Chapter Twelve

Ang balak kong gigising ng maaga para hindi maabutan ni Steve ang nangyari, ay hindi ko nagawa. Dahil nagising ako na wala na sa tabi ko si Steve. Hindi ko tuloy alam kung ano ang naging reaction niya na nalamang ako ang ka-siping niya kagabi.

Umupo ako at sumandal sa headboard ng kama, binalot ang sarili sa comforter ni Steve. Napapikit ako sa isiping baka nandidiri na sa'kin ngayon si Steve dahil hindi si Nicole ang katabi niya.

Napamulat ako dahil sa pagbukas ng pinto ng banyo. Doon, lumabas ang hinahanap ko. Nakatabing lamang ito ng towel sa pambaba at walang saplot pang itaas. Itinaas ko naman lalo ang comforter habang napapalunok sa kaba.

Walang emosyon ako nitong tinignan habang nagtutuyo ito ng kan'yang buhok.

“Ano pang ginagawa mo d'yan? Bakit hindi ka pa magbihis at bumalik sa kwarto mo?” Malamig nitong tanong bago pumasok sa loob ng kaniyang walk-in-closet.

Nanlulumo naman akong nagbihis habang nasa loob pa s'ya. Pagkatapos ko magbihis ay lumingon pa ako sa pinasukan niya