CHAPTER 02

"Oh my gosh, ang sakit ng ulo ko?" Ang aga-aga pero bad trip ang gising ko. Nang dahil sa alak kaya ganito ang naramdaman ko na sakit. Kinapa ko ang sarili ko. Walang ibang masakit, ang ulo ko lang talaga, nasapo ko ang ulo ko, wait...nanaginip na naman ako? Panaginip lang pala iyon pero bakit parang totoong-totoo iyon?

Hanggang kailan ba mawawala sa isipan at panaginip ko ang nangyari sa akin isang taon na ang nakalipas? Kinalimutan ko na ang nangyari na 'yon at ngayon ay pinapaalala na naman ako ng panaginip ko. Ang masaklap pa, hindi ko kilala kung sino yong laman ng panaginip ko. It was a big mistake. And I'm careless doing it. Kung naging maingat lang sana ako, baka hindi iyon nangyari.

Umiling ako, hindi na dapat ako nanaginip ng gano'n pero bakit kagabi....

Ughhh....I hate it. I hate it. Ang weird naman, bakit pati sa panaginip ay nangyari pa iyon? Gosh, nakakahiya. Halos sabunotan ko na ang buhok ko dahil sa katangahan na ginawa ko.

Pero....ughh, bakit di yon mawala sa ala-ala ko?

Bumangon ako at pagkatapos magdasal at ma check ang cellphone ko kung may tumatawag ay napagdesisyonan ko na lang na bumaba ng kama, hindi ko alam kung gising na ba si Nica sa kabilang kwarto, hayaan ko muna siya, for sure napagod ito kagabi na ginanap na party para sa bago naming swimwear design.

Dito ko na siya pinatulog sa bahay kesa uuwi pa siya sa kanila na mas malayo ang bahay niya kesa sa akin.

Sapo ko ang ulo ko na lumabas ng kwarto, wala naman akong gagawin ngayong araw pero ito ako at maagang nagising, sinilip ko kung anong oras na sa phone at napasinghap pa ako na alas onse na pala ng umaga.

Akala ko pa naman maaga akong nagising. Mataas na pala ang sikat ng araw.

"Good morning anak!" Napangiti ako na makita si mommy pagdating ko ng kusina. Nagtungo ako sa fridge at binuksan. Kinuha ko ang glass pitcher at nagsalin ng malamig na tubig sa malinis na basag na baso.

"Good morning mom, hindi pa ba lumabas si Nica sa kabilang kwarto?" Tanong ko sa kanya pagkatapos kong uminom ng tubig. Pakiramdam ko, uhaw na uhaw ako sa nangyaring wet dreams kagabi, shit.

"Hmm, nauna ng umalis, may pupuntahan pa raw siya, hindi na siya nagtext sa'yo dahil lowbat ang phone niya at dahil sa kalasingan niyo, hindi niya na nagawang i-charge ang phone niya kaya pinasabi niya na lang sa akin." Paliwanag ni mommy. Tumango ako sa sinabi niya at umupo sa silya. May nakahanda na, napagkain sa ibabaw ng lamesa.

Napangiti ako na makita kung ano ang uulamin namin ngayon, bulalo, buto pa lang ang nakikita ko ay takam na takam na ako, alam talaga ni mommy kung ano ang magpapatanggal sa hangover ko.

" Ganon po ba, sayang naman,hindi siya nakatikim nitong niluto mo na bulalao mommy."

"Inaalok ko nga kanina bago umalis pero ayaw talaga," di bale na, marami pa namang araw.

Ganado akong kumain at kahit papano, nawala ang sakit ng ulo ko at nakainom na rin ng gamot.

Pagkatapos kung iligpit ang pinakainan namin ay pumunta kami ng sala ni mommy para manood ng tv habang nagtsa-tsaa.

"Anyway, be ready next week anak, ipakilala ko na siya sa iyo. At para, pag-usapan na rin namin ang aming engagement." Natigil ako sa kakascroll ng phone ko na marinig ang sinabi ni mommy.

Sinulyapan ko siya na nakatingin marahil sa reaction ko. Kitang-kita ko sa mga mata niya ang saya.

Ngumiti ako. Masaya ako para sa kanya. Kung iyan ang gusto niya na mag-asawa muli, wala na akong magagawa, kung nakikita ko naman na masaya si mommy, sino ako para suwayin siya.

Hindi ko pa nakikita ang magiging mapangasawa niya, marahil noon ay hindi ko pa tanggap na papalitan niya na si daddy sa buhay niya. Kaya wala akong balak para sumama sa kanya kapag may dinner date sila o kahit picture man iyan ay hindi ako interesado na makita ang pagmukha ng lalaki niya.

"Don't worry mommy, sasama na po ako sa inyo kung saan niyo balak na magkita. I'm happy for you, mom. Wala akong ibang gusto, ang makita ka lang na masaya."

Nabigla ako na bigla akong yakapin ni mommy, kitang-kita ko talaga sa kanya ang saya.

"Thank you anak, thank you so much, for sure magugustuhan mo si Alfredo. Mabait siya anak. At dahil mabait siya, for sure, magkakasundo rin kayo ng mga anak niya." Bigla akong kinabahan sa sinabi ni mommy. May anak na pala ang lalaki, malamang... Tinapik ni mommy ang balikat ko kaya napatitig ako sa kanya. Ngumiti siya sa akin.

"Don't worry, matagal na rin na namatay ang asawa niya. Kaya huwag mong sabihin na pumapatol ako sa may sabit ha, hindi ako ganyan anak." Mahina akong natawa.

"Mommy naman, alam ko naman na hindi ka papatol sa mga ganyan kung may sabit kaya panatag ako. And I wish you nothing but happiness and the best for you." Matagal na rin na namatay si daddy dahil sa isang aksidente habang nagbibiyahe siya pauwi. Graduation ko pa iyon na nangyari, masakit sobrang masakit dahil balak niya akong surpresahin na uuwi siya sa graduation ko pero hindi na nangyari dahil nag-aagaw buhay na siya sa hospital. Nalaman ko na lang pagkatapos kong makuha ang diploma ko.

"Thank you anak. And you know what, excited na rin ako na makilala mo ang mga anak niya. Balita ko mababait ang mga anak niya at lahat ay professional. Sana magkasundo kayo."

Kung sino man yang mga anak ng bago niya, wala akong panahon sa kanila. May sarili akong buhay. Well, sana nga makasundo ko, ayokong magkaroon ng kapatid na masakit sa ulo. Iyon, kung tanggap nila ako bilang step-sister cause if they don't, I don't care at all also. Hindi umiikot ang mundo ko sa kanila, hindi rin naman kami sa iisang bahay nakatira dahil for sure ayaw din nila na makasama kami sa iisang bubong.

Well, let's say pag nakita ko na sila sa personal bago ako mag-judge.

Pagkatapos naming mag-usap ni mommy at kahit weekend ay hindi ko mapigilan ang sarili na magtrabaho, gumawa ulit ako ng bagong design ng swimsuit. Hanggang sa nakadrawing ako ng lima at pinakita ko ito kay Nica kinabukasan.

"Taray naman, kakatapos lang ng event natin girl, gusto mo ulit magparampa? Aba! Pahinga rin–"

"Gaga, pinapakita ko lang sayo ang bagong desinyo na ginawa ko, advance mo naman masyado." sabi ko at nagtawanan lamang kami.

After our vacation in Batanes, here we are, naging busy ulit sa trabaho. One month vacation was not enough for me I need more pero dahil sa nangyari sa akin doon ay halos hindi na ako makatulog ng maayos. I met this guy on the island, konting panahon lang na nagkakilala kami pero may saya at malaking sugat siya na iniwan sa akin.

Sana...sana hindi na magtagpo ang landas naming dalawa. Whatever happened on the island, stay on that island.

Period.