Chapter 7

Alam naman niya kung gaano kahalaga para sa pamilya niya ang career at business pero gusto naman niyang buuin ang kanyang sarili dahil alam niyang nasayang ang tatlong taon ng buhay niya kasama ang Benjamin Peters na iyon.

Pumunta sila sa The A Club para magsaya ni Shiela. Tinakpan niyang maigi ang kanyang tainga dahil sa lakas ng sounds sa The A Club. Kitang-kita niyang nagsasaya na ang ibang tao dahil nagsasayaw ito sa gitna, sa dance floor.

Sumakit pa nga ang mata niya dahil sa kung anu-anong kulay ang nakikita niya sa The A Club.

Nakasuot siya ng red-tight skirt at naka-10 cm high heels. Pansin ang kanyang mahahabang legs. Dahil tight nga ang kanyang suot ay kitang-kita ang hubog ng kanyang katawan.

Nag-make up din siya para naman magmukhang presentable siya oras na may lumapit sa kanya. Nakalugay din ang kanyang curly na buhok. Isama mo pa ang magaganda niyang mata na sa tuwing ngi-ngiti siya ay parang nakangiti na rin ang mga ito.

Paminsan-minsan ay naiilawan siya sa The A Club kaya kitang-kita ng mga tao ang bagong tattoo sa likod niya. Sa sobrang ganda ng tattoo ay parang gusto nang halikan ng mga nakakakita ang parteng iyon ng katawan niya.

Tiningnan ni Shiela ang kanyang kaibigan at naaawa siya. Kahit sabihin pa ni Celestine na wala siyang pakialam pero kilala siya ni Shiela simula bata pa lang, alam niyang nasasaktan si Celestine.

Masakit para kay Celestine ang lahat pero sa huli ay kasalanan naman niya iyon. Ang kailangan niya lang ngayon ay lumaklak ng alak para makalimutan pansamantala ang lahat.

Naniniwala pa rin si Celestine na wala nang magmamahal pa kay Benjamin nang ganoon kalalim kung hindi siya lang.

Sa isip-isip niya, hindi ba talaga magsisisi si Benjamin na hindi siya minahal nito?

Lahat ng lalaki ay nakatingin kay Celestine. Napapalunok na lang ang mga lalaking nakatingin sa kanya. They shout all their praises for Celestine.

“Sobrang ganda talaga niya! Grabe!” sabi noong isa.

“Ang swerte ng isang Benjamin Peters na maging asawa siya, ‘no?”

Tumigil ang malakas na music kaya tinapon ni Celestine ang isang bottle ng whiskey sa gitna ng stage. Pinabyaan niya ang sarili na sumayaw-sayaw sa dance floor. Nang marinig niya ang pangalan ni Benjamin ay tumingin agad siya sa mga tao roon.

“Nirentahan ko ang buong club na ito ngayon kaya kung sino man ang magbanggit pa sa pangalan ni Benjamin ay umalis na lang!” sigaw niya.

Pagkasabi noon ay nakinig naman ang mga tao sa kanya. Ang hindi nila alam ay nakatingin si Benjamin sa di kalayuan Halos mabasag na ang wine glass na hawak niya. Kasama niya ang kaibigan niyang si Sean.

“Tingnan mo nga naman, kitang-kita na sobrang saya ng asawa mo simula noong pinirmahan niya ‘yong divorce papers niyo! Saka, ngayon ko lang nakita ‘yong tattoo niya sa likod? Ang ganda, ah!” natatawang sabi ni Sean.

Pagkasabi noon ay tiningnan pa ng mabuti ni Sean si Celestine. Para bang akit na akit ito sa asawa ng kaibigan niya.

Inis na inis si Benjamin pero wala siyang magawa. Tahimik lang siya na nakatingin din sa kanyang asawa.

Sa tatlong taon kasi na mag-asawa sila ay ni minsan, hindi niya nakitang nagbihis ito nang ganoon sa harap ng ibang tao. Kung lalabas man sila ay laging sinisigurado nito na maayos at disente ang suot nito.

“Narinig mo ba ang sinabi ng asawa mo? Hindi ka na raw niya mahal. Ang tapang niya para sabihin iyon ah?” pang-aasar pa ni Sean sa kanyang kaibigan. Pagkatapos noon ay nakangiting tiningnan pa rin ni Sean si Celestine.

Tiningnan lang ni Benjamin ang kanyang asawa. Alam niyang pakana lang ni Celestine ang lahat para suyuin siya ni Benjamin.

“Talaga lang? Naku, sigurado ako na pagkatapos lang ng tatlong araw ay babalik na rin sa akin si Celestine. Hintayin na lang natin,” sagot ni Benjamin kay Sean.

Naging malamig ang tingin ni Benjamin sa asawa nang makita nito na nakahilig ang ulo nito sa balikat ng iba. Maya-maya ay may binulong sa kanya ang lalaki, inis na inis naman si Benjamin dahil hindi niya iyon rinig.

Kitang-kita ni Benjamin na sobrang saya ni Celestine habang nakikipag-usap sa iba’t ibang tao. Ang lahat ay sa kanya ang atensyon, kung sinu-sino rin ang nagbibigay ng wine sa kanya at masayang tinatanggap ni Celestine ang lahat ng iyon.

Aminado si Benjamin na sobrang ganda ng asawa niya, sigurado siya na kung sino man ang lumapit dito ay talagang mahuhulog, sa ngiti pa lang nito ay panalo na.

Hanggang sa may isang boses na narinig sila sa crowd.

“Bagay na bagay talaga si Celestine Yllana at si Anthony Ang!”

Kaya naman, lakas loob na nagtanong si Celestine sa lalaking kakakilala niya pa lang. Wala na siyang paki kung sino man ang makarinig sa kanila.

“Ang sabi nila, Mr. Ang, bagay daw tayo. Kasal ka na ba?” pagkasabi noon ay pagewang-gewang si Celestine habang hawak ang isang wine glass.

Kumunot ang noo ng lalaki dahil matapang siyang tinanong ni Celestine.

“Single ako, bakit? Gusto mo ba akong pakasalan?” matapang na sagot ng lalaki, ang lakas tuloy ng hiyawan ng crowd. Halatang kilig na kilig sila sa natutunghayan.

“Bakit naman hindi? Sa totoo niyan, single din ako,” pagkasabi noon ay ngumiti si Celestine.

Pinakinggan lang ni Benjamin ang mga sagot ni Celestine. Kunwari ay wala siyang pake rito. Pero, sa hindi malaman na rason ay parang hindi niya kaya na umupo lang at walang gawin.

“Di ba, kayo ni Benj-” hindi na nabuo pa ni Anthony ang kanyang sasabihin dahil agad na tinakpan ni Celestine ang kanyang bibig.

“Huwag na huwag mong masabi ang pangalan niya rito. Wala naman kasing kwenta ang lalaking iyan sa buhay ko,” sagot ni Celestine kaya lalong nagalit si Benjamin sa kanya.

Dahil sa narinig ay hindi napigilan ni Benjamin na basagin ang baso na hawak niya. Kitang-kita na galit ang namamayani sa puso niya.

Hindi makapaniwala si Benjamin dahil alam niyang mahal na mahal siya ni Celestine pero ang dali lang nitong lumandi sa kung sinu-sino sa labas.