4

=AZRAEL’s POV=

Naka-upo ako waiting shed sa labas ng Lestrange University habang hinihintay si bebelabs na lumabas. May dala akong flowers at chocolate para suyuin siya dahil galit siya sa akin. Alas singko pa lang ng hapon kaya panigurado na lalabas na siya mamaya kaya dito lang ako uupo para makita agad siya.

"Azrael!" Napalingon ako sa tumawag sa akin. Si Vladimir pala ang aking kinakapatid na anak ni ninong Ryan.

Kumaway ako sa kanya saka tumayo at naglakad naman siya palapit sa akin.

Ang guapo talaga nito ni Vlad, saka yayamin kung pumorma parang hindi anak ng taxi driver. Parang richkid dahil ang galing niya manamit. Hindi naman ako nai-ingit sa kanya. Natutuwa pa nga ako kasi ang galing niya pumorma.

"Vlad, ayos porma natin ah,” sabi ko, “Anong ginagawa mo dito?" tanong ko sa kanya. Ang alam ko kasi ay graduate na rin siya kaya bakit siya nandito?

"Hmp, sinusundo ko lang syota ko, ikaw, anong ginagawa mo dito?" balik tanong din niya sa akin habang ang dalawang kamay ay nasa bulsa.

"Sinusuyo ko lang nililigawan ko. Galit ee, dahil hindi ako nakasipot sa usapan namin kanina." Tumango lang siya bilang sagot.

"Sweetheart," tawag ng isang babae na mukhang mayaman kay Vlad saka ito naglakad palapit sa amin. 

"Hi," bati ni Vlad sa babae saka sila nag-kiss sa lips.

‘Wow, sana all may ka-kiss sa lips.’

Saka ang galing pumili ni Vlad ng sosyotain, maganda, sexy, at mukhang mayaman.

"Sweetheart this is Azrael, dad's god-son,” pakilala niya sa akin sa syota niya, “Si Lileth nga pala, Az, girlfriend ko." Nag-alangan naman akong abutin ang kamay noong Lileth kasi baka hindi niya tanggapin. Mayaman ee at baka ayaw sa virus pero buti na lang at siya na rin ang nagkusa na i-abot ang kamay niya sa akin.

"Nice to meet you, Azrael," pati pagbigkas sosyalin ang dating. Yayamanin talaga.

“naystometyuto,” sagot ko sabay abot ng kamay.

"Azrael!" Nagulat ako at agad na binitawan ang kamay ni Lileth nang makita ko ang umuusok na ilong ni Sabrina. Nakasingkit pa ang mata niya habang nakatayo sa hindi kalayuan. Selos naman agad ‘to alam naman niyang siya lang ang labopmaylayp ko.

"Ah! sige ah, una na ako at nandiyan na si tigre hehehe." Hindi ko na sila hinintay na sumagot at agad na akong umalis.

"Bebelabs, hi," bati ko kay Sab at agad na inabot ang bulaklak at tsokolate. "plawers and tsokolit por yu." Pero hindi niya pinansin ang inabot ko kaya naman ngumiti ako ng malapad. 

"Hehe, ayaw mo ba, bebelabs?" tanong ko.

"Sino ýong kausap mo?" Ehh sabi na nagseselos si bebelabs ayaw lang umamin.

"Ah! si Vlad ýon bebelabs anak ni ninong Ry, tapos syota niya ýong babae maganda." Kinuha agad niya ang mga binigay ko at nauna nang maglakad.

"Saglit bebelabs." Habol ko dahil ang bilis niyang maglakad. “Saglit lang,” tawag ko at agad naman siya huminto.

“Doon ka na sa magandang babaeng ýon.” Inis niyang sabi.

“Ano ka ba bebelabs, wala ng mas gaganda pa saýo. Ikaw ang pinaka-maganda sa lahat sa paningin ko.” Ay mali, si mommy pala pers. Pero maiintindihan naman ni mommy kung si Sabrina muna ang pers ngayon. Lagi naman siya since birth ko.

“Ewan ko sayo.” Saka siya mabilis na naglakad. Kaya mabilis din akong nakasunod sa kanya nang may ma-bunggo ako.

Nang tingnan koi to ay isang maangas na babae ang nabunggo pero hindi nakatingin sa akin.

“Sorry Miss,” hingi ko ng paumanhin sa babaeng maganda din pero mas maganda si Sabrina. Pero hindi ee, maganda din talaga siya. Ang angas pa ng dating niya. Pormahan na pang action star sa palabas.

“Watch your steps,” sabi nito nang hindi tumitingin sa akin.

“Yes po,” sabi ko sabay saludo pero hindi niya nakita dahil naglalakad na siya palayo.

“Hoy!” dinig kong sigaw ni Sabrina at nang tingnan ko siya ay nasa gate na pala siya.

“Huwait for me bebelabs!” sigaw ko nang makita siyang nag-umpisa na naman maglakad. “Sino kaya ýong babae na ýon, ang angas niya talaga.

NANDITO kami sa isang park kung saan ang daming tao na nakatambay. Naka-upo kami sa isang bench habang kumakain ng ice cream.

"Bebelabs, kailan mo ba talaga ako sasagutin?" Hindi naman sa nai-inip ako, pero syempre apat na taon na akong nanliligaw sa kanya pero hindi ko pa rin alam kung ano ang skor ko sa kanya.

"Bakit nagsasawa ka na ba? pwede kang umatras kung ayaw mo na," sabi niya habang sa mga bata nakatingin.

Ako magsasawa?

Naghintay nga ako ng apat na taon. Kung magsasawa ako sana noon pa.

"Naku bebelabs malabo akong magsawa sayo. Alam mo naman na lab na lab kita, tilditdoaspart."

"Ýon naman pala, eh ‘di maghintay ka,"

"Syempre naman bebelabs basta ikaw, kahit katapusan ng mundo hihintayin ko para sayo. Ehh!" Kinikilig kong sabi pero mukhang wa epek sa kanya. Pero alam ko sa kaloob-looban niyan kinikilig na yan panigurado.

"Dami mong alam," sabi niya saka tumayo at nang-umpisang maglakad. Ang hirap talaga pakiligin ng bebelabs ko kaya mas lalo akong ginaganahan mag eport.

Tumayo rin ako para sundan siya. Saan na naman pupunta ang isang ‘to at bilis pa maglakad.

"Bebelabs ko, huwait for me!" sigaw ko. Hay mga babae talaga sobrang magulo at ang hirap espilingin.

Nakasunod lang ako kay bebelabs habang naglalakad sa pathway nitong park. Hindi ko alam kung anong trip nito sa buhay pero syempre dahil lab ko sunod lang ako nang sunod sa kanya. Kahit pa umakyat siya ng bundok at tumalon sa dagat susunod ako basta si bebelabs ang kasama ko.

"Bebelabs," bulong ko na nagpatigil sa kanya.

"Ano?" tanong niya saka tumingin sa akin.

"Ang ganda mo talaga, hehehe," sabi ko pero tumaas lang ang kilay niya. Wa epek na naman, kaya lab ko talaga ‘to eh kasi hindi easy to get.

"Azrael," tawag niya sa akin kaya umayos ako habang nakasunod.

"Yes, bebelabs," 

"Bakit mo ako nagustuhan?" tanong niya sa akin na parang naging matikmatik bigla. Teka ngayon lang ako natanong ni bebelabs ng ganito at nasurpresa ako.

Kailangan magpa-impress ako para hindi siya ma-disappoint sa sagot ko at baka mabasted ako ng wala sa oras. Sayang ang apat na taon paghihintay kung mauuwi lang din sa basted dahil lang nagkamali ako sagot.

"Kasi, maganda ka, kasi sexy ka, kasi matalino ka, at saka mabait, hehehe," kampanti kong sagot. Tama naman lahat ng sinabi ko at lahat ýon ay galing sa puso ko.

"Ibig sabihin pag tumaba ako at nasira ang mukha ko at hindi ko na naintindihan mga sinasabi mo mawawala na pagmamahal mo sa akin?" tanong niya.

Oo nga no! Ay putspa! palpak na naman ang sagot ko.

"Hindi ah! syempre lab pa rin kita." Teka, ano ba kasi ang tamang sagot? "Ikaw bebelabs, anong nagustuhan mo sa akin?" Ako naman ang nagtanong sa kanya.

"Bakit, sino ba ang may sabi na gusto kita?" Ouch! "Ikaw lang naman 'tong pilit nang pilit na manligaw sa akin." Isa pa'ng ouch! Parang hindi nga ako binasted pero parang ganoon na nga.

"Eh bakit hindi mo pa ako binabasted kung hindi mo pala ako gusto?" tanong ko na medyo may pagka-sad.

"Ewan ko saýo!" sagot niya saka mabilis na naman na naglakad.

"Bebelabs, saglit lang, ang bilis mo naman maglakad." Hindi na nga niya sinagot ang tanong ko, iniwan pa ako.

Babae talaga!