Chapter 46

MATAGAL bago nakasagot si Archie, “Aalamin ko muna kung may libre akong oras. Pakitawagan na lamang ang secretary ko. Sige, ibababa ko na ‘to.” Mabilis niyang tinapos ang tawag at hindi na ito binigyan ng pagkakataong na magsalita.

Dahil nasisiguro niyang gagamitin nito ang pagiging biyenan upang makuha ang gusto. Kaya paglabas sa elevator kung saan ay nakita niyang naghihintay malapit sa entrance ng gusali ang secretary ay sinabihan niya ito sa dapat gawin sa oras na tumawag si Patricio.

“Masusunod, Sir,” tugon nito.

Pagkatapos ay sumakay na sila sa kotse. Habang nasa kahabaan ng kalsada ay biglang napaisip si Archie. “May iba ba akong schedule outside office?”

Mabilis na tiningnan ng secretary ang schedule list sa hawak na tablet. “Hmm… wala, Sir.”

Napabuga ng hangin si Archie. “Bagalan mo lang ang pagmamaneho,” utos niya sa driver dahil ayaw niyang makaharap, early in the morning ang biyenan.

Tumango ang driver. “Ililiko ko na lang ang kotse sa longer route, Sir.”

Kaya inabot ng ma