WALA sa sariling napasabunot si Toni sa sariling buhok. Hindi niya binitiwan ang buhok hangga’t hindi sumasakit ang kanyang anit. Dalawang oras na rin siyang ganoon sa higaan. Kalauna’y tumayo siya mula sa kama. Lumapit siya sa bintana saka binuksan iyon. Agad na sumalubong sa kanya ang hanging dagat. Kanina pa kasi niya sinusubukang makatulog pero ang imahe ni Elton ang paulit-ulit na umuukilkil sa kanyang isipan. Panay din ang tingin niya sa cellphone sa pag-asang baka tumawag sa kanya ang lalaki o mag-text man lang ngunit wala. First time in the whole history of her life that there was a man who captured her heart.'Ano? Heart?' Mabilis niyang napalis ang isipin. 'Heart agad? Hindi ba puwedeng crush lang muna?'Ikinumpara niya ang nararamdaman noon sa dating amo saka kay Elton. Hindi siya ganito ka aligaga sa kanyang amo noon kahit pa nga ba nakakasama pa siya sa mga out of town meetings. Pero heto siya kay Elton, iniligtas lang naman siya ng dalawang beses pero mukhang nahulog
“ELTON?”“Hi!” May malawak na ngiti sa mga labi ni Elton nang makita ni Toni ang lalaking naghihintay sa labas ng restaurant. Siya naman ay pilit na sinupil ang sariling ngumiti ng sobra dahil baka mahalata nitong crush niya ang lalaki.“Anong ginagawa mo rito?” tanong niya.Napakamot ito sa batok habang nahihiyang nakatingin sa kanya. “Balak ko sanang ihatid ka ulit sa inyo. Gusto ko lang masiguro na ligtas kang makakauwi sa tinutuluyan mo.”Toni’s heart were pounding. “Salamat. Makakatipid ako ng pamasahe dahil sa ’yo,” biro na lamang niya.Binuksan nito ang pinto sa passenger’s seat. Pagkatapos ay ito naman ang pumwesto sa driver’s seat. Habang nasa biyahe ay hindi niya maiwasang maging tahimik. Naiilang kasi siya sa katahimikang namamagitan sa kanilang dalawa ngayon. Ano ba ang dapat nilang pag-usapan? Wala siyang maisip na puwedeng pag-usapan.Napakislot siya nang ito ang unang magsalita. “Hindi ba isang villa ang tinutuluyan mo ngayon?”Tumango siya.“Para ka na rin palang nan
“QUAL è esattamente il tuo piano?” Franco suddenly asked Elton. Ibig sabihin sa tagalog ay kung ano ang kanyang pinaplano.They were both sitting on the verandah of his mansion. His mansion was on the top of the cliff, surrounded by the blue sea. Pinili talaga ni Elton ang lugar na iyon upang tayuan ng mansion dahil gusto niyang natatanaw ang malawak na karagatin at ang bayan. Maliit na bayan kung kanyang ituring. Ang mansion na iyon ay ngayon lamang niya napuntahan at nagamit. Kahit pa sabihing may tatlong taon na ang negosyong restaurant, bar at talyer niya sa isla ng Siquijor ay hindi siya nagkaroon ng pagkakataong bisitahin iyon. Tanging si Franco lamang at ang tauhan nito ang nag-aasikaso niyon para sa kanya. “Mukhang nalilihis ka na sa orihinal na plano,” dugtong pa ni Franco sa sinabi. Sinimsim niya ang alak sa sariling baso kasabay niyon ay ang muling pagguhit ng imahe ni Toni sa kanyang isipan.“Una ay hinayaan mo siyang makawala sa kamay mo. Pangalawa, you became her hero
DINALA ni Elton si Toni sa isang mamahaling restaurant at mababakas ang pagkailang nito sa lugar. Pinigilan niya ang pagsupil ng kanyang ngiti. She looked cute for being conscious of what she was wearing in that place.“Ayos ka lang ba?” naitanong niya kahit alam na ang dahilan ng pagkabalisa nito.“H-hindi mo naman sinabing sa ganito pala kagarang lugar mo ako dadalhin saka kakayanin ba natin magbayad dito?” pagbibiro nito. Bahagya nasaktan ang ego niya sa sinabi ng dalaga pero dahil nagpapanggap siyang isang simpleng lalaki ay hindi siya maaring umapela. And he knew that Toni was just joking to ease her uneasiness right now.“Huwag kang mag-alala, hindi tayo maghuhugas ng pinggan dito,” he tapped her shoulder to make her comfortable.Subalit hindi pa rin nagbabago ang reaksyon nito. “Puwede bang sa iba na lang tayo kumain? Nahihiya kasi ako sa suot ko.”He chuckled lightly. “Magkapareho lang naman tayong may suot na hindi angkop dito.” Natahimik siya sandali nang may naisip na iban
Dahil sa atraso ng ama, napilitang magtago ni Toni alang-alang sa kanyang kaligtasan. Sa lugar na walang nakakakilala sa kanya, sinubukan niyang mamuhay ng normal. Malayo sa gulo at pangamba.Sa pagtatagpo ng landas nila ni Elton, panibagong pag-asa ang kanyang pinanghawakan. Pinawi ng hindi inaasahang pag-ibig ang kanyang mga alalahanin. Si Elton ang naging sandalan ni Toni. Bumuo ng pangarap at tuluyang kinalimutan ang dahilan ng kanyang paglayo. Tiwalang paninindigan siya ni Elton kaya ipinagkaloob niya ang sarili sa lalaki ng walang pag-aalinlangan. May maganda ba silang wakas kung isa sa kanila ang nakatakdang sumira sa ngalan ng misyon? Paano kung ang dahilan ng kanyang saya ay siya ring magiging sanhi ng kanyang kapahamakan?
SA MADILIM na apat na sulok ng maliit na barung-barung na tinutuluyan ni Toni kasama ang kanyang ina ay pilit na ipinagkakasya ng dalagita ang kaunting liwanag na nagmumula sa kandila upang mabasa nang mabuti ang kanyang mga takdang aralin.Kahit parang mapupundi na ang nauupos na kandila ay pinilit pa ring magpatuloy ni Toni sa ginagawa. Para sa kanya, kasabay ng unti-unting pagkawala ng liwanag ay para na rin siyang nauubuaan ng oras. Nang tuluyang mawalan ng liwanag ay saka lamang siya kumilos upang humanap ng kandilang masisindihan. Dahil madilim ay pagapang siyang nagtungo sa karton sa ilalim ng katre kung saan niya inilalagay ang mga kandilang inipon mula sa sementeryo.Upang makabawas sa gastusin nila ay araw-araw siyang dumadaan sa sementeryo pagkagaling sa eskwela upang mangolekta ng mga tira-tirang kandilang itinitirik ng mga taong bumibisita roon. Kung minsan ay sinisita siya ng mga nagpupuntang supoltulero dahil pagnanakaw na raw sa patay ang kanyang ginagawa subalit, tal
“TIYANG? Tiyang Koring?” sigaw ng ina ni Toni sa harap ng puting gate na kinakalawang na. Ngayon ay nasa harap na sila ng bahay ng sinasabing tiyahin ng kanyang ina. Tiyahin sa pinsan ng kanyang lolo.Napasimangot si Toni. Mahigit kalahating oras na kasi silang naroon at mukhang wala na silang balak pagbuksan ng pinto ng taong hinihintay nila. Bukod pa roon ay hatinggabi na at panay na rin siya kagat ng lamok. Hindi sumasapat ang kanyang dalawang kamay upang bugawin ang mga lamok na nais siyang gawing snack.Nagpalinga-linga siya sa paligid. Sila na lamang ang naroroon sa kalsada at gising pa. Halatang lahat ng mga nandoon ay mahimbing nang natutulog. Ang isang bagay pa na nakakapagpainis kay Toni ay ang walang humpay ding pagkahol ng mga aso kanila. Halos lahat yata ng mga kabahayan doon ay may mga alagang aso. Lahat ay sabay-sabay na kumakahol sa kanila dahil sa ginagawang pagsigaw at pagkalampag ng kanyang ina sa harap ng bahay ng tiyahin na halata namang tinataguan lamang sila a
BAGO lamunin ng antok at pagod si Toni ay naging laman ng kanyang isipan ang sinabi ng ina. Kung hindi ibabalik ng kanyang ama ang perang kinuha nito ay ang ibig lang sabihin niyon ay habang buhay na rin silang magtatago mag-ina. Habang buhay na rin silang magpapalipat-lipat ng tirahan.Sa totoo lang ay nahuhili na rin talaga siya sa kanyang mga klase. Madalas ay hindi siya nakakapasok dahil sa kakulangan ng perang igagastos araw-araw dahil bukod sa mag-isa lang naman siyang binubuhay ng kanyang ina ay nagkakaroon pa sila ng utang sa mga kakilala. Isa pa ay nagpapabago-bago rin ang trabahong pinapasukan ng kanyang ina dahil sa paglayo nila. Sobrang nahihirapan na si Toni sa kanilang sitwasyon. Hindi niya akalain na ang magiging dahilan pala ng kanilang paghihirap mag-ina ay ang mismo pa niyang ama. Ano ba ang rason ng ama para itakbo nito ang perang hindi naman pagmamay ari? Hindi ba nito isinaalang-alang silang mag-ina sa ginawa?SA CANTEEN ng school ay mag-isa lamang na nakaupo sa