Chapter 5: Cursed Friday

Friday. 

“Naomi, sa site na tayo magkita ha. Wag ka na dumaan sa office may ka-meeting din akong client ngayon. I'll try na makasunod sa site. If not, please ikaw na muna on my behalf. Gusto lang naman ng client na makausap ka for details and everything.” sabi ni Andrew sa tawag. Mukhang sobrang busy ito sa tono pa lang ng pananalita. Tila humahangos nga ito habang pinapaliwanag sa kanya ang gagawin niya. 

“Okay, I got you!”

“O sige na, I'll see you when I see you, nandito na yung sasakyan ko.”

“Alright ingat.”

Pagkatapos nilang mag-usap ay minabuti niyang mag-asikaso na ng sarili para makapunta sa site kung saan itatayo ang hotel and resort ng kliyente nila. Confident naman siya na magugustuhan ng kliyente nila ang interior at lalo na ang exterior suggestions niya para sa yacht view. Io-offer din kasi ng business na iyon ang yacht rental. 

“Alright Naomi, today is your day!” ngumiti siya sa nang makuntento sa ayos niya. 

*****

Paglabas ni James sa banyo ay saktong kagigising lang din ng babaeng nakilala niya lamang sa bar. 

“Morning. Going somewhere?” hindi ito nag-atubiling takpan ang katawan at kinuha ang roba sa sofa malapit sa kama. 

“Yeah. Got some business.” tipid niyang sagot habang nagbibihis.

“Would I see you tonight again?” tanong ng babae habang nagsasalin ng malamig na tubig sa baso. 

“Hmmm…I'm not sure.” 

“Well, here's my business card if you wanna see me. Just call.” inabot ng babae sa kanya ang maliit na card at kumindat pa sa kanya. 

Inilagay niya iyon sa bulsa ng long sleeve ni James.

“Might be useful.” muli niyang sagot. 

Natawa lamang ang babae. “You didn't even bother to check my card.”

Tinapunan lamang niya ng tingin ang babae na bumalik sa sofa. 

“Gotta go.”

“Bye.”

Tumango lamang si James sa dalaga saka lumabas. Wala na siyang balak na kitain ulit ang babaeng iyon. He just needed someone to vent out with. He stayed with the woman for two nights. Nalaman naman niyang nasa maayos na kalagayan na ang ina at pinadampot na din sa pulis ang asawa nito. 

*****

Pagdating ni Naomi sa site ay bumungad sa kanya ang mga abalang manggagawa. Maya-maya pa ay may sumalubong sa kanyang babae. 

“Hello, from Atlas?”  nakangiting tanong ng babae sa kanya. 

“Ah yes, I'm Naomi.” 

“I'm Kayla, I'm Mr. Tuazon's secretary. Let's go. Inaantay ka na ni Sir sa yate.”

“Okay.” sumunod siya dito. 

Habang papalapit sila sa yate ay may nakita siyang dalawang lalaki na naka-formal at patungo din sa pupuntahan nila. 

“Oh, nariyan pala ang CEO niyo.” sabi ni Kayla. 

“Ha?” maang niyang tanong. 

“Yung CEO nyo, si Mr. San Lorenzo. Don't tell me hindi mo kilala ang boss nyo.” natatawang sabi ni Kayla habang naglalakad sila. 

“Ah actually, hindi ko pa siya name-meet. We're supposed to meet today for formal introduction kaso pinapunta ako dito ni Andrew.”

“Oh I see. Ikaw yung designer from Hawaii. Nabanggit kase sakin ni Andrew nong nagkausap kami kahapon.”

“Ahmm…oo. One year lang naman ako dito.”

“You are going back to Hawaii? Magada ba don?”

“Super, you should have a vacation there.”

Ngumiti naman si Kayla sa kanya. 

“I think we will be friends here.”

Ngumiti din siya pabalik dito.

“Halika, dahan-dahan ka lang sa pag-akyat.” ani Kayla. 

Sumunod naman siya dito. Pag dating nila sa taas ay may dalawang lalaking nakatayo at nakatalikod sa kanila. Seryosong nag-uusap, habang nakatingin sa ginagawang building. 

“Ehem.” tikhim ni Kayla. “Good morning po Mr. San Lorenzo.” paunang bati niya sa bisita ng amo. “Mr. Tuazon, nandito na po si Miss Naomi, the interior designer from Atlas.” patuloy naman ni Kayla.

“Good morning Mr.--” nahinto si Naomi sa pagsasalita ng sabay lumingon ang dalawang lalaki. Hindi maipaliwanag na emosyon ang bumalot sa kanya. Takot, kaba, hiya o kung ano man matatawag yon. 

“Miss Naomi.” magkapanabayang wika pa ng dalawang lalaki na parehong makahulugang tingin ang binigay sa kanya. 

Napalunok si Naomi. Napansin naman ni Kayla na hindi agad nakaimik ang kasamang dalaga. Doon niya naalala ang letratong aksidente niyang nakita sa documents ng boss niya. Kaya pala familiar ito.

“Ah…good morning po Mr. San Lorenzo. It's good that you are also here, Naomi told me that she has not formally introduced herself to you.” basag ni Kayla sa awkward na sitwasyon. 

“Yeah…how could I not be here. My interior designer is here. Nice to finally see you.” ngumiti ang isang sulok ng labi ni Bryce. “Of course Mr. Tuazon, I'm here to see what my staff can offer you.” binalingan ni Bryce si James na noon ay nakatingin pa din kay Naomi. 

Parang tinulos sa kinatatayuan ang dalaga dahil dalawang lalaki mula sa nakaraan niya ang nasa harapan niya. 

“Naomi…” mahinang tawag sa kanya ni Kayla. 

“Come sit here with us. Miss Naomi.” nagulat pa ang dalaga nang tawagin siya ni James. 

Kahit kinkabahan ay hindi niya magawang tumakbo. Sigurado siyang ipapahanap lang siyang muli ni James. Kailangan niyang mag-isip ng paraan na makabalik sa Hawaii o makalayo. 

“Y-Yeah right.” 

Kaagad siyang kumilos at umupo sa tabi ni Bryce na noon ay nakatitig pa din sa kanya. Katapat niya si James na katabi naman ang sekretarya nito. 

“Ahmm…” panimula ni Naomi. “H-Here's the design I sent to you yesterday.” patuloy niya haang di pa din makatingin sa kaharap. “Tell me what designs you prefer para makapili na ng materials to use. Here is also the exterior that I think fits for the vibe you needed.” 

Ngumisi si James at kinuha ang laptop kay Naomi saka inisa-isa ang designs na naroon. Nakita niya na lahat yon at may napili na din siya. Gusto niya sanang marinig ang advise ng interior designer ng Atlas pero sino bang mag-aakala na ang matagal na niyang hinahanap ang makikita niya. 

“Actually, may napili na ako sa mga proposal mo. I might need to come with you to choose the best materials needed. I prefer this one.” tinuro nito ang isang theme na kung saan ay nakakarelax ang atmosphere. “For the yacht, I prefer this one.” tinuro naman ni James ang design na kung saan eh may pagka-romantic and erotic ang dating.

 “Nostalgic. Reminds me of someone.” dagdag pa ng lalaki at makahulugan itong tumingin sa kanya.

Nag-iwas ng tingin si Naomi at kinuha ang juice na inalok ng staff doon. 

Si Bryce naman ay iba ang laman ng isip. Marami siyang tanong na gusto niyang masagot ni Naomi ngayon din. 

“I guess that's settled then! Thank you Mr. Tuazon for choosing Atlas as your builder.” nagkamayan ang dalawang lalaki. 

“Yeah, I heard yours is the best  and today it's proven.” sagot naman ni James at muling tiningnan si Naomi. 

Hindi na kinakaya ni Naomi ang tension, bigla siyang napatayo. 

“Ahmm…I think I have to use the wash room…Mr…Mr…San Lorenzo.” 

“Sure, sabay na tayo bumalik sa company. I have other things to discuss with you.” makahulugan itong ngumiti sa kanya. Napatango na lang ang dalaga. 

*****

Pag labas ni Naomi ng banyo ay nakahinga siya ng maluwag nang maramdamang wala ng tao sa yate. Gusto niyang umiyak at magalit, nanahimik na lang sana siya sa Hawaii. 

Pag labas niya ng cabin ay nagulat siya sa isang lalakig nakatayo sa gilid ng pinto. Mabilis niyang nilampasan ito ngunit nahuli ng lalaki ang kamay niya. 

“Let go!” hindi nag eeskandalo pero mariin niyang sabi dito. 

“Naomi, I searched for you.” nakatingin pa din si James sa kanya. “I bet you remember this.” tinuro nito ang marka sa bandang kilay. 

“Yeah and you deserve that! Bitawan mo ako.”

“Naomi, I need to talk to you.”

“No way! Never.” 

Mas lalong humigpit ang hawak nito sa kamay niya at lumapit pa sa tenga niya.

“If I have to kidnap you gagawin ko.” 

“Let go James!” pilit niyang kumawala dito. 

“What’s going on here?” 

Napatingin silang pareho sa nagsalita. 

Hindi maipinta ang itsura ni Bryce. 

Agad namang nag iba ang reaksyon ni James. 

“Ah, your secretary lost her balance. You should have told her not to wear pointed heels here.” marahang binitawan ni James ang kamay ni Naomi at nilagay ang mga kamay niya sa bulsa ng slacks. 

“Let’s go Miss Nepalis.” agad namang kumilos si Naomi at bumaba ng yate.

“Thanks Mr. Tuazon, but I think she’s okay on her own.” ngiting-aso ang binigay niya sa lalaki bago tuluyang bumaba. 

Kuyom naman ang palad ni James nang makaalis ang dalawa.