CHAPTER 2:

RHIANNA'S POV

Eksaktong alas-dose y medya nang huminto ang sinasakyan kong jeep sa tapat ng Del Santiago Corporation.

Bahagya akong napatingala at muling namamgha dahil sa laki ng gusaling nakatayo sa harapan ko.

Sa harapan nito ay nakaukit ang pangalan ng kumpanya sa malalaking stainless steel letters.

DEL SANTIAGO CORPORATION

Isa ito sa pinakamalalaking kumpanya sa bansa pagdating sa construction materials at industrial equipment.

Sila ang pangunahing supplier ng iba't ibang uri ng semento, structural steel, rebars, ready-mix concrete, roofing materials, industrial pipes, aggregates, at iba pang mahahalagang materyales para sa malalaking construction projects.

Bukod pa roon, kilala rin sila sa pag-aangkat at pagbebenta ng iba't ibang heavy equipment gaya ng excavators, bulldozers, tower cranes, wheel loaders, forklifts, dump trucks, at concrete batching plants.

Kaya naman ilan sa pinakamalalaking contractors, real estate developers, at infrastructure companies sa bansa ay kliyente ng Del Santiago Corporation.

Huminga ako nang malalim.

"Kayang-kaya mo 'to, Rhianna..."

Pagpasok ko sa lobby ay namangha ulit ako sa linis at well organized ang buong area. At halos lahat ng empleyado ay abala sa kani-kanilang trabaho.

Lumapit ako sa reception.

"Good afternoon, Ma'am."

Ngumiti ang receptionist.

"Yes?"

"Nandito po ako for my employment processing."

"May I have your name, please?"

"Rhianna Aguilar po," nakangiti kong bigkas ng aking pangalan.

Ilang segundo siyang may chineck sa computer bago muling ngumiti.

"Welcome to Del Santiago Corporation, Miss Aguilar,"

Hindi ko mapigilang mapangiti.

"Thank you."

"Please proceed to the Human Resources Department on the twelfth floor."

"Okay po."

~~~~~~

Paglabas ko ng elevator, ay agad akong sinalubong ng isang babaeng nasa trenta anyos na yata.

"Ikaw ba si Miss Aguilar?"

"Opo."

Ngumiti siya at iniabot ang kamay. "Hi. I'm Denise from Human Resources."

Tinanggap ko ang pakikipagkamay niya.

"I'm glad you made it."

"Thank you po."

Matapos kong pirmahan ang ilang dokumento at mabigyan ng maikling orientation tungkol sa kumpanya...

Napabuntong-hininga ako dahil akala ko ay tapos na pero biglang nagsalita si Ma'am Denise.

"Actually..." ani Denise habang isinasara ang folder. "There's one last step."

Napatingin ako sa kanya.

"Since you applied as the Executive Secretary of the President, Mr. Del Santiago personally conducts the final assessment of every shortlisted applicant."

Bahagya akong napakunot-noo.

"Akala ko po... tapos na ang interview?"

"It is."

Ngumiti siya.

"This isn't another interview."

"Then... ano po?"

"A brief meeting with the president himself," aniya.

Napakurap ako.

"Mr. Del Santiago believes that his Executive Secretary should be someone he can trust. That's why he always takes the time to personally meet the applicant before giving his final approval."

Hindi ko namalayang napalunok ako.

Hindi pa pala talaga tapos.

"Come with me," usal niya at nagsimulang maglakad, sumunod naman ako kaagad.

Lumabas kami ng Human Resources Department.

Habang naglalakad sa malawak na hallway ay hindi ko maiwasang mapansin ang halos lahat ng empleyado na nadadaanan namin.

"Nakakakaba ba?" tanong ni Denise.

Kaunti akong tumawa. "Medyo po."

"Normal lang 'yan... ganyan din ako noong first time ko rito," usal niya.

Pumasok kami sa isa pang elevator patungo sa floor kung saan naghihintay si Mr Del Santiago. Hindi iyon nagtagal, dahil makalipas ang ilang minuto ay bumukas ang elevator at humakbang na kami palabas.

Kumpara sa ibang floors nitong building ay hindi maikakaila ma mas doble ang katahimikan rito sa executive floor.

Napayuko ako sa sahig at napansin kong isang makapal na carpet ang aming inaapakan.

Modernong interior.

At iilan lamang ang mga tao rito.

Parang bawat pintong madaanan namin ay may sariling awtoridad.

Habang naglalakad ay may ilang empleyadong magalang na bumati kay Denise.

Napansin kong halos lahat sila ay seryoso ang ekspresyon.

"Ma'am Denise..." mahina kong tawag.

"Hm?"

"Mabait po ba si Mr. Del Santiago?"

Napatawa siya nang mahina. "Mabait naman."

Saglit siyang tumigil.

"...kapag nasa magandang mood."

"Lagi po ba siyang nasa magandang mood?"

Napangiti siya.

"Let's just say...hindi mo gugustuhing makita siyang galit."

Napangiwi ako.

Parang lalo yata akong natakot sa narinig ko.

Ilang hakbang pa ay huminto kami sa pinakamalaking opisina sa pinakadulo ng hallway.

Naka-ukit sa brushed stainless steel nameplate ang mga salitang...

OFFICE OF THE PRESIDENT

CAIUS DEL SANTIAGO

President & Chief Executive Officer

Hindi ko alam kung bakit...pero parang mas bumilis ang tibok ng puso ko.

"Sir..."

Bahagyang binuksan ni Denise ang p***o.

"Miss Rhianna Aguilar is here for her final assessment."

Mula sa loob...

Isang mababa, kalmado, at awtoridad na boses ang sumagot.

"Send her in."