KABANATA 23

KABANATA 23: Mad

NALA

Pinanood ko na munang tuluyang makalayo ang sasakyan kung saan lulan si Hugo bago ako pumasok sa bahay. Ginamit ko ang susi na laging nakatago sa nakasabit na paso na may mayabong na dahon ng bulaklak sa katabi lang ng pinto.

Hindi ko mapigilang mapangiti ng makitang magaganda pa rin ang tubo ng mga halaman ko kahit ilang buwan akong nawala. Sigurado akong si Lawrence ang nagdidilig ng mga halaman ko dito no’ng wala ako.

“Nala, hija?”

Akma na sana akong papasok sa loob nang biglang may magsalita sa likod ko. Lumingon ako dito.

“Oh, Aling Iska magandang tanghali po,” magalang na bati ko at ngumiti nang makilala ko kung sino siya.

Si Aling Iska ang nagbabantay noon kay Nadine no’ng wala pang sakit ang kapatid ko. Sa kaniya ko iniiwan noon si Nadine dahil nag-aaral ako. Siya ang katabing bahay ni Aling Perla na may ari naman ng sari-sari store sa may kanto kung saan kami tumambay ni Lawrence noon.

“Jusko, ikaw nga!” Nanlaki ang mata ko nang bigla siyang yumakap sa a