Kabanata 23

Maaliwalas ang panahon ngayong araw kaya saktong-sakto ang liwanag sa paningin ko. Hindi gaya kahapon na makulimlim ang langit dahilan para hindi ko maituloy ang plano ko sanang tapusin ang drowing. Tuwid akong nakaupo at nakaharap sa malaking glass wall ng opisina ni Russel. Sa pangatlong pagkakataon ay sinuyod ko ng tingin ang syudad na nasasakop ng view sa baba. 

Nasa meeting si Russel ngayon kaya mag-isa lang ako rito. Trenta minutos pa lang din ang nakalilipas matapos kong mag-out. Iniwan ko na si Glen doon at nagpaalam akong pupunta rito. Hindi na rin naman bago sa kaniya na palagi kaming sabay uwuwi ni Russel. Minsan ay tinutukso niya ako pero sa tingin ko naman ay purong biro lang iyon. Wala ni isang nakakaalam sa relasyon namin. I'm not even sure if she'll believe me if she knows too. 

Masaya na malungkot. Masaya dahil... kahit hindi kami official, pakiramdam ko'y pagmamay-ari ko na siya. Malungkot dahil lihim lang ang kun