Exclusively for the Mafia

NAPAHAGULGOL AT NANGINGINIG sa labis na takot si Naya. Hindi maampat ang kanyang luha habang mahigpit ang pagkakasabunot ni Rio Costor sa kanyang buhok. Hindi lamang iyon, ang isang kamay nito ay may hawak na baril at nakatutok sa kanyang sentido. 

"One wrong move at tutuluyan ko ang misis mo, Astin!" Mariing banta nito na lalong nagpanginig kay Naya.

Marahan namang itinaas ni Damielle Astin ang kanyang kamay na may hawak na baril. He was left with no choice but to surrender himself. Kaagad namang sinamantala iyon ng tauhan ni Rio upang kunin ang hawak niyang baril. 

"Love will ruin you. Sayang ka, Astin!" Umiiling na turan nito kasabay ng pabalyang pagbitaw nito sa lumuluhang si Naya Faith Sevestre-Villacorda. Napaigik na lamang si Naya nang bumagsak ang pang-upo niya sa sahig. 

Bago pa tuluyang makahuma si Astin ay nakatanggap siya ng malakas na sipa sa tiyan mula sa tauhan ni Rio Costor. And dalawa naman sa kanila ay salitan siyang pinagsususuntok sa mukha at sikmura. Hindi pa nakuntento roon nga tauhan ni Rio. Pinalo nila ng baril ang ulo nito dahilan upang mapaluhod ito sa sahig.

Mahina namang napahalakhak si Rio.

"Mahina ka, Astin. Hindi na ako magtataka kung bukas bagsak na ang Red Majesty. At kasalanan mo iyon, kasalanan ng pinuno nilang pulpol." Mapang-uyam na turan nito kasabay nang paglapit at pagsipa ng ilang ulit kay Damielle Astin Villacorda.

"Astin." Muli na lamang napahagulgol si Naya habang pinapanood niya ang kanyang mister na pinahihirapan ng mga lalaking dumukot sa kanya. 

Nang magsawa si Rio sa kasisipa at kasusuntok sa walang kalaban-laban na si Damielle Astin ay napabaling ang tingin nito kay Naya Faith na umiiyak.

"You're too beautiful to choose the wrong man. Sayang ka! Dahil nasa side ng kalaban." 

"Ano bang kailangan niyo sa amin?" Lumuhang tanong ni Naya.

"Really? You're asking that?" Gumuhit ang ngisi sa labi ni Rio Costor.

Hindi naman naiwasan ni Naya Faith ang lalong pagkabog ng kanyang dibdib. Nahihinuha niya ang dahilan kung bakit siya dinukot ng mga ito. Ngunit gusto niyang ilihis ang takbo ng kanyang isipan. Gusto niyang isipin na dahil galing sa mayamang ang kanyang mister kaya sila dinukot. Ngunit mukha namang hindi ransom ang habol ng mga dumukot sa kanila.

Lalong lumawak ang ngisi sa labi ni Rio Costor nang makita niya ang takot sa mukha ng babae. Nang mapunta ang tingin nito kay Damielle Astin ay lalong nagbunyi ang kanyang kalooban.

"Bakit hindi mo tanungin ang magaling mong asawa?"

Agad namang napunta ang tingin ni Naya sa kanyang mister. Sa isang iglap ay lalo siyang naguluhan sa totoong hangarin ni Rio Costor. Bago pa makaimik si Naya ay sumagot si Damielle Astin.

"Be a true man, Rio! Sa pagitan lang natin ang gulo kaya huwag mong idamay ang asawa ko." Pinilit nitong bumangon sa kabila ng panghihina dahil sa sugat na kanyang natamo ngunit muli siyang sinuntok at sinipa ng mga tauhan ni Rio dahilan upang muli nitong mapadukdok sa sahig.

"Astin!" Gusto mang lapitan ni Naya ang kanyang mister ngunit hindi niya magawa. 

"Parte rin ng organisasyon ang asawa mo, Astin. Kaya damay siya sa gulo natin."

Nangunot naman ang noo  ni Naya Faith sa narinig.

"Organisasyon? Anong organisasyon?" Kitang-kita ang pagtataka sa mukha nito.

"Look likes your wife knows nothing."

Umiling-iling ito bago siya nagsalita.

"Sige, dahil masaya ako na nakikita kang gumagapang sa harap ko, bibigyan kita ng regalo."  Ngumisi ito ng nakakaloko bago tumingin sa kanyang mga tauhan.

Lumingon rin ito kay Naya nang mapatayo ng kanyang mga tauhan si Damielle Astin. 

"At ikaw naman babae, bibigyan kita ng pagkakataong tumakas."

Napalunok naman si Naya. Awtomatiko rin siyang napalingon sa kanyang mister na nakayuko at halos wala nang lakas. 

"Kapag sinabi kong takbo, tumakbo ka or else pasasabugin ko ang ulo mo!" Mariin itong tumitig sa babae bago nagpatuloy. "Do you understand?"

Puno naman ng takot na tumango si Naya Sevestre-Villacorda.

"Tumayo ka!" Umagos ang luha ni Naya. Hindi niya mawari ang kanyang nadarama. Tila naghahalo ang takot at pag-aalinlangan sa kanyang isip. 

"Tayo na!" Malakas na wika ni Rio dahilan upang lalo siyang manginig sa takot. Tila naging hudyat rin iyon upang mapilitan siyang tumayo.

"What are you planing, Rio?" 

Ngumisi naman ang lalaki.

"Ayaw mong bang patakasin ko na ang misis mo? Ayaw mo ba no'n, pagkatapos nito, malaya na siya." 

Umusbong naman ang kaba sa dibdib ni Damielle Astin lalo na at nakaguhit sa labi ni Rio ang ngisi. 

"Astin!" Tawag ni Naya sa kanyang mister. Tila ba humihingi ito ng saklolo.

"Walang maitutulong sa'yo si Astin, Naya. Wala!" 

Lalo namang napaluha ang babae.

"Ngayon kung gusto mong umalis sa lugar na ito, bilisan mo ang pagtakbo."

Napakurap naman si Naya. Aniya, kung walang magagawa si Astin para maligtas sila, baka maaaring siya ang makagawa no'n. Naisip niya, sa oras na makalabas siya ng lugar ay maaari siyang makahingi  ng tulong para mailigtas ang kanya mister. 

"Takboooo!"

Humahagulgol na humakbang ang kanyang paa. Pakiwari niya ay maiihi siya sa labis na kaba. Ngunit Sa kabila nito ay sinikap niyang tunguhin ang pinto ng bahay.  Ngunit ang paghakbang ni Naya ay natigil. Sa sikmura nito ay bumulwak ang dugo. Kasabay ng kanyang pagluhod ay ang paglabas ng dugo sa kanyang bibig. 

"Nayaaaaaa!"

NAPABALIKWAS ng bangon si Damielle Astin Villacorda. Muli na naman siyang dinalaw ng bangungunot ng nakaraan. 

Buntong-hininga siyang tumayo sa kama.   At tinungo ang mesang may nakapatong na alak. Mula nang mamatay ang kanyang misis ay naging pampatulog at pampakalma na niya ang alcohol.

"Naya's death is my fault." Tumungga siya ng alak. Sa mga taon na lumipas ay walang araw na dumaan na hindi niya sinisi ang sarili sa pagkawala ng kanyang kabiyak.

Humakbang siya habang hawak-hawak ang kopitang may lamang alak. Sa pagdaan niya sa harap ng salamin ay nahagip ng kanyang mata ang kanyang kabuuan. Naging dahilan iyon  upang mapaharap siya roon. At tila may sariling buhay ang mga kamay niyang humaplos sa kanyang pisngi na may pilat. Malaki ang pilat na halos lamunin nito ang kalahati ng kanyang mukha. Nakuha niya iyon sa trahedyang nangyari. Matapos barilin ni Rio ang kanyang misis ay ikukulong siya sa isang silid at iginapos. Matapos iyon ay sinunog nila ang bahay na pinagkulungan sa kanya.

Nanguyom ang kanyang kamao nang sumagi sa isip niya ang tumatawang mukha ni Rio Costor. 

"Hayop ka, Rio! Balang-araw, makakaganti rin ako sa'yo!"

Nagngitngit ang kanyang mga ngipin at nanlilisik ng kanyang mga mata.

"Maghintay ka lang dahil nalalapit na ang pagbagsak mo."

Nasa gano'n siyang ayos nang marinig niya ang sunod-sunod na katok sa pinto.

"Master! Master! Buksan niyo po ang pinto!" Tinig iyon ng kanyang kanang kamay, si Thano Miguero.

Buntong-hininga naman siyang lumapit sa pinto at binuksan  iyon.

"Master! Kailangan niyo pong makita ang palabas sa TV."

Tila naman kumulo ang dugo ni Damielle Astin sa narinig. Aniya, binulabog siya ng kanyang tauhan para lamang sa walang kwentang bagay.

"I have no time---" 

"Pero, master, nando'n po si Lady Naya."

Mariin namang naglapat ang labi ni Damielle. Malapit nang maubos ang kanyang pasensya. Aniya, mukhang nakalimutan na ni Thano ang utos niyang bawal banggitin ang pangalan ng yumao niyang asawa.

"She is already gone, Thano."

Umiling-iling ang lalaki.

"Hindi po ako maaaring magkamali, master."

Bago pa makaimik si Damielle Astin ay pumasok na ang tauhan niya sa loob ng silid at binuksan ang telebisyon. 

Buntong-hininga na lamang na sumunod si Damielle Astin sa kanyang tauhan. Mula sa malaking screen ng flat screen TV ay kitang-kita ang pagrampa ng babaeng nakasuot ng bikini.

"Siya 'yong susunod, Master."

Mula sa screen ng telebisyon ay napukos ang makinis at maputing paa ng babaeng nakasuot ng heels na may mataas na takong. Kitang-kita ang magandang kurba ng katawan nito sa kulay pulang bikini na bumagay sa maputi niyang balat. Unti-unting tumaas ang camera hangang sa huminto iyon sa mukha ng kandidata.

Tila tumigil ang ikot ng mundo si Damielle Astin sa nakita. Malinaw niyang nakikita ang babaeng may mapungay na mga mata, matangos ang ilong at heart shape na labi nitong matamis ang pagkakangiti.

Tila naghurumentado ang kanyang puso.

"Naya." Mahinang usal niya.

Muling rumampa ang babae at puno ng kumpiyansang nag-pose sa harap ng mga hurado.

Kasabay nito ay ang pagsasalita ng TV host.

"Infront of you is candidate number six. She is  Naya Faith Sevestre, twenty-six year old stunner from the City Mandelle. She is a model and an endorser. Once again, Candidate number six! Naya Faith Sevestre!"

Ngunit paano nangyari iyon? Paanong ang namayapang niyang misis ay kandidata ngayon sa national beauty pageant.

"Nagpadala na ako ng tauhan sa lugar, Master. Utos niyo na lang po ang hinihintay."

Kaagad siyang napalingon kay Thano. Aniya, kahit kailan talaga ay laging maaasahan ang kanyang paboritong tauhan.

"Bring Naya home, Thano."

Napalunok naman si Thano bago siya nagsalita. 

"Ang totoo niyan, kagagaling ko po kanina doon, Master." 

Nangunot naman ang noo ni Damielle Astin.

"Noong isang araw pa po nakarating sa'kin na may nakita silang kamukha ni Lady Naya."

"And you never told me about this?" Nanlisik ang mga mata ni Damielle.

"Patawarin niyo po ako, Master. Gusto ko lang pong kumpirmahin muna bago ko po sabihin sa inyo. At saka kabilin-bilinan niyo pong bawal banggitin ang pangalan ni Lady Naya."

Napahilot na lamang ng sentido si Damielle.

"Alright! Pero sabi mo galing ka kanina roon? Bakit hindi mo pa iniuwi ang asawa ko?"

"Kasi po--" Tumigil ito na tila nag-aalangan sa kanyang sasabihin.

"Kasi ano?"

"Sinubukan  ko pong lapitan sa backstage si Lady Naya pero hindi po niya ako nakikilala."

Lalong nangunot ang noo ni Damielle sa narinig .

"Hindi ko na rin naituloy na sabihin sa kanya ang totoo kasi bigla pong lumapit ang fiance niya."

Kulang na lamang ay umusok ang ilong ni Damielle sa narinig.

"Fiance? May fiance ang asawa ko?"

Alanganin namang tumango si Thano.

"At kilala niyo po kung sino ang lalaki."

Napabaling si Damielle sa kanya. Tila ba naghihintay itong ituloy ang kanyang sinasabi.

"Si Rio Costor po."

"No way!" Tila naman nagulat si Thano sa malakas nitong tinig.

"Pero iyon po ang nalaman ko, Master."

"No!" Umiling-iling siya. "

"Pero master, live TV po show po iyan.  Baka pa mahirapan po tayo."

"My word is the rule, Thano!" Mariing wika nito. 

"Copy, Master. Paumanhin po."

Taranta namang kinuha ni Thano ang kanyang cellphone at tumawag sa kapwa niya tauhan. Muli na lamang napatitig sa telebisyon si Damielle habang abala sa pagbibigay ng instruction si Thano.

"Master." Nakuha ng atensiyon niya ang pagtawag ng bagong lapit na si Thano.

"Napalaban po ang mga tauhan niyo, Master. Hindi po sila nagtagumpay na malapitan si Miss Naya."

"At sa anong dahilan?" Kumpiyansa siyang magagaling ang kanyang mga tauhan kaya natitiyak niyang makukuha nila ang kanyang misis.

"Bantay sarado po siya ng mga armadong kalalakihan."

"Problema ba 'yon? Magpadala ka ng iba pang tauhan."

"Malabo pa rin pong makuha natin siya, Master."

Bago pa makaimik si Damielle ay nakuha ng atensiyon niya ang flash report. Ayon sa balita ay pansamantalang  ititigil ang ang nagaganap na pageant dahil sa panggugulo ng armadong kalalakihan. Kalakip ng report ay ang paniniguro ng mamamahayag na walang nasaktan sa insidente.

"Hindi ba nasaktan ang asawa ko?"

"Hindi po, Master.  Nandoon po si Rio Costor at iniuwi na po niya si Lady Naya."

Nagngitngit ang kalooban ni Damielle sa narinig.

"That man! Hayop siya! Hindi ako makakapayag na magtagumpay siya!" Nanguyom ang kanyang kamao. Aniya, mukhang nagkakaroon na siya ng ideya sa nangyari. Nabuhay ang misis niya matapos itong  barilin ni Rio. Hindi ito makaalala kaya naman sinamantala iyon ni Rio Costor. Umigting ang kanyang panga bago siya muling nagsalita.

"Babawiin ko si Naya!"