CHAPTER 15

SHOCKED

Gulat, kaba, pangungulila, saya, at kalungkotan ang nadarama ni Gaia habang nakatingin sa babaeng masayang tumatakbo at yumakap sa Alpha. Halo halong emosyon ang nagkukubli sa kanyang nararamdaman.

"Selena..." mahinang usal sa kanyang sarili na hindi naman nakatakas sa pang dinig ni Damian.

Tiningnan niya ang kanyang Tita Gaia na maluha luhang nakatingin kay Andromeda.

"Hello po." magalang na pag bati ni Andromeda kay Gaia.

Hindi na napigilan ni Gaia ang sarili at sinugod niya ito ng isang mahigpit na yakap. Labis labis ang kanyang pangungulila sa kanyang matalik na kaibigan. Nabigla man, sinuklian rin ito ni Andromeda ng isang malambing na yakap, dahil nararamdaman niya ang intensidad ng pangungulila nito.

"Parehong nakakagaan ngunit alam kong magkaibang magkaiba kayo." piping saad ni Gaia sa kanyang isipan.

Nagtataka sila lalong lalo na si Alanis dahil sa naging kilos ng kanyang Ina kay Andromeda, para bang matagal na niya itong kilala dahil sa uri ng pag yakap niya dito.

"