CHAPTER THREE

Hindi pa din mawala sa isip ni Xyriel ang mga nangyari kahapon at kanina, ano’t tila nagbago ang ihip ng hangin at bigla na lamang siyang binigyan ng mamahaling scarf si Xyriel, gayong alam naman ni Xyriel ang rason bakit nagiging malambing sa kanya si Ralph ay dahil baka may kasalanan itong nagawa noong hindi ito nakauwi kagabi.

Hawak ni Xyriel ang scarf at tinitigan nf mabuti, maganda ito at nakakaakit tingnan. Huminga ng malalim si Xyriel at saka nilagay sa loob ng kanyang bag at lumabas na ng apartment dahil may trabaho pa ito.

Si Xyriel ang namumuno sa bag company dahil pansamatala na nagtungo sa ibang bansa ang kaibigan at mentor niya na si Azeiana Roxanne. Magkapatid ang turingan ng dalawa at nakisusyo lamang si Xyriel na ito ang magpakilala bilang boss nila sa RBC. Ipinagkatiwala naman sa kanya ang pagiging pansamantala na boss. Masipag at mapagkakatiwalaan din naman si Xyriel. Pero ang totoo talaga ay si Xyriel ang may-ari ng Real Bag Company, ginawa sa pangalan ni Xy-RIEL at pinalitan lamang ng REAL para hindi mapansin ni Ralph. Ang alam kasi ng asawa niya ay mababang empleyado lamang siya at konti ang kinikita na sahod. 

“Ano at bakit wala ka yata sa mood ngayon, Madam Xy?”

Tanong ni Divine, ang isa sa malapit niyang kaibigan sa kompanya.

“Wala ito, huwag ka tsismoso dyan. Masama lang ang pakiramdam ko.”

“Asus! O siya kung ayaw mong magkwento, gusto mo ba na ikaw na ang mag-handle sa guest natin ngayon na si Ayamea?”

Biglang natigilan si Xyriel sa kanyang ginagawa nang marinig ang pangalan ng babae, si Ayamea. Kahit saan siya magtungo hindi siya nilulubayan nf pangalan na yan.

“Nasaan na siya?”

Tanong ni Xyriel, gusto niyang makita ang itsura ng Ayamea. Bakit baliw na baliw sa kanya si Ralph.

“Mamaya pa daw siya dadating, VIP natin siya at gustong-gusto niya ang mga bags natin dito.”

Napangisii si Xyriel at hindi na siya makapaghintay na makaharap ang kabit ng asawa niya. Kung sineswerte ka nga naman, tadhana na mismo ang naglalapit sa kanilang dalawa.

Hindi din naman nagtagal ay nakarating na si Ayamea sa kanilang boutique shop at nagninginging agad ang mga mata nang makita ang mga nag gagandahan na mga bag at puro mamahalin ang mga ito.

Bumati ang mga staff ng shop sa VIP na si Ayamea at nang magtagpo ang mga mga ni Xyriel at Ayamea, ngumiti si Ayamea at magalang na umupo sa tapat ni Xyriel.

“Ano ang maipaglilingkod namin sa iyo, Ma’am VIP?”

Tanong ni Xyriel sa babaeng kabit ng asawa niya. Hindi maipagkakaila na maganda nga si Ayamea, sopistikada, mukhang mabango, napakakinis ng kanyang balat, wala kang makikita na kahit anong bahid ng peklat at maging sa mukha nito ay wala kang makikita na pores. Maganda manamit at makikita mo agad sa unang tingin na sobrang successful na sa kanyang career.

Pero pagbaligtarin man ang mundo, kaagaw niya pa rin si Ayamea sa puso at isip ng kanyang asawa. Hindi iyon katanggap-tanggap.

“Nais ko sana na magpagawa ng sarili kong design bag sa inyo. Narinig ko kasi na expert ka sa paggawa ng mga luxury bags kaya nagtungo ako dito upang makausap ka ng personal.”

“Yes tama nga ang narinig mo. Maaari ko bang makita ang design?”

Kinuha ni Ayamea ang design ng bag sa loob ng kanyang luxury bag at napansin. ni Xyriel na may scarf na nakatali dito, katulad na katulad ng scarf na binigay sa kanya ni Ralph kanina. Tumaas ang isang kilay ni Xyriel na nakatingin sa scarf at kay Ayamea. Ngunit nagbago din ang reaksyon ni Xyriel nang humarap sa kanya si Ayamea at binigay ang design ng bag.

Napamaang si Xyriel sa ganda ng design ng bag, magaling sa pag-drawing si Ayamea, sabagay hindi ka na magtataka na alam niya lahat sa mundong ito dahil sa husay, ganda at talented niyang babae. Kaya nga gusto siya ni Ralph eh.

“Wow! Ang ganda naman po ng scarf niyo, Ma’am VIP.”

Sambit ni Divine, napangiti naman si Ayamea doon at sinuring mabuti ni Xyriel ang reaksyon ng kabit ni Ralph.

“Thank you, may nagbigay lang sa akin nyan kagabi.”

Ang boses nito ay tila naging boses pabebe at animo’y kinikilig na parang isang teenager dahil umamin sa kanya ang ultimate crush niya. 

Napangiwi si Xyriel pero nasaktan din siya dahil akala niya ay special siya sa asawa, iyon pala may iba din palang binigyan na regalo si Ralph, at si Ayamea pa.

At nalaman niya na magkasama sila buong gabi ni Ralph at Ayamea, kaya pala hindi nakauwi si Ralph sa bahay nila dahil siguro nag-enjoy kasama ang kabit niya.

“Magagawa mo kaya?”

Tila natauhan si Xyriel nang magsalita si Ayamea, kanina pa pala ito nakatingin sa kanya at kanina pa ito nagsasalita. Masyadong na-pre occupied si Xyriel. Hindi niya namalayan na nasa trabaho pala siya. 

“Yes, Ma’am Ayamea, gagawin ng team ko ang best namin para sa inyong well own design bag.”

Magalang na tugon ni Xyriel kay Ayamea, si Ayamea naman ay ngumiti lamang na tila isang boss para utusan ang kanyang tagapasunod.

Nang tuluyan nang makaalis si Ayamea, saka lamang nakahinga ng maluwag si Xyriel. Hindi naman iyon napansin ng mga staffs lalo na si Divine dahil naka-focus ito sa VIP nila na si Ayamea. Tila namangha sa ganda at mukhang matalino nga ang kabit ng asawa ni Xyriel.

“Madam napansin niyo ba yung bag ni Ma’am Ayamea? Ang ganda ‘no? Mukhang mamahalin at hindi siya galing dito sa Pilipinas. I think nabili niya yun sa ibang bansa, grabe worth of 3 million yata ang bag na yun. Mas mahal pa sa bahay ko.”

Naalala na naman ni Xyriel ang tatlong milyon na narinig niya kahapon, bakit kaya nag-aksaya ng ganun kalaking pera si Ralph na hanapin si Ayamea? Ang tanong, worth it ba iyon? Siguro nga ay oo, kasi malamang nagkausap na si Ralph at Ayamea kagabi, at baka nga magkatabi pa sila sa iisang kama.

“Sobrang kinis ng balat niya, akala mo ay naliligo lagi sa bathtub na punong-puno ng gatas at mga bulaklak. Pati ang mukha ay napakakinis, kumikintab ang kanyang mukha at hindi na kailangan pa ng ilaw dahil may sarili siyang ringlight kahit saan siya pumunta.”

Panay ay papuri ni Divine kay Ayamea at nakikinig lamang si Xyriel. Walang ideya si Divine tungkol sa narinig ni Xyriel kahapon dahil ayaw naman nito na magkwento tungkol sa kanyang buhay. Ni hindi nga nito alam na may asawa pala si Xyriel na presidente ng isang mall, ang alam lang ni Divine ay may asawa si Xyriel at hindi ito sobrang yaman na lalaki.

“At yung scarf niya, mukhang bagong labas lang yun sa Mall na pagmamay-ari ng mga Villa Diego. May stock pa kaya sila?”

Ah so sa Mall pala galing ang scarf? Siguro nga ay bagong labas lang iyon at sadyang sinadya ni Ralph na kumuha ng dalawang magkapareho na scarf para ibigay kay Ayamea at Xyriel.

“Teka nga Madam Xy, diba Villa Diego rin ang last name mo? Sure ka ba na hindi ka related sa mga Villa Diego na iyon?”