CTBRH 06:

•Ariya•

Nakangiti akong sinalubong ni Ashton at hinalikan ang aking noo. Napabuntong-hininga ako at iniyakap ang aking kamay sa bewang nito. "Napagsabihan ka ba ng daddy mo?"

Tiningala ko siya habang nakakunot-noo dahil sa sinabi nito. Tiningnan naman niya ako at pinitik ang tungki ng aking ilong. Hinawakan ko naman kaagad ang pinitik niyang bahagi at sinamaan siya ng tingin.

"Ang gulo mo kasing kausap. Ano ba ang ibig sabihin mo roon?" mahinahon kong saad dito.

"Bigla ka kasing yumakap sa akin kaya akala ko ay napagsabihan ka ng iyong ama. Ang sungit mo pa naman sa akin kanina at parang gusto mong palagi tayong nag-aaway," paliwanag niya sa akin.

Hindi naman ako inutusan ni daddy gusto ko lang din naman maramdaman niya ang ugali ni Ayana. Sweet ito at mahinhin higit sa lahat mahilig itong magyakap ng taong malapit