—ang mag-asawang Joseph at Madilou.

Tutop ng huli ang sarili nitong bibig habang namimilog ang mga matang nagpapalipat-lipat ang titig sa kanila ng katabi niyang si Matt na parang wala lang na nakahalukipkip at nakasandig sa headboard ng kama.

“I won’t ask kung ano ang nangyari. Alam ko na,” mayamaya’y sabi ni Madilou nang makabawi ito sa pagkabigla.

Namula siya, at napayuko na lamang. She was staring at the stains of blood sa puting kumot na nakatakip sa hubad nilang katawan. Nahihiya siyang nahuli sila ng binata sa ganoong klase ng sitwasyon ng sarili nitong kapatid at bayaw.

“Magbihis na kayo. We’ll talk about this sa baba,” dagdag pa nitong parang mga musmos lang silang pinagsasabihan, saka nagpatiuna na itong