Chapter 8.3: Cocktail Party

SA TOTOO LANG, hindi pa naman ganoon katanda si Fae; ang 27 ay hindi naman 72. Ngunit ang limang taon ng isang nakakapigil-hiningang pagsasama nila ni Jago at bunga ng isang pangmatagalang anorexia ay nagpamukha sa kanya na mas matanda ang babae sa kanyang edad. Daig niya pa ang mayroon ng ilang anak ang hitsura. Sa isip at pisikal niya iyon makikita. Tumango lang si Fae at habang pabalik ng villa kasama ang driver ay huminto sila sa isang botika upang bumili lang ng maraming food supplements at mga kailangan niyang vitamins para sa kanya.

“Manong, komontak ka nga sa isang housekeeping company at maghanap ng ilang maaasahang magiging kasambahay, ‘yung mahusay magluto, mas mabuti kung may sertipiko rin ng isang nutritionist.”

Naupo si Fae sa likurang upuan dala ang isang bag ng mga pinamili habang patuloy kinakausap ang driver.

“Masusunod po, Madam.”

Pagkatapos pakasalan si Jago, iminungkahi ng magkabila nilang angkan na kumuha ng mga katulong para maglinis, mag-ayos ng bakuran, at m