chapter 2

Boss Erwan

Tahimik na umiinom ako dito sa may sulok, kasama ang dalawa sa pangunahin kong tauhan. Si Andrei at Jeremy, halos magkakasing-edad lang kami at iisa lang ang pinagmulan namin. Palaboy sa lansangan, pero hindi na ngayon dahil kilala na ako at kinatatakutan.

Pinaghirapan ko kung ano man ang mayroon ako ngayon dahil na rin sa hirap ng mga pinagdaanan ko noong panahon na nasa kamay ako ng mga demonyo at gahaman na tao.

"Boss, mukhang malakas ang tama sa'yo nang anak ng gobernador aa. Bakit hindi mo patusin? Maganda naman," nangingiting untag ni Jeremy sa malalim na pag-iisip ko.

"Halatang-halata ang babae na 'yon, akala mo sawa makapulupot sa'yo." nakangising sabat naman ni Andrei habang tumutungga ng alak.

Tiningnan ko lang silang dalawa na may nakakalokong ngiti. Nandito kami sa isa sa mga bar na pag-aari ko rin, napadaan lang kami dito dahil sa importanteng bagay.

"Hindi naman masama, kaya lang naaasiwa ako sa babaeng parang sawa kung makapulupot sa'yo. Ang sarap lang balatan ng buhay." natatawang ani ko sa kanila.

Nagtawanan naman ang mga loko dahil sa sinabi ko. Pansin ko na dumarami na ang mga tao dito at umiingay na, dahil sa hating gabi na. Maraming magagandang babae akong nakikita at bukod pa doon mga sexy, kung tutuusin marami na akong naging babae at syempre mga naikama ngunit naghahanap talaga ako nang magkakaroon ako ng excitement, dahil yung mga babae na nakakasama ko puro pangtanggal init lang.

Hindi ko inaasahan ang sumunod na nangyari sa paglipas ng oras, dahil nagulat na lang ako ng may pumuntang babae dito sa harapan namin at biglang umupo sa kandungan ko. Hindi ako agad nakapagsalita dahil sa gulat ko, ngunit agad akong natauhan dahil sa pangahas na babae na bigla nalang umupo sa akin.

Bago pa siya muling tumayo hinatak ko siya at siniil ng malalim na halik, mapagparusa para sa babaeng katulad niya. Nakita ko pa ang pamimilog ng mata niya dahil sa gulat na ginawa ko sa kanya. Tinagalan ko at gumapang pa ang isang kamay ko sa isa nitong dibdib at pinisil-pisil ko ito. Siguro natauhan na siya dahil tinutulak niya ako, pero dahil sa lalaki ako hindi niya kayang sanggain ang kamay ko.

Sa totoo lang nagustuhan ko ang lasa ng labi niya na pinaghalong alak at matamis na kung ano. Nagustuhan ko rin ang amoy ng hininga niya, lalo na ang natural lang na amoy nito 'yung hindi siya naliligo na sa pabango.

Nabitawan ko lang siya ng makawala ang kamay nito sa pagkakahawak ko at gulat na rin sa ginawa niya sa gwapo kong mukha. Tumabingi ang mukha ko dahil sa malakas na sampal na natikman ko. Fuck! Ang lakas no'n.

"Napaka-bastos mo!" sigaw nito sa akin at akmang muli niya akong sa sampalin.

"Isa pa, dahil kapag ginawa mo 'yan sa kama ang diretso mo. At sisiguraduhin ko na, bibigyan kita ng isang masarap na parusa." nakangisi kong sabi sa kanya.

Nakita ko naman na natigilan siya at titig-titig sa akin, hindi ko alam kung natakot ko ba siya o parang may naaalala siya dahil sa maiging pinakatitigan niya ako.

"Er-Erwan?" Halos pabulong na sambit niya.

Hindi ko gaano narinig bigla na lang siyang nagtatakbo palayo sa amin.

"Ayos ang babae na 'yun ah," natatawang litanya ni Andrei, habang nakatanaw doon sa mga babae na kasama pa no'ng nanampal sa akin.

"Pero maganda at makinis, mukhang anak mayaman." seryosong sabi ni Jeremy.

Tahimik lang ako at pinagmamasdan ko ang babae na 'yun, nagmamadali na itong umalis at mukhang balak na nilang umuwi.

Parang nakita ko na ang babae na 'yon, hindi ko lang matandaan kung saan ko siya nakita. Baka nga nakita ko na siya o hindi kaya naging isa siya sa mga babae ko?

--------

"Akalain mo 'yun? Anak pala ang babae na 'yon ng isa sa mga kilalang negosyante?"

Napaangat ako ng mukha nang marinig ko ang sinabi ni Jeremy, dahil kasalukuyan na pinupunasan ko ang hawak ko na baril. Habang nakaupo, iniiisip ko kung sino ang babae na 'yon.

"Sinong babae?" kunot noong tanong ko 'kay Jeremy. Nagtataka na napatingin naman ito sa akin, ganun rin si Andrei.

"Yung babae sa bar na kumandong sa'yo, isang buwan na ang lumipas. Napadaan kasi kami sa may building ng Aerolla University. Nakita ko yung babae na yom doon pala nag-aaral at napag-alaman ko sa mga tao doon na anak mayaman talaga ang babae na 'yun, tapos mayamaya lang may sasakyang huminto doon sa babae at 'ayun nga dinukot 'yung babae." kuwento ni Jeremy. "Kawawa nga at siguradong tiba-tiba ang mga holdaper."

"Bakit wala bang sariling kotse yung babae?" Tanong naman ni Andrie.

"Mayroon naman nataon na magkikita lang sila nang kaibigan raw ng babae sa labas ng gate at doon raw sasakay sa kaibigan at 'yun na nga ang nangyari." Muling kuwento pa ni Jeremy.

"Hindi mo nakita kung sino ang kumuha doon sa babae?" Muling tanong ni, Andrei.

"Hindi ko nakita mga may bonet ang mga mukha nila, pero yung van na ginamit nila parang pamilyar sa akin." Sagot ni Jeremy.

Bigla naman akong napatayo na pinagtaka ng dalawa. Dahil nakikinig lang ako sa usapan nila, mabilis na sinuot ko ang coat ko at lumakad palabas.

"Boss! Saan ka pupunta?!" sigaw na tanong ni Jeremy sa akin.

"Sumunod kayo kung gusto niyo," sagot ko lang at nagtuloy-tuloy palabas nang sarili kong mansyon. Sakay ng bagong-bago kong pulang kotse, mabilis na pinasibad ko ito sa kalsada na parang walang pakialam.

Kahit hindi ko kilala kung sino ang kumuha sa kanya, alam ko na agad kung sino utak nito. Si Dino lang o ang mga tauhan nito, mga gahaman sa pera, ito ang kanilang pinagkakakitaan nila.

Malamang tag-hirap ngayon 'yun kaya naisip na mangidnap na lang. Kilala ko ang buong pagkatao no'n alam ko ang pupuntiryahin niya, ang mga anak ng mga negosyante kaya kung tama ako malamang naroon 'yung babae 'yon.

Hindi ko alam kung bakit parang gusto kong makita ulit yung babae na 'yon hindi lang naman niya ako pinatulog ng maayos. Makaisa lang ako sa kaniya sigurado mananahimik na 'tong alaga ko.

Pagkarating ko sa bakante lote kung saan ang tambayan ng mga gago na 'yon pumasok ako kahit may dalawang bantay na lalaki at mukhang bagong tauhan lang ito ni Dino. Hinarangan nila ako agad at tinutukan ng mga baril na hawak nila.

Pinasok ko naman ang isang kamay ko sa loob nang bulsa ng pantalon ko at tiningnan sila nang sa seryosong mukha. Mga nakasimangot naman ang mga mukha nila sa akin. Nakakainis ayokong nakakakita ng panget na mukha lalo na kung nakasimangot.

"Nasaan ang amo niyo? Palabasin niyo, sabibin mo gusto siyang makausap ng boss niya. " nagtataka naman na napatingin sila sa akin.

"Sino ka ba? Hindi ka puwedeng pumasok dahil mahigpit na pinagbabawal sa amin." mariin na tanggi niya sa akin, malaki ang tiyan.

Nakaramdam naman ako ng pagkainit ng ulo ko. Kaya mabilis na hinigit ko ang kwelyo nitong matabang lalaki, sinakal ko ito gamit ang isang kamay ko at nakatutok naman ang baril na hawak ko sa gitnang tiyan niya.

"Bilisan mo, pumasok ka na sa loob. Bago pa uminit lalo ang ulo ko baka pumutok 'to bituka mo." mariin na sabi ko sa kaniya at napansin ko na nakaramdam siya ng takot.

Natataranta naman na tumakbo papasok siya sa loob at itong isa naman sa kanya ko tinutok ang baril ko itinapat ko sa sintido niya.

"B-boss, huwag naman may pamilya ako." maluha-luhang sambit nito.

"Sa susunod na makikita mo ako, gagalangin mo ko. Dahil baka sa sunod makita ko 'yang pagmumukha mo baka pumutok na talaga ito sa'yo." nangigil na sabi ko at binaba ko na ang baril ko.

"Anong kaguluhan ba 'yan." bungad ni Dino sa baritonong boses, dahil may kaedaran na ito.

"Nasaan na 'yung babae na kinidnap niyo. Ibigay niyo ngayon sa akin," seryosong sabi ko na kinagulat ni Dino.

"P-pero, Boss. Magkakapera na kami mamaya, kailangan ko ng pera." sagot nito at bakas sa boses nito ang matinding pangangailangan.

"Pera? Kunin mo 'kay Andrei, ilabas mo na 'yung babae. Ginalaw niyo na ba?" sunud-sunod na tanong ko at dumukot sa bulsa ng sigarilyo, sinindihan ko ito.

"Sigurado ba 'yan? Bakit type mo ba 'yung babae, Boss?" nakangising tanong nito sa akin.

"Ilabas mo na dito, nauubos na oras ko." Inis kong turan sa totoo lang mas lalo akong naaasar dahil bakit ba nandito ako at sinasayang ko ang oras ko.

Mabilis na kumilos si Dino at bumalik naman sa loob at mayamaya'y lang dala na nito ang babae na naka-uniform pa. Medyo marusing na ang puting blouse nito, gulo na rin ang hanggang balikat na buhok nito.

Fuck! Laura? Ikaw ba 'yan?

Sambit ng isipan ko nang maalala ang mukha ng batang babae na hindi ko makakalimutan ang mukha. Hinding-hindi ko makakalimutan ang magandang mukha niya.

"Anong gagawin niyo sa akin? Ibalik niyo na ako." nagwawalang sigaw niya.

Napatingin naman itong muli sa akin at parang kagaya ko natigilan siya. Pero hindi ko muna pinansin, tinapon ko na ang sigarilyo at pumasok sa kotse ko.

"Ipasok mo na 'yan." Utos ko lang kay Dino at agad naman nitong pinasok sa loob ang babae. "Sige na, Dino. Si Andrei na bahala sa'yo." sabi ko lang at pinaandar ko na ang kotse ko.

"Saan mo ako dadalhin? Ibaba mo na ako diyan, uuwi na ako." malakas na sabi niya, tiningnan ko naman siya sa salamin sa itaas na sa likuran siya nilagay ni Dino.

"Hindi ka ba natutuwa? Ako ang kasama mo o gusto mo roon sa mga panget na 'yon? Pagnanasahan lang nila ang katawan mo." seryosong sabi ko, nakita ko naman na natigilan siya kaya napangiti ako ng palihim.

"Erwan?" mahinang bigkas niya pero sapat na para marinig ko.

Biglang bumagal ang patakbo ko dahil sa pagbigkas niya sa pangalan ko. Nakilala niya na rin pala ako, hindi ko siya agad namukhaan doon sa bar noon dahil sa may kadiliman at may mga iniisip ako ng mga oras na yon