Semua Bab FATED: Bab 1 - Bab 9

ANG PAGLALAYAS “Magno, hindi mo pwedeng gawin ‘to! Naalimpungatan si Alexa sa lakas ng boses na narinig niya. Dinig niyang nagtatalo na naman ang tiyo at tiya niya. “Wala na akong ibang choice Lisa, si Alexa lang ang huling baraha ko. Siya ang hininging kapalit ng matanda kapalit ng malaking halagang naipatalo ko sa sugal.” Dumagundong ang dibdib niya nang marinig ang pangalan niya. Pupungas-pungas siyang bumangon at lumapit sa pinto upang makinig sa pinag-uusapan ng dalawa. “Pero Magno, hindi p'wede! Bata pa siya, at nag-aaral pa, marami pa siyang pangarap sa buhay. At isa pa pamangkin mo siya, kaya mo bang ipamigay siya kapalit ng pagkakautang mo?” dinig niyang tutol ng tiya Lisa niya. Mula nang iwan siya nang nanay niya sa mga ito noong sampong taong gulang siya, ang tiyo Magno at tiya Lisa niya na ang nangalaga sa kanya. Anak kasi siya ng nanay niya sa pagkadalaga, at hindi man lang niya kilala kung sino ang tunay niyang ama. “Hindi na siya bata Lisa, dise otso anyos na siy

Magno! Anong gagawin natin, hindi pa rin natin nahanap si Alexa, baka napaano na ang batang yun, hindi ko mapapatawad ang sarili ko pag may masamang nangyari sa kanya.” Puno nang pag-alala ang boses ni Lisa.“Nag-iisip ako Lisa, ginigipit na ako nang matanda, bakit ba kasi tayo pinahihirapan ng babaeng yun, walang utang na loob! Matapos nating kupkupin, bihisan at pag-aralin ay lalayasan lang pala tayo,” galit na saad naman ni Magno.“Siguro natakot siya, nang matuklasang gagawin mo siyang pambayad utang. Hindi din naman kasi tama na gawin natin sa kanya ‘yun.”“At alin ang tama Lisa? Ang makulong ako at maiwan kang maghihirap? Ilang taon din natin siyang inalagaan, siguro naman hindi masama kung pakinabangan natin siya. At isa pa hindi naman siya maghihirap, mayaman naman ang mapapangasawa niya. Kung tutuusin ma s’werte nga siya at natipuhan siya ng matanda.”“Pero hindi naman ganun kadali ang lahat Magno, may sarili rin siyang buhay at desisyon, hindi natin siya p'wedeng pangunahan.

Alas nuebe na nang gabi, ay wala pa rin si Lucas, inaatake na ang antok si Alexa ngunit hindi pa niya magawang matulog. Hinihintay pa niya ang pagdating ni Lucas. Nasa meeting ito kasama ang mga investor at ang sekretarya nitong si Maricel.“Ba’t ang tagal nila,” pagmamaktol pa niya.Umupo siya sa sofa, at dahil sa antok ay hindi niya namalayang nakatulog na pala siya. Naalimpungatan siya nang may maramdaman siyang ingay sa paligid. Iminulat niya ang mata, ayon sa pambisig niyang relo ay pasado alas onse na nang gabi. Pupungas-pungas siya na tumayo at tinungo ang pinto. Narinig niya ulit ang sunod-sunod na pagkatok na siyang nagpagising sa kanya.“Bakit ang tagal mo?” Naiinis na wika sa kanya ni Maricel, nakaalalay ito kay Lucas na halatang lasing, dahil namumungay na ang mga mata nito at namumula ang mga pisngi, hindi na rin ito makatayo ng diritso.“Bilisisan mo, tulungan mo ako, nangangalay na ang balikat ko. Hindi ko akalaing ang bigat pala ni sir Lucas pag lasing,” pag-apura nito

Nang araw na iyon ay napag-utusan si Alexa ni Lucas na mag-grocery. Paubos na kasi ang laman ng refrigerator nila. Inutusan din siya nitong bumili ng kung ano raw ang magustuhan niya. Ibang klase din si Lucas, ang galanteng amo. Dahil hindi naman niya kabisado ang lugar kaya nag-taxi na siya papunta sa grocery store. Ayaw niyang maligaw at baka kung saan-saan pa siya mapunta. Or worse baka matuntun pa siya ng tiyo Magno niya.Habang naglilibot sa grocery store at abala sa pagkuha ng mga nasa listahan niya, ay nalula siya sa presyo nang mga nakalagay doon.“Ba't ang mamahal naman nito? Iba talaga Pag mayaman walang pakundangan sa pag gastos,” naiiling na lang siya habang isa-isang inilagay sa cart niya ang mga pinamili.Matapos mabili ang lahat ng nasa listahan ay nag-ikot ikot pa siya. Naghanap siya nang kung anong pwedeng bilhin niya para sa sarili. Hanggang sa mapako ang paningin niya sa isang taong tinakasan niya, ang ito Magno niya.“Anong ginagawa ni tiyo Magno rito? Hanggang di

Hindi mapakali si Alexa nang araw na iyon. Kinakabahan siyang di niya mawari. Natatakot siyang baka mapaano si Lucas sa kamay ng tiyo Magno niya, at sa pinagkakautangan nito.“Sir Lucas, huwag na lang kaya tayong tumuloy, kinakabahan kasi ako. Hindi natin kilala ang taong pinagkakautangan ni tiyo Magno, baka kasi mapahamak ka pa.”“Ano ba ang ikinatatakot mo, I hate people na mahilig manlamang ng kapwa. In your case, hindi makatarungan na gawin kang pambayad utang. Dapat lang malagay sa tamang kalalagyan ang mga taong ganid.”“Pero sir Lucas, sa laki ng halagang, ibabayad mo sa taong iyon, ako naman ang magkakautang sa inyo. Alam niyo namang hindi ko kayang magbayad sa'yo ng ganoong kalaking halaga.“Huwag mo munang isipin yan sa ngayon, hindi pa naman kita sinisingil, ang importante ay makalaya ka sa kamay ng walang kwenta mong tiyuhin.Ngunit hindi pa rin mapanatag ang loob ni Alexa, makakalaya nga siya sa tiyuhin niya, baon naman siya sa utang kay Lucas. Saan siya kukuha ng sampong