Episode 2

Buong akala ko, sagad na ang sakit na nararamdaman ko nang makita ko siyang nakikipagtalik sa ibang babae. Pero meron pa palang mas masakit na tuluyang ikinadurog ng puso ko.

Para akong dinaganan ng malaking bato sa dibdib sa paninikip ng dibdib ko.

“K-Kailan pa kayo nagkabalikan? B-Ba't hindi mo man lang sinabi sakin? M-Maiintindihan ko naman, eh." takang tanong ko.

Napakagat na lang ako sa pang-ibabang labi sa gigil.

Walang ekspresyon ang mukha ni Gavin na tumingin sakin. “Three months ago. I did everything I can pero hindi talaga tayo para sa isa’t isa. Siya pa rin ang mahal ko.”

“And worst, hindi ka pa nakuntento sa ‘ming dalawa kasi nakipag-hook up ka pa sa iba? Eh, gago ka pala, eh!”

Bumwelo ako para sampalin ang makapal niyang mukha pero agad din akong natigilan nang bigla siyang nagsalita.

“She knows this.” kalmadong saad ni Gavin.

Inayos niya ang suot na polo shirt. Hindi ako makapaniwala. Kinukunsinti ni Shaina ang lalaking ‘to? Gano’n na ba siya kabulag sa pagmamahal kay Gavin?

Napatalungko na lang ako. Nanlalambot ang buong katawan kong sinampal-sampal ang pisngi ko.

Mariin kong kinuskos ng palad ang mga mata ko, umaasang isang bangungot lang ang lahat ng ito. Pero hindi. Dahil pagdilat ko’y nasa harapan ko pa rin ang lalaking minahal ko noon, pero kinasusuklaman ko na ngayon.

Kung ginagamit lang nila ako, p’wes gagamitin ko rin sila! Hindi para sa sarili ko, kundi para linisin ang pangalan ni Mommy kahit na mahirap para sa ‘kin.

Humugot ako ng malalim na hininga at saka diretsong tumingin kay Gavin. Wala kang makikitang pagsisisi sa mga mata niya.

“Sige. Pumapayag na ako sa gusto mong mangyari. Pero mangako kang tutulungan mo akong linisin ang pangalan ni Mommy.” sambit ko.

Tumaas ang kilay nito na sinundan nang mahinang pagtango. Kinuha nito ang document papers sa loob ng desk.

“Sign this. This is an NDA. If you breach the agreement, sisiguruhin kong mabubulok sa kulungan si Tita Ynna.”

Nagngalit ang panga ko sa sandaling marinig ko ‘yon. Siya pa talaga ang may lakas ng loob mang-blackmail? Kapal ng mukha!

Hinablot ko ang papeles at walang pagdadalawang-isip na pinirmahan ang mga ‘yon. Umalis na ako pagkatapos. Umuwi ako sa bahay at pabagsak na humiga sa kama. Ilang saglit pa’y narinig kong nag-ring ang phone ko. My closest cousin, Tricia, was facetiming me.

“Hello, why?”

Excited ang ekspresyon nito na sinabayan pa ng impit na pagtili. “Ay, bakla! Meron akong good news sa ‘yo! For sure, makakatulong ito for you kasi limpak-limpak ‘to!” sambit nito.

Bahagyang kumunot ang noo ko. “Ano ‘yon?”

“Check the link I sent you. Go na!”

Dali-dali kong kinuha ang laptop ko. Nadismaya lang ako nang makita ang isang link galing sa hindi pamilyar na website ang sinend niya pero pinindot ko pa rin ‘yon dahil sa pagtataka.

“Be a Mommy, Get a million? Anong kalokohan na naman ba ‘to, Trichie? P’wede ba? Andami kong problema. Wala ako sa mood.” malamig na sabi ko.

Sa puntong ito, nakatingin lang ako sa screen ng laptop ko. Pinagmamasdan ko lang ang disenyo ng dating website na ‘yon. Oo, nakakaengganyong titigan. Pero mukhag scam naman!

“Ano ka ba? Try mo lang! Mag-sign up ka lang sa site na ‘yan. Malay mo may maka-match kang billionaire. Gagawin ka lang surrogate then voilà! Magkakaro’n ka na ng millions,” paliwanag ni Tricia saka bumuntong-hininga. “Please, try it. Nirefer lang ‘yan sakin ng officemate ko. Sabi niya, d’yan daw pumaldo ‘yung kakilala niya. Gusto ko lang naman tulungan ka sa expenses mo. Wala naman ding mawawala kung susubukan mo, ‘di ba? ” dagdag pa nito.

Bumuntong-hininga ako. “Okay, fine. Susubulan ko na.”

After the call ended, I signed up using my email. I filled out all the personal information including the facial verification and my bank account.

Clicked finish!

Biglang nag-send ng notification ang bangko. Someone sent me $10,000,000!

Nanlaki ang mga mata ko sa gulat. Dali-dali kong binuksan ang bank mobile app ko.

“Your new balance is ₱589,267,00.69 as of August 8, 2026.” bulong ko sa sarili.

Is this for real? I can pay off our huge debt sa isang iglap lang? Teka!

Kinuskos ko ng mga palad ang mukha ko. Halo-halong emosyon ang naramdaman ko. Hindi ko alam kung dapat ba akong kabahan o matakot. Pero mas nangingibabaw sakin ang saya.

Pero sino namang tanga ang magbibigay ng milyon-miyon sa isang tao ng basta na lang? But here it is, kung sino mang bilyonaryo ang gumawa no’n, maraming salamat!

Ngayon, kaya ko nang wakasan ang paghihirap ng pamilya ko. At higit sa lahat, hindi ko na kailangan pa ng tulong ni Gavin na alam kong isusumbat nito balang araw.

Kaya lang, paano ko tatakasan ang agreement namin na napirmahan ko na? Ano ba ‘yan!

Speaking of the devil, bigla siyang tumawag. I answered it right away.

“Yes? Anong kailangan mo?” malamig kong sambit.

“You need to come to my Victory party tomorrow. The investors wants to see you. I’m expecting you to be there.” ma-awtoridad na wika ni Gavin sa kabilang linya.

Umirap ako. “Teka, may sasabihin ako. Importante ‘to—”

“Let’s talk about this in personal.”

Call ended.

Shit! Ang bastos!

Binato ko sa kama ang phone ko. Talagang gusto niya pang sa personal namin pag-usapan ang sasabihin ko? Well, magugulat siya.

Dahil ayoko na. Wala na akong planong sundin ang agreement namin.

Binalik ko ang atensyon sa screen ng laptop. Nakita ko ang isang notification na nag-pop up out of nowhere. “Congrats, you are now becoming a Surrogate Mom! Your lover is 50KM away from you.”

Nanlaki ang mga mata ko. “F-Fifty kilometers? Shit! Ang lapit naman.” bulong ko sa sarili.

Mas lalo akong naguluhan. Sino ang lalaking naka-match ko? Oh, no! Wala pa sa plano ko ang mabuntis ngayon. Nag-sign up lang talaga ako para hindi na ako buligligin pa ni Tricia. Isa pa, akala ko kasi, hindi ‘yon totoo pero mukhang nagkakamali ako.