Chapter 1

WARNING: MATURE CONTENT

“Three million pesos…” 

“Three million for Mr. Number 10. Siya na ba ang huling bidder?” Tanong ng emcee sa madla.

Nakakuyom ang mga kamay ni Addie habang nakatayo sa gitna ng stage. Nakasuot siya kulay pulang gown na mas lalong nagpatingkad sa kanyang balat.

Bukod pa doon ay nakasuot din siya ng kulay pulang maskara dahilan para hindi makita ang kabuuan ng kanyang mukha. Inilibot niya ang kanyang mga mata sa mga taong naroon.

Pawang pagnanasa ang mababanaag na mga ekspresyon sa kanilang mga mata dahilan para mapakagat labi siya.

“Ten million pesos.” Isang baritonong tinig ang nagpatahimik sa buong silid.

“Ten million for a night? That’s absurd.” Rinig pa niyang sabi ng isang lalaking nasa harapan.

“Sinabi mo pa. Isa pa, ni hindi nga natin sigurado kung totoong birhen pa nga ang babaeng yan.” dagdag naman ng isa na nagpatagis ng mga bagang niya ngunit ganun pa man ay wala siyang magawa kundi ang samaan lang ang mga ito ng tingin.

“Ooh, ten million. That’s a lot.” komento ng emcee ngunit hindi na mapalis ang ngiti sa labi nito.

“Wala na bang hihigit sa ten million?” Inilibot ng emcee ang tingin sa paligid. Wala ni isang nagsalita o ni nagtaas man lang ng kamay.

“Well, I guess we have a winner for tonight.” sabi nito at tumingin sa lalaking may itim na maskara at nakatingin sa kaniya.

“You can claim her now sir.” 

Pagkasabi nito ay tuluyan nang bumaba ang lalaki sa stage at hinawakan ang kamay niya. Binalingan nito ang emcee. “Ang assistant ko na lang ang magbayad sa inyo.” 

Kaagad naman itong tumango. “Enjoy your night sir.” 

Hindi na sumagot pa ang lalaki bagkus ay hinila na siya nito patungo sa likod.

~~~~~~

Dinala siya ng lalaki sa isang private suite sa isang kilalang building. Doon pa lang, napagtanto na kaagad ni Addie na mayaman nga ito dahil sa pagkakaalam niya ay hindi basta-basta ang mga nakatira sa building na iyon. Umupo ito sa sofa at pagkatapos ay hinubad ang suot na maskara.

Tumambad sa kaniya ang gwapo nitong mukha, ngunit kapansin-pansin ang malalamig nitong mga mata na para bang nanunuot sa kaloob-looban ng katawan niya hanggang sa kaloob-looban pa ng pagkatao niya. Bahagya nitong niluwagan ang suot nitong kurbata at pagkatapos ay tumingin sa kaniya. 

“What are you doing?” naiinip na tanong nito sa kaniya bago nagsalin ng alak sa baso na nakahanda na sa harapan nito. Hawak na nito ang baso na nasa bunganga na nito. Lumagok ito ng isa bago muling tumingin sa kaniya. “Hindi mo man lang ba ako pasisiyahin? Will the ten million I bought you will be all wasted?” tanong nito sa kaniya.

Napakuyom ang mga kamay niya. Ang kanyang mga tuhod ay kanina pa nanginginig. Ang kanyang dibdib ay kanina pa malakas ang kabog dahil sa sobrang kaba. Hindi niya alam kung anong gagawin niya. Hindi niya alam kung anong unang step dahil baka mamaya ay magkamali siya. Alam niyang hindi biro ang sampung milyon at hindi niya akalain na mag-aaksaya ito ng ganun kalaking pera para lang sa isang gabi.

Ibinagsak nito ang baso sa mesa dahilan para mapapikit siya. “You’re making me pissed off, you know? Gusto mo pa yata na ako ang magtanggal ng damit mo? Strip now or else ay isasauli kita doon at babawiin ko ang ibinayad ko sayo.” 

Pagkarinig niya pa lang ng sinabi nito ay kaagad na gumalaw ang kanyang mga kamay patungo sa kanyang likod kung nasaan ang lock ng suot niyang gown. Nag-init ang sulok ng kanyang mga mata. Kailangan niya ba talagang gawin iyon? Pero naroon na siya sa harap nito at hindi na pwedeng umatras pa.

Ibinuka niya ang kanyang bibig. “Pwe-pwede bang patayin ko ang ilaw?” mahina niyang tanong dito. Ayaw niyang makita nito ang kanyang mukha. Wala din siyang balak na hubarin ang suot niyang maskara.

Sandali itong natigilan bago tumayo. Ito na mismo ang nagpatay ng ilaw bago muling bumalik sa kinauupuan. Ngunit kahit na pataya na ang ilaw ay kitang-kita pa rin niya ang malalamig nitong mga mata na nakatingin sa kaniya.

Dahan-dahan niyang ibinaba ang zipper ng suot niyang gown hanggang sa tuluyan na itong bumagsak sa sahig. Napatakip siya sa kanyang dibdib dahil sa labis na kahihiyan dahil sa totoo lang ay ito ang unang beses na may lalaking makakakita sa kanyang katawan.

She heard him scoff. “Bakit mo pa yan tinatakpan?” tanong nito sa kaniya. May malamlam na ilaw na nagmumula sa gilid ng kama kaya kahit papano ay kitang-kita pa rin nito ng malinaw ang katawan niya.

Kung hindi lang dahil kailangang-kailangan niya ng pera ay hinding-hindi niya gagawin ang bagay na ito, pero dahil kailangan niya ay lulunukin niya ang lahat ng hiya sa katawan niya ngayong gabi.

Tumayo ito mula sa kinauupuan at pagkatapos ay lumapit sa kaniya. Napapikit siya ng maramdaman niya ang napakainit nitong palad sa katawan niya at halos hindi na siya huminga pa. Nag-unahang tumulo ang luha sa kanyang mga mata.

Hinawakan nito ang baba niya. Nagsalubong ang kanilang mga mata. Itinaas nito ang kamay at akmang tatanggalin na sana ang maskara na suot niya ngunit mabilis niyang pinigilan ito. “Please… don’t…” may himig ng pagmamakaawa ang kanyang tinig.

Sandali itong hindi gumalaw bago tuluyang ibinaba ang mukha sa kaniya. Sa isang iglap ay tuluyan nang dumampi ang mainit nitong labi sa kaniya. Nanatili siyang nakatayo doon at hindi alam ang gagawin. Ang kanyang mga kamay ay mahigpit na nakakuyom hanggang sa inalayayan na siya nito ng tuluyan pahiga sa kama.

Tanging ang kanyang underwear na lang ang naiwan niyang saplot sa katawan. Nang tuluyan siya nitong maihiga ay tumayo ito. Pinanood niya ang pagtatanggal nito ng damit hanggang sa pumikit na lang siya dahil hindi na niya alam pa kung makakayanan niya ang mga susunod na mangyayari sa kaniya at sa lalaking nasa harapan niya.

…