Chapter 28

Katulad ko, gulat din na napatitig sakin si Kevin.

"Uy?" hindi makapaniwalang sabi niya at tinuro ako. "Teka, coincidence lang ba 'to?" sabi pa niya.

Napatingin ako sa malaking shoulder bag niya. Sa laki ng bag niyang 'yon ay masasabi kong para siyang nag layas at mga damit niya ang laman no'n.

Hindi lang ako sure kung tama nga ba ang hula ko.

Magsasara na sana muli 'yong elevator buti na lang ay pinigilan niya ito.

"Hindi ka ba sasabay?" Tanong pa niya.

Wala akong sinabi. Tumango lang ako at pumasok sa loob.

Pagkatapos no'n, parang ang awkward na.

Tahimik kami pareho sa loob ng elevator.

Alam kong nakatingin siya sakin dahil nakikita ko sa peripheral view ko. Wala akong balak kausapin siya at ayoko namang makipag feeling close sakanya.

Kaso lang nagsalita na siya at kailangan kong sagutin ang tanong niya.