Chapter Three

Magno! Anong gagawin natin, hindi pa rin natin nahanap si Alexa, baka napaano na ang batang yun, hindi ko mapapatawad ang sarili ko pag may masamang nangyari sa kanya.” Puno nang pag-alala ang boses ni Lisa.

“Nag-iisip ako Lisa, ginigipit na ako nang matanda, bakit ba kasi tayo pinahihirapan ng babaeng yun, walang utang na loob! Matapos nating kupkupin, bihisan at pag-aralin ay lalayasan lang pala tayo,” galit na saad naman ni Magno.

“Siguro natakot siya, nang matuklasang gagawin mo siyang pambayad utang. Hindi din naman kasi tama na gawin natin sa kanya ‘yun.”

“At alin ang tama Lisa? Ang makulong ako at maiwan kang maghihirap? Ilang taon din natin siyang inalagaan, siguro naman hindi masama kung pakinabangan natin siya. At isa pa hindi naman siya maghihirap, mayaman naman ang mapapangasawa niya. Kung tutuusin ma s’werte nga siya at natipuhan siya ng matanda.”

“Pero hindi naman ganun kadali ang lahat Magno, may sarili rin siyang buhay at desisyon, hindi natin siya p'wedeng pangunahan.”

“Tumigil ka na Lisa, huwag mo nang ipagtanggol ang babaeng yun! Malilint*kan tagala siya sa akin pag nahanap ko siya.”

Walang nagawa si Lisa kundi ang tumahimik. Dalangin niya na sana, na kung nasaan man si Alexa ay ligtas ito at nasa mabuting mga kamay.

Samantala sa bahay ni Lucas ay tinanghali ng gising si Alexa, dala siguro ng kaba at sobrang pagod ay nakatulog siya nang mahimbing. Matapos maligpit ang pinaghigaan ay lumabas na siya ng kwarto.

Tahimik ang buong kabayahan, hudyat na wala na si Lucas sa bahay, dahil ayon pa dito ay maaga itong aalis. Dahil sa naramdamang pagkalam ng sikmura ay pinakialaman na ni Alexa ang laman ng refrigerator ni Lucas. Matapos makapag-almusal ay sinimulan na niyang linisin ang buong bahay.

Nasa kalagitnaan siya nang paglilinis ng tumunog ang telepeno na nakapatong sa isang side table malapit sa bintana. Dali-dali niyang dinampot iyon dahil naisip niyang baka si Lucas ang tumatawag.

“Hello? Bakit ang tagal mong sumagot?” mataray na wika ng nasa kabilang linya.

“Pasensya na po, may ginagawa po kasi ako. Bakit ano po ang kailangan niyo?”

“Sekretarya ako ni sir Lucas, inutusan niya akong tawagan ka, naiwan niya ang isang brown envelope na may laman na mga papeles, sa ibabaw ng kama niya. Dalhin mo daw dito sa kompanya, at dalian mo, ayaw ni Sir Lucas na pinaghihintay siya.”

Matapos maibigay nito ang address ng kompanya, ay pinutol na nito ang tawag. Agad naman siyang pumasok sa kwarto ni Lucas upang kunin ang brown envelope na sinasabi nito. Dali-dali siyang nagbihis at umalis na nang bahay.

Sumakay siya ng taxi at sinabi niya sa driver ang lugar na kanyang pupuntahan. Nagulat pa siya ng huminto ang sinasakyan niya sa isang five story building.

“Miss pwede ka nang bumaba nandito na tayo.” wika ng driver sa kanya.

“D-dito na po ba yun manong?” nag-aalangan niyang tanong.

“Oo miss, ayan o, basahin mo ang nakasulat sa building M&L CORP.,” saad ng driver sa kanya.

“Ay oo, eto na nga yun, maraming salamat manong,” wika niya rito habang inaabot ang bayad niya.

Pagbaba niya nang taxi ay inilibot muna niya ang tingin sa paligid.

“Ang laki ng building! Ano kaya ang trabaho ni Lucas? Mayroon pa siyang mataray na sekretarya, siguro mataas ang posisyon niya sa kompanyang ito,”kausap niya sa sarili.

Matapos magpakawala ng isang buntong hininga ay humakbang na siya papasok ng building.

“Good morning miss!” bati sa kanya ng gwardiya na nakaabang sa pinto.

“Good morning din po, pwede bang magtanong? Saan po ba dito ang opisina ni Lucas?” tanong niya rito.

“Ah ,si sir Lucas ba kamo? Nasa 5th floor ang opisina niya, bakit miss, may appointment ba kayo kay sir Lucas?”

“Wala naman, ihahatid ko lang tong papeles na naiwan niya sa bahay, nagmamadali siya siguro kanina kaya nakalimutan niyang dalhin ito,” sagot niya rito.

“Magkasama kayo sa bahay ni Sir Lucas?” manghang tanong nito.

“Opo, bakit may problema ba?”

“Naku! Wala naman, pasensya na at naabala ko pa kayo, sige na Ma'am baka hinihintay na kayo ni Sir Lucas,” biglang nataranta ang boses nito.

Inihatid pa siya nito sa pinto ng elevator at magalang na nagpaalam sa kanya.

“Anong nangyari dun, bakit nag-iba ang timpla ng pakikitungo sa akin,” iiling-iling na bulong niya sa sarili.

Pagbukas ng pinto ng elevator, ay nagpalinga-linga siya sa paligid. Hinahanap ng mata niya kung saan ang posibleng opisina ni Lucas.

Namataan niya ang isang seksing babae na lumabas sa isa sa pinaka-malaking kwarto na nandun, balang niyang magtanong rito kaya nilapitan niya ito.

“Ahm miss, pwedeng magtanong? Saan ba dito ang opisina ni Lucas?”

Pinasadan muna siya nito nang tingin mula ulo hanggang paa, at nang makita nito ang dala niyang brown envelope ay bigla itong nagtaray sa kanya.

“Bakit ang tagal mo? Ang lapit lang naman ng bahay ni sir Lucas dito, inabot kapa ng trente minutos. Ibigay mo sa akin yan at kanina pa yan hinihintay ni sir Lucas.”

Matapos niyang maibigay ang brown envelope dito ay walang kaabog-abog na tinalikuran siya nito.

“Ang suplada, hindi naman maganda, naging seksi lang kung umusta ay parang sino na,” naiinis na turan niya.

Sumunod siya rito at pumasok din sa pintong pinasukan nito. Nagulat pa siya ng pagpasok niya ay natuon sa kanya ang pansin ng mga taong nandoon, hinuha niya ay nasa kalagitnaan ng meeting ang mga taong nasa loob ng pintong pinasukan niya.

Dahil sa hiya ay pinihit niya ang siradura ng pinto upang lumabas ng silid, ngunit napahinto siya nang may pamilyar na boses na nagsalita mula sa mga taong nandoon.

“Sabay na tayong umuwi mamaya, hintayin mo na lang ako, malapit na kaming matapos, doon ka na sa opisina ko maghintay,” pigil nito sa kanya.

“Maricel, ihatid mo muna si Lexie sa opisina ko,” dagdag pa nito.

Lumapit sa kanya ang mataray na seksing babae kanina, napagtanto niya ito pala si Maricel na tinutukoy ni Lucas.

“And Maricel, bigyan mo na rin ng meryenda si Lexie habang hinihintay ako,” pahabol pa nito.

“Abay, ang bait pala ni Lucas,” nakaramdam ng tuwa ang puso niya sa sinabi nito. Taliwas sa sekretarya nitong umaangat ang kilay pagkarinig ng utos ni Lucas.

ITUTULOY!!!!

A/N: Pasensiya na Po, at ngayon lang nakapag-update muli✌️✌️✌️