Chapter 06

"Here, bago kayo umuwi, mag-enjoy muna tayo sa party. Birthday kasi ni Drey kaya samahan niyo akong mag-enjoy, kasama siya." mahina pero rinig namin ni Nica ang sinabi ni Pamela.

Birthday ng boyfriend niya. Nagsisi pa tuloy ako kung bakit tumuloy pa ako rito, sana umuwi na lang kami ni Nica. Mukhang nakakasira pa kami ng okasyon. Hindi ko pa rin siya binalingan kung ano na ang ginagawa niya ngayon habang nakaupo at baka kapag ginawa ko kahit sulyapan siya saglit ay baka hindi ko gusto ang makikita ko. Kahit magkaharap lang kami ay iniiwasan ko talaga na mapunta sa kanya ang paningin ko.

Kumalma na ang puso ko ngayon hindi tulad kanina, siguro, tinanggal ko na s'ya sa sistema ko lalo nang malaman ko na boyfriend ito ni Pamela. Matagal na rin ang nangyari sa amin at wala na kami no'ng umalis ako sa Isla. Binaon ko na rin siya sa limot.

Hanggang pailalim na ang gabi ay nag-eenjoy pa rin kami. Di naman pala boring dito sa ka grupo ni Pamela pwera na lang diyan sa isa na hindi ko pa rin tinaponan ng tingin.

"Okay!" masiglang sabi ni Pamela habang itinataas ang shot glass. "Game tayo! Truth or Drink. Ang matatalo, bottoms up!"

Nagkatinginan kami ni Nica bago sabay na napatawa.

"Count me in," sabi ko habang inaabot ang isang baso.

"Sure ka?" natatawang tanong ni Nica.

"Why not? Wala naman akong pasok bukas." sabi ko ng matahimik.

Nagsimula ang laro. Tawanan. Kantiyawan. Halos lahat nagkakasiyahan, hindi nga lang ako sure sa isa. Shit! ano bang paki ko sa kanya?

"Abrianna!" tawag ni Pamela. "Your turn."

Ngumiti ako at inihanda ang sarili. Bumuntong-hininga na muna ako.

Napahawak ako sa cards at bumunot at binigay sa kanya para basahin. Tumingin muna ito sa akin at ngumiti, nagtaas lang ako ng kilay dahil curious din ako malaman kung ano ang itatanong nito sa akin. Kaya ko naman sigurong sagutin.

"Kung nandito man siya. Name one person here o kahit wala dito na hindi mo kayang i-date ulit." Natahimik ang buong grupo. Halos sumabog ang puso ko sa tanong, sa dami ba namang pwedeng itanong ay iyan pa ang tumapat sa akin.

"Uy..." sabay-sabay nilang reaksyon.

Napailing ako habang tumatawa, pinipigilan ang iritasyon.

"I'd rather drink."

"Woooooh!" sigawan nilang lahat.

"Bottoms up! Bottoms up!" Huminga ako nang malalim bago inubos ang isang shot. Ramdam kong mas lalo pang uminit ang lalamunan ko. Na wala na kanina ang pagkahilo ko pero ngayon, nadagdagan pa nga.

"Another one!" tukso ng isa nilang kasama na hindi na maalala ang pangalan.

"Hoy, isa lang ang penalty!" natatawa kong reklamo.

"Tama na nga kayo," singit ni Pamela. "Next round, iba naman." Aniya at nagpatuloy ang katuwaan.

Pero habang nagpapatuloy ang laro, hindi ko maiwasang maramdaman ang isang pares ng matang paminsan-minsang napapadako sa akin.

I didn't have to look.

Alam kong si Drey iyon.

Kaya imbes na magpaapekto, ngumiti lang ako sa kawalan at muling sumali sa tawanan ng grupo.

Tonight, I came here to have fun.

And I refused to let my past ruin a perfectly good night.

Nakaramdam na talaga ako ng pagkahilo at dahil diyan, kukuha na lang kami ng taxi ni Nica at maghanap ng hotel na malapit para doon na muna kami mamalagi.

Nagpaalam na muna ako para pumunta ng restroom. Habang si Nica ay hinila ng kasamahan nina Pamela sa dancefloor.

" Shit..."

"Are you okay?" Narinig ko na may nagtanong pero hindi ko alam kung sino, muntik na kasi akong matumba pagtayo ko kung hindi lang ako nakahawak sa isang balikat na kung sino.

"Yeah...yeah I'm fine," ngiti kong sabi while waving my hand. Nang makabawi na ay saka na ako naglakad papalayo sa kanila. Mariin kong pinikit ang mga mata dahil halos naging dalawa o tatlo na ang mga tao at nagiging blury na ang daan na nilalakaran ko.

Ngunit dahil gusto kong makarating sa comfort room kaya pinilit ko ang sarili na maglakad ng maayos.

Hanggang sa napapangiti na lang ako na mabasa ko na ang nakapaskil sa dingding kung saan ang punta ko. Pumasok ako at naghanap ng cubicle, wala namang tao pero pumunta pa rin ako sa dulo, pagkarating ko, muntik ng hindi umabot, bumaliktad ang sikmura ko at doon nilabas ang mga nainom ko kanina.

Halos mapamura ako sa nangyayari sa akin.

"Ayoko na talaga uminom." Pangako ko sa sarili ko habang sumusuka.

"If you had stopped drinking earlier, you wouldn't be complaining about being drunk right now." Nagulat ako na may malamig na boses lalaki na nagsasalita sa may likuran ko. Agad akong tumayo pero bigla na lang akong nahilo, kung hindi niya agad ako nahawakan sa bewang ay baka nasubsob na ang mukha ko sa inidoro. Hindi ko na pwedeng alamin kung sino ang narito sa loob, sa familiar na amoy pa lang niya at paghawak sa akin ay kilala ko na kung sino.

"You— why, why are you here? Do-doon ka nga sa girlfriend mo! Ba-bakit ka ba nakikialam sa akin?" Bulyaw ko sa kanya na may kasamang pagpupumiglas dahil gusto ko makawala sa pagkahawak niya. Kung maaari, ayokong magkadikit ang mga balat naming dalawa.

"She is not my girlfriend, if that's what you think."

Pinanliitan ko siya ng mga mata, hindi niya pa rin ako binitawan. "Liar."

"You're drunk, you won't believe me because you are mad at me. Let's go, ihahatid na kita sa inyo." I'm a little bit scared with those voices pero hindi ako natinag at mas lalo akong naiinis sa kanya, hindi na lang sabihin ang totoo, marami pang paligoy-ligoy kahit totoo naman. Lalaki nga naman.

"Tabi! Kaya kong umuwi na mag-isa." Pagkatapos kong sabihin iyon ay sinubukan ko ulit na makaalis sa pagkahawak niya at hindi naman ako nabigo, pumunta ako ng sink at naghilamos, mas lalo pa yata akong nahilo at nasusuka na naman dahil sa nerbyos na nasa iisang banyo lang kami. "Lumabas ka nga, nasa lady's restroom ka."

"I know and so what?" Bumuga ako ng hangin dahil sa sagot niya.

"Ang tigas din ng ulo mo, what do you want from me at pinuntahan mo pa rin ako rito? Oh, not because we had past, doesn't mean susulpot ka na lang bigla sa buhay ko. Tapos na tayo kung iyan ang gusto mong marinig sa akin." Nanlaki ang mga mata ko na imbes lumabas ang lalaki na ito ay mabilis siyang lumapit sa akin.

"Are we done? You're the only one who said that? Are you sure about that, baby?" Biglang nanlambot ang mga tuhod ko dahil sa sinabi niya habang mariing nakatitig sa aking mga labi at hinahaplos ng kanyang daliri ang pisngi at ilalim ng baba ko.

Halos pigil hininga ang ginawa ko para iparating sa kanya na hindi ako naapektuhan sa presensya niya, ngunit hindi ko maloloko ang sarili ko kung ganito siya kalapit, sinungaling na kung sinungaling, pero familiar sa akin ang eksena na ganito at nauwi sa mainit na tagpo.

Pero, bago pa may mangyari ulit sa aming dalawa, kusa na akong umiwas sa kanya at maglalakad na sana palayo ngunit bigla niyang hinawakan ang bewang ko papalapit sa kanya. Hindi pa nga ako nakabawi dahil sa gulat, sinakop niya na ang labi ko.

"Tangina to." mura ko sa mga halik niya. Hindi ako humalik pabalik pero dahil kinagat niya ang ibabang labi ko ay wala na akong magawa na agad niyang pinasok ang dila niya at higupin ang buong lakas ko. Kung hindi niya ako kinarga at pina-upo sa sink ay baka natumba na ako. Hindi ko alam kung ano ba itong naramdaman ko pagkatapos ng ginagawa niya sa akin, mali ito dahil may girlfriend siya sa labas pero ito ako at halos ibigay na naman sa kanya ang lahat.

Pero bago pa ako mawala sa katinuan, agad kong iniwas ang mukha ko kaya sa leeg ko napunta ang paghalik niya. Unti-unting lumalabo ang mga mata ko at naramdaman ko na ang pagkabasa ng pisngi ko.

"Why? Why are you crying,hmm?"

"This is wrong..."

"Walang mali sa ginagawa natin, kung gusto mo puntahan natin si Pamela para alam mo ang totoo na hindi ko s'ya girlfriend. And let's talk about it after this, let me explain kung bakit ngayon lang ako nagparamdam ulit sa'yo." umiling ako sa sinabi niya. Wala na kami, nangako na ako sa sarili ko na hindi ko na siya papasukin muli sa buhay ko. Pero ngayon, gulong-gulo ang puso ko dahil hindi ko kayang panindigan ang desisyon ko kapag tungkol na sa kanya.

Gamit ang kanyang magaspang na palad, hinawakan niya ang magkabilaang kong pisngi at pilit na humarap sa kanya. Nakababa na ang dress ko kanina pero ngayon inayos niya na ito ngunit nakataas pa rin ang aking pang-ibaba hanggang legs habang nakaupo sa sink, ngayon ko lang napansin na nilagyan niya ito ng jacket bago ako pina-upo.

"Let's talk, I can explain." pagmamakaawa niya. Nahihilo pa rin ako at pakiramdam ko babaliktad na naman ang sikmura ko. Dapat ko ba siyang halikan muli para hindi ako masuka? Nagsasalita siya pero hindi ko masyadong narinig dahil nakatingin ang mga mata ko sa kanyang mga labi, ngunit sarado na ang aking mga tenga sa kung ano man ang sasabihin niya sa akin.

Birthday niya raw ngayon. Hindi niya ito nasabi sa akin noon. Ngayon ko lang alam.

In a heartbeat, my anger melted away, leaving nothing but a sudden, intense longing for him. Fucking craving for him.

"Happy birthday —"

Pero bago ko pa maabot ang labi niya narinig ko na lang siya malutong na nagmura.