KABANATA 25

KABANATA 25: Visitor

NALA

Dahan-dahan kong binuksan ang mata ko nang may tumamang sinag ng araw sa muka ko mula sa bintana ng kwarto ko. Sa kahoy na kisame kaagad ng aking kwarto tumama ang aking mga mata. Kusang kumurba ang aking labi dahil sobrang sarap ng tulog ko na ngayon ko lang ulit naranasan.

Hindi pa man tuluyang bumabalik sa katinuan ang isip ko nang dagliang mabura ang ngiti sa labi ko dahil may napagtanto. Nanlaki ang mga mata ko at mabilis na umupo sa ibabaw ng kama. Tumingin ako sa kanang bahagi ng kama ngunit wala na akong katabi doon.

“Shit…” mahinang sabi ko at saka itinakip sa ibabaw ng bibig ko ang dalawang kamay ko habang nanlalaki pa rin ang mata. Sinuko ko na ba talaga ang bataan? Natuloy na ba ang naudlot sa Cambodia?

Dumako ang tingin ko sa katawan ko. May suot naman akong maluwag na t-shirt at pajama. May underwear din ako at brassiere na maayos na nakakabit. Panaginip lang ba ‘yon? Bakit parang totoo?

Akma na sana akong bababa sa kama ngunit halos mangisay ak