Chapter Six

KAHIT puyat kagabi ay maagang nagising si Minnie para ipagluto si Sandy ng almusal.

Iyon lamang ang magiging pambawi niya sa lahat mga tulong nito sa kanya. Malaki ang utang na loob niya sa babae kaya kailangan niyang suklian ng kabaitan ito.

Lalo at tila mukhang may nagawa siyang hindi nito nagustuhan kagabi.

"You wake up early Minnie, may lakad ka ba?"bati ni Sandy nang pumasok ito sa kusina at abala siya sa pagpri-prito ng bacon.

Dahil sa abala ang isip ni Minnie sa ginagawa ay hindi niya napansin na pumasok si Sandy na kumuha ng orange fruit sa fridge.

Hindi katulad niya ay sanay siyang nagkakape sa umaga. Habang ang babae ay fresh orange juice ang iniinom nito.

"Goodmorning Dee... w-wala naman, ang totoo g-gusto kitang makasalo sa almusal,"sabi niya.

Kahit alam niyang napakaimposible niyon dahil magmula ng dumating siya ay hindi pa niya nakakasabay ang babae. Hindi ito kumakain ng umaga, kung kakain man ay masiyado ng late minsan.

"Sure, parang feel ko rin kumain na may kasabay ngayon,"sabi nito at tuluyan naglakad sa lagayan ng kitchen utensil at kumuha ng tig-dalawang plato, kutsara at tinidor.

Mabilis naman tinapos ni Minnie ang pagpri-prito at isinalang na niya ang dalawang tinapay sa toaster.

Akmang kukuha si Minnie ng mug sa lagayan ng mabilis na kumuha si Sandy.

"Ako ng magtitimpla ng kape mo, tulong ko na rin sa paghahanda mo ng almusal."Pagpresenta nito.

Tumango na lang si Minnie at inasikaso ang paglalagay ng palaman sa toasted bread.

"Pwedi bang magtanong Dee,"maya-maya ay naungkat ni Minnie. Matapos na ipasa ni Sandy ang mug na tinimplahan nito ng kape niya.

"Ano iyon?"balik-tanong naman ng nakatatandang babae. Kasalukuyan nakatutok ang pansin nito sa hawak na Iphone.

Humigop muna ng tinimplang kape ni Sandy si Minnie, napangiti siya dahil sobrang sarap nitong magtimpla.

"Kasi...itatanong ko lang kung galit ka? kagabi hindi ko naman sinasadya na magpahatid sa iba. Kwan kasi, aksidenti lang na nakita ako ni Mr. Gimenez sa highway. Sa totoo lang ay kukuha na sana ako ng taxi para magpahatid dito pauwi, sakto naman na napadaan siya at binati ako kaya pumayag na rin naman na ako,"mahaba niyang explain.

Hindi agad nakakuha ng sagot si Minnie, hindi niya alam kung nakikinig ba si Sandy sa kanya dahil nanatiling sa Iphone nito ito nakatingin.

Ngunit pamaya-maya ay tuluyan itong nagsalita matapos nitong ipatong sa lamesita kung saan sila kumakain ang hawak na Iphone.

"Bakit mo naisip na galit ako Minnie, siguro sabihin natin na nag-alala ako dahil hindi ka nakapagsabi sa akin na ihahatid ka ni Aizo. Ang sa akin lang ay kung sakaling mangyari ulit iyon ay sabihan mo man lang ako kung maari para hindi ako nag-aalala. I know kasi nasabi na rin ni Mang Lucio na nasiraan siya ng sasakiyan at nakalimutan pa niyang dalhin ang celpon niya kaya hindi niya nasabi na mala-late siya ng sundo sayo,"wika ni Sandy.

"S-salamat Dee, akala ko talaga galit ka na..."Napangiti na si Minnie at base sa itsura nito ay nakahinga na ito ng maluwag pagkarinig sa sinabi ni Sandy.

"Matanong ko, closed mo si Aizo?"

Natigilan naman si Minnie sa pagnguya, nilunok na muna niya ang nasa bibig bago ito tuluyan magsalita.

"Hindi naman Dee, actually kagabi lang officially kami nagkakilala,"amin ni Minnie sa nahihiyang tinig.

"Really? goodness at agad kang sumamasa lalaking iyon. Ganyan ka ba katiwala ija, hindi porke't gwapo si Aizo hmmm... paano kung ginawan ka niya ng masama,?"may panic sa tinig ni Sandy.

"Sorry Dee, pero naniniwala kasi ako sa kutob ko na unang kita ko pa lang sa kanya ay alam ko ng hindi naman siya gagawa ng ikakasakit ko,"nasabi ni Minnie.

"Who knows Minnie, hindi natin alam ang takbo ng utak ng lalaking iyon. Hindi sa sinisiraan ko siya, actually his a goodman pero pakiusap huwag ka masyadong maglalapit sa isang iyon. Ayukong masaktan ka sakali,"masuyong saad ni Sandy na hinaplos pa ang mahabang buhok ni Minnie.

Ngumiti na lang din ito at tumango.

ISANG katok sa pinto ang nadinig ng binata sa mga sandaling iyon.

"Pasok bukas iyan,"pumailanlang ang baritonong boses ni Aevo sa loob ng private office niya sa "AAGT" (Aevo Aizo Gimenez Telecommunication Company) na pagmamay ari ng namayapa nilang ama na si Gustav Gimenez may labing-limang taon na rin ang nakaraan.

Ngunit dahil sa maaga itong nawala sa mundo ay muling humawak niyon ay ang lolo nilang si Ghandie, ngunit ngayon mga nakaraan buwan ay pinanghihinaan ito ng katawan dala ng katandaan. Kaya upang si Aevo na ang magpatuloy sa business ng pamilya.

"Good morning bro, wala ka bang pupuntahan ngayon?"umpisa ni Aizo na tuluyan naupo sa upuan na nasa harapan ng desk ni Aevo.

Saglit na iniwan ng paningin niya ang ginagawang pagta-type sa kaharap na laptop.

"Wala, Im busy,"matipid lang na sabi ni Aevo.

"Lagi na lang ganiyan ang sinasabi mo sa tuwing nagpupunta ako rito. Bro, hindi naman basta babagsak ang company kung kahit isang araw ay magleave ka,"naiiling na sabi ni Aizo.

Ngunit hindi na nagsalita si Aevo, muli niyang itinutok ang pansin sa ginagawa.

"Tara labas tayo mamaya, pumunta tayo sa club house na lagi kong pinupuntahan bro. May ipapakilala akong babae na tiyak kong matitipuhan mo,"nange-enganyo ang tinig ni Aizo.

"Club house? alam mong hindi ako pumupunta sa ganyan lugar especially if it's not work related,"malamig niyang sagot.

"Magpahanggang ngayon pa rin ba ay hindi ka pa rin nakakaget over sa nangyari noon. Hayaan mo na Aevo, kung ayaw ni Mommy sa atin ay nariyan naman si Lolo at Lola para---"Ngunit hindi na natapos ni Aizo ang sasabihin dahil mabilis na pumaling sa kanya ang matatalim na mata ng kakambal.

"Gusto mong kalimutan ko ang isang pangyayari na imposible kong magawa. Always remember this, I will never stop searching that fvcking mother of ours. Kung kinakailangan na galugadin ko maski ang ibang bansa para mahanap siya ay gagawin ko makita lang siya. Hindi ko kailanman mapapatawad ang ginawa niyang pagaambanduna sa atin, lalo na si Dad. Kasalanan niya kung bakit namatay si Dad!"

Totoo iyon dahil sa labis na depression ay naapektuhan ang mental ability ni Gustav kaya tuluyan itong nag-baril sa sarili na siyang ikinamatay nito. Naging malaking balita iyon noon, mabuti na lang at sinuportahan sila ng Lolo at Lola nila.

"Bahala ka, basta ako kikitain ko iyong babae."Tumaas ang sulok ng labi ni Aizo.

"Babae? huwag mong sabihin bago na naman iyan. How about Lauren, hindi mo ba naiisip ang sasabihin niya at ng pamilya nila. Remember you have to prioritize her, lalo at napag-uusapan na ang engagement niyo sa susunod na buwan,"nagbabalang paalala ni Aevo rito.

"Parang hindi mo ako kilala, I can manage that. Last na 'tu, don't worry this is not serious okay. Saka magpapatali naman na ako bakit hindi ko pa sulitin ang pagiging single ko diba?"aliw na sabi ni Aizo na sinuklay ang hanggang balikat na buhok patalikod.

Naiiling na lang si Aevo, bagama't identical twin sila ay marami silang pagkakaiba, Kahit kailan ay hindi kinahiligan nito ang magpahaba ng buhok na katulad sa kakambal nitong si Aizo. Prefer niya ang clean cut.

Balbas sardado siya habang ito naman ay hindi. Lagi siyang naka coat and tie habang si Aizo ay madalas na non-casual clothes na designer pa rin naman ang sinusuot nito. Isa pa roon na may nunal sa kanan sentido si Aevo, habang si Aizo ay nasa leeg naman nito.

Kung mahilig sa babae si Aizo ay kabaliktaran naman niyon si Aevo na walang hilig sa babae. Pero iisa lang ang pagkakaparesan nila iyon ay lapitin silang parehas ng babae.

"Kung diyan ka nag-eenjoy hahayaan kita, pero siguraduhin mo lang Ai na hindi ako sasabit sa mga kalokohan mo,"paalala niya rito.

"Noted, kung may free time ka ay tawagin mo lang ako at pupuntahan natin iyong favourite club house ko na pinupuntahan ko,"sabi ni Aizo.

"Thanks but no thanks full load ako until your engagement day,"sagot ni Aevo na tuluyan nagsindi ng sigarilyo.

"Man! bakit dito ka pa maninigarilyo!"inis na puna ni Aizo. Hindi kasi ito naninigarilyo.

Hindi naman umimik si Aevo at patuloy lamang sa paghithit sa hawak na tabacco.

"Sige na aalis na ako, pero sana naman sa stag party ko ay pumunta ka kung 'di itatakwil talaga kitang kapatid,"banta ni Aizo.

Naiiling na lang ni Aevo ang ulo nang umalis si Aizo. Tuluyan niyang idinikdik ang hawak na tabacco at ipinagpatuloy ang naudlot na ginagawa.