Chapter 3

Kinaumagahan sa sikat na Salvacion Villa District, idinaraos ang ika-80 kaarawan ng matandang matriarca na si Madam Gloria Luiz-Walker. Bagama’t sa pinakamagandang hotel sa lungsod gaganapin ang marangyang salu salo para sa mga bisita, iniutos ng matanda na mag ipon muna ang pamilya sa kanyang mansyon.

Agad na lumapit si Sapphire upang batiin ang kanyang lola. “Happy Birthday, Lola ko! Nawa’y humana pa ang iyong buhay nang higit sa dalawangdaang taon.”

Si Madam Gloria at ang yumao niyang asawa na si Don Cassius Luiz ay may dalawang anak na lalaki: Sina Rheagan Walker at Kian Walker. Si Ashanti Walker naman na asawa ng isa sa magkakapatid ay may anak na lalaking si Sinead Walker at ang anak na babaeng si Avionna Walker, na halos kasing edad lang ni Sapphire.

Sa kasalukuyan, ang kayamanan ng Pamilya Luiz na nagkakahalaga ng mahigit isang bilyon, pati na ang kapangyarihang magpasya sa kumpanya, ay halos hawak na lahat ni Madam Gloria. Kaya naman, ginagawa nina Rheagan at Kian ang lahat para lang langisan ang matanda at mag agawan sa ari arian.

Sa gitna ng sala, nakaupo ang matandang si Madam Gloria sa isang silyang gawa sa mamahaling kahoy na mahogany na nagkakahalaga ng daang libo. Masaya siyang tumatanggap ng mga regalo at pagbati mula sa kanyang pamilya habang kalong ang paborito niyang aso.

Bigla niyang napansin na nadumihan ng asong si Saoirse ang sahig sa ilalim ng kanyang silya. Agad na sumigaw si Madam Gloria sa galit. “Nasaan ang basurang manugang na ‘yon? Papuntahin ninyo rito at palinisin ang dumi ng asong ito!”

Ang tinutukoy ni Madam Gloria na “basurang manugang” walang iba kundi si Ethan De Valle. Sa nakalipas na tatlong taon, ang maging tagasalo ng dumi ng aso ang siyang naging pangunahing trabaho niya sa mansyon.

Tumingin sa paligid si Sapphire at nagkunwaring nagtaka “Ano ba yan.. wala ka na namang silbi rito, Ethan.”

Nagdilim ang mukha ni Madam Gloria. “Anong sabi mo Sapphire? Tandaan mo, kaarawan ko ngayon tapos naglakas loob siyang hindi pumunta? Ano bang nangyayari sa lalaking ‘yan?”

“Baka po… pumasok sa trabaho si Ethan, Lola—”

“Trabaho? Hah! Nakakatuwa naman” pang aasar ng matanda.

“At talagang nagbibigay nakaw at kahihiyan ang taong ‘yan sa pamilya natin!” sabat ni Ashanti habang nakangisi. “Isang beses, habang nagmamaneho ako papunta sa Solmira Company, nakasalubong ko siya. Hindi ko man lang maamin sa mga kaibigan ko na kamag anak natin ang hampaslupang yan!”

Nagliliyab sa galit ang mga mata ni Madam Gloria. “Tawagan ninyo ang walang hiyang yan! Walang modo at walang alam sa patakaran!”

Nang makitang galit na ang kanyang lola, sinamantala ni Sapphire ang pagkakataon upang bitawan ang kanyang patibong. “Lola, sa totoo lang po… wala siya rito dahil ngayong araw na ito ang divorce namin”

“Divorce?! At sinong nagpahintulot sa inyo? Hindi mo ba alam na ang kasal ninyo ang huling hiling ng pumanaw mong lolo?!” dumagundong ang boses ni Madam Gloria.

“Hindi ko po gustong suwayin ang huling hiling ni Lolo, pero kasi si Ethan… sobra sobra na po ang pang aapi niya sa akin!” Biglang lumuhod si Sapphire sa harap ng matanda habang umaagos ang pekeng luha sa kanyang mga mata.

Naawa ang matanda nang makita ang iyak ng kanyang paboritong apo, iniisip ang sinapit nito sa tatlong taong pagsasama nila ni Ethan. “Sapphire, apo ko, huwag ka munang umiyak dyan. Tandaan mo, makapangyarihan ang pamilya natin at isang hamak na manugang lang siya na nakikitra sa atin! Paano ka niya nagawang apihin? Sabihin mo sa akin at ako ang magpaparusa sa kanya!”

Pinunasan ni Sapphire ang kanyang mga mata at humarap sa lahat. “Si Ethan De Valle… may kinakasamang ibang babae sa labas!”

“Ano?! Bwisit siya! Paano niya nagawa ‘yan sa pamilya natin? Nakakadiri siya!” reaksyon ng mga naroon.

Sa tindi ng gulat at galit ni Madam Gloria ay halos mawalan siya ng balanse. Mabuti na lang at mabilis siyang inalalayan ni Kian upang hindi matumba.

Nanginginig ang matanda. “Sa tatlong taon niyang paninirahan sa bahay natin, binihisan ng maayos, pinakain, pinatulog sa mansyon, at pinagmamaneho pa ng mamahaling kotse… tapos eto? Naghanap ng ibang babae?! Hayop siya! Isa siyang nakakasukang hayop!”

Sa pagbaligtad ni Sapphire sa sitwasyon, mas madali niyang nakuha ang simpatiya ng matanda. Alam na alam niya kung paano magpanggap na isang mabait at masunuring apo sa harap ng pamilya. Kung hindi lang siya nahuli ni Ethan sa hotel kahapon, aakalain pa rin ni Ethan na si Sapphire ay isang suplada lamang ngunit inosenteng babae.

Dahil nalinlang din ang mga magulang ni Sapphire nagsimula na rin silang magmura laban kay Ethan. Subalit kabaligtaran naman ang reaksyon ng pamilya ni Rheagan na palihim na natutuwa sa kahihiyan ni Sapphire.

“Si Sapphire pa naman ang itinuturing na pinakamagandang babae, pero paano ka natalo ng ibang babae ni Ethan?” mapang asar na saad ng pinsan niyang si Avionna.

Sumang ayon naman ang ama nitong si Rheagan habang tumatawa. “Sapphire, huwag mo sana mamasamain ang sasabihin ko, ha? Pero may kasalanan ka rin naman. 3 years na kayong kasal pero hindi mo man lang siya hinayaang hawakan ka? Kahit gaano kaganda ang prutas, walang silbi kung tinitingnan lang. Hindi kataka takang maghanap ng iba si Ethan, tama ba ako?

“Mali ang sinasabi mo, Rheagan!” galit na pagtatanggol ni Emerald, ang ina ni Sapphire. “Ano ba ang estado ng anak ko kumpara sa basurang si Ethan De Valle? Kung naging tunay na mag asawa sila ng walang silbing yan, hindi ba’t madudungisan lang ang katawan ng anak ko?”

Samantala si Ashanti naman ay matagal nang naiingit kay Sapphire, sa ganda ng hubog ng katawan ni Ashanti, sikat siya sa social media bilang isang “Faceless Influencer” na may 100 milyong likes at 10 milyong followers dahil sa likod lang niya ang ipinapakita niya sa mga short videos. Kaya lang, ordinaryo lang ang mukha niya kumpara kay Sapphire.

Kaya naman, sumingit din sa usapan ang kapatid ni Avionna na si Sinead, “Sus, di ba kaya niyo lang pinapanatiling inosente si Sapphire ay para kapag hiwalay na sila ng bilyonaryo ng kumpanya ng mga Luiz, makakahanap kayo ng mas mayaman?”

“Ikaw—!” galit na suwau ng ama ni Sapphire na si Kian.

“Tama na yan!” malakas na utos ni Madam Gloria, na nagpa tahimik sa lahat.

“Kahit pa hindi siya hinahawakan ni Sapphire, wala pa rin siyang karapatang magtaksil! Ano ang tingin niya sa pamilya natin? Tawagan ninyo kaagad ang walang hiyang yan ngayon din! Ako mismo ang maglalapat ng batas ng pamilya sa kanya!”