Chapter >> 5 - Marriage Contract

Natuwa si Kiera sa pagsulpot ni Leon. Nagtataka man kung bakit ito naroon, ay wala na siyang pakialam. "Mr—" ngunit ngayon lang niya naisip; hindi pa pala niya naitanong ang pangalan nito kahit may dalawang beses na silang nagkita.

Agad binitiwan ng gulat na gulat na si Randolf ang asawa. "M-Mr. Hawthorne?" Kilalang-kilala niya ito, kabaligtaran ni Kiera. Sa mga business gatherings na napuntahan na niya ay bibihira lang niya itong makita, dahil isa itong elite na may malaking impluwensya, at hindi ito basta-basta isang bilyonaryo lang. Ngunit sapat na iyon para maunawaan niya ang malaking pagkakaiba ng estado nila ni Leon. "M-Mr. Hawthorne... Napasyal kayo?"

"Napasyal? Mukha ba akong namamasyal?" malamig na sagot ni Leon. Bumaling siya kay Kiera. "Anong nangyayari dito?"

"Mr. Hawthorne, tulungan mo ako... Pinipilit niya akong papirmahin ng divorce agreement," sumbong ni Kiera. Pakiramdam niya ay nakatagpo siya ng kakampi, dahil kung mag-isa nga naman siya ay hindi niya kakayanin si Randolf.

"D-divorce?" Kumunot ang noo ni Leon at binalingan si Randolf.

Nanigas si Randolf. Bakit pakiramdam niya ay parang pamilyar ang bilyonaryong elite na ito sa kanyang asawa? Anong meron sa mga ito, at bakit pakiramdam niya ay parang pananagutin siya nito?

"Totoo ba 'yun?"

"Um... M-Mr. Hawthorne, issue po naming mag-asawa ito..."

"Kaya huwag akong makikialam, ganun ba?" Kunwa'y nag-isip muna si Leon habang hinihimas-himas pa ang kanyang baba. "Okay."

"T-teka, hindi ba't naparito ka para tulungan ako?" pagtataka ni Kiera.

Nagkibit-balikat lang si Leon. "I'm sorry, babe. Tama ang soon-to-be-ex-husband mo; pumasyal lang ako dito."

Lumakas ang loob ni Randolf. Hindi man niya maunawaan ang mga nangyayari ngunit pabor na pabor ito sa kanya, dahil oras na mapapirma niya si Kiera ng divorce agreement ay tuluyan nang mapapasakanya ang lahat ng ari-arian nito.

Nang muling sunggaban ni randolf si Kiera ay kumitid ang mga mata ni Leon. Hinawi niya si Randolf para palitan ito. Siya na rin ang pumuwersa sa kamay ni Kiera sa pagpirma.

Nang mapirmahan na ang divorce agreement ay inihagis iyon ni Leon sa mukha ni Randolf. "Now, get lost. I want to talk to her alone."

Natulala na lang si Kiera; pakiramdam niya ay nawala ang lahat sa kanya, habang masaya at kuntento naman si Randolf. Ngunit ang pinakamasaya sa lahat ay si Leon.

Lubos munang nagpasalamat si Randolf bago mabilis pa sa alas-kuwatrong lumabas ng meeting room.

"Kiera, let's talk. I have something important to—"

PAK!

Isang malakas na sampal ang nagpatigil kay Leon.

Natigilan din ang noo'y papalabas na si Gideon. Lalapit sana ito para gampanan ang kanyang tungkulin, ngunit pinigilan siya ng kaibigan.

"Iwan mo kami."

Paglabas ni Gideon ay doon na sumabog si Kiera; galit niyang pinaghahampas si Leon. "Bakit mo ginawa 'yun?! Ang akala ko pa naman ay pumunta ka dito para tulungan ako!" At pumalahaw ito ng iyak. "Wala na... Ang kumpanyang pinaglaanan ng dugo at pawis ng Daddy ko, pati ang lahat ng mga ari-arian ko, ang tahanang kinalakihan ko, wala na! At dahil 'yun sa 'yo!"

Hinuli ni Leon ang mga kamay ni Kiera at ikinulong ito sa kanyang mga bisig. "I'm sorry. Ginawa ko lang naman 'yun para mapawalang-bisa na ang kasal n'yo ng Randolf na 'yun." Bumuntung-hininga siya nang hindi pa rin ito tumigil sa pag-iyak. "Akala mo ba ay hindi mo na mababawi ang lahat ng nawala sa 'yo?"

Tumigil din sa pag-iyak si Kiera. "A-anong ibig mong sabihin?"

"Pumayag ka lang sa kondisyon ko, tutulungan kita," sagot niya habang pinupunasan ang mga luha nito.

"K-kondisyon?"

"Come with me to my office, doon natin pag-usapan."

Pagbaba ng kotse sa tapat ng kumpanya ay may sumalubong sa kanilang bodyguard na may hawak na payong dahil umaambon noon.

"Good afternoon, Sir, good afternoon, Ms. Lilibeth," bati nito.

Natigilan si Kiera habang bigla namang sumama ang mukha ni Leon; pinandilatan nito ang bodyguard.

"Anong itinawag mo sa akin?"

"M-Ms. Lilibeth?" Pag-aalangan ng lalaki.

Nagtawa si Kiera. "Kiera ang pangalan ko. Anyway, sino si Lilibeth?"

Sasagot na sana ang bodyguard nang biglang sumingit si Leon: "That's enough. Don't talk casually to someone na hindi mo kilala." At iginiya niya si Kiera papasok. Ngunit bago pa tuluyang makaalis ay sinabihan muna niya ang bodyguard na wala itong makukuhang bonus para sa buwang iyon.

Sa loob ng lobby ay naaalangan si Kiera dahil sa mga tingin ng mga empleyado sa kanya. 'Bakit kaya? Ngayon lang ba nila nakitang may kasamang babae ang amo nila?' Doon lang niya namalayan na halos nakayakap na pala sa kanya si Leon habang naglalakad sila. Tinulak niya ito at agad dumistansya.

Maya-maya lang ay lumapit si Wendell. Sinulyapan lang nito si Kiera. "Sir, nasa telepono po ang Daddy n'yo at gusto raw po kayong makausap."

"Dito ka muna, sandali lang ito," paalam ni Leon.

"Okay."

Muling nailang si Kiera dahil naman sa mga tingin ni Wendell sa kanya, tila ba tinatantya siya nito. Kasabay niyon ay ang pagbubulung-bulungan ng mga empleyadong babae sa paligid.

"Sino na naman 'yan?"

"Malamang, baka bagong kaulayaw ni Mr. Hawthorne."

"E, di ba may girlfriend na siya, yung Lilibeth na mukhang boldstar?"

"Ano ka ba, hindi mo alam kung ano ang nangyari kahapon?"

'Lilibeth?' Napukaw ang atensyon ni Kiera. 'Siya rin ata 'yung tinutukoy ng bodyguard sa labas kanina.'

Makikinig pa sana siya sa pagtsitsismisan ng dalawa nang bumalik si Leon.

Pagpasok ng opisina ay namangha si Kiera. Pareho silang nagmamay-ari ng kumpanya ni Leon, ngunit ngayon niya napagtanto ang malaking kaibahan nila. Mula sa laki ng espasyo maging ang mga bagay na naroon sa loob, alam niyang pinagkagastusan ng malaki.

"Here." Inilapag ni Leon ang isang papel sa mesa.

"Ano ito?"

"Marriage contract."

Halos mabitawan ni Kiera ang kontrata sa pagkagitla. "M-marriage contract?!"

"Yes... Bakit, are you unwilling?"

"H-hindi naman sa ganun." Mapait na napangiti si Kiera. "Katatapos lang kasi ng tatlong taong pagsasama namin ni Randolf. Pero sinong mag-aakalang pagka-divorce na pagka-divorce namin, ikakasal agad ako sa iba?"

"Don't mention that guy again. He doesn't deserve you."

"Um, tama ka naman..." Dinampot ni Kiera ang isang ballpoint pen sa pen holder at pumirma sa marriage contract. "Hindi na nga 'yun mahalaga; ang importante na lang sa akin ngayon ay ang mabawi ko ang lahat ng kinuha niya sa akin." Itinulak niya papunta kay Leon ang kontrata. "Meron lang akong dalawang kondisyon; una, hindi dapat malaman ng ibang tao ang tungkol dito sa kasunduan natin."

"Alright."

"Ikalawa, alam ko naman kung ano ang talagang habol mo sa akin. Ayos lang naman sa akin 'yun, dahil ganyan naman talaga kayong mga lalaki, hindi ba? Ang gusto ko lang ay magtalaga tayo ng schedule; two times a week lang. Ang gusto ko ay Monday and Saturday lang."

"Ano?" Biglang nagbago ang mukha ni Leon. Kumunot nang husto ang noo nito na akala mo'y nalugi ito ng isang bilyon. "Hindi puwede! Masyado naman atang madalang ang two times a week?"

"E, ilang beses naman ba ang gusto mo, aber?"

Dinampot ni Leon ang kontrata at may itinurong clause. "Wala akong pakialam sa schedule na 'yan, but as the contract says, it should be 'unli bembang'."