CHAPTER FOUR

“Maraming magkakapareho ang last name, Divine.”

Tumango at nag-agree na lamang si Divine sa sinabi ni Xyriel. 

“Ang project na design bag ni Ayamea, next week ay kailangan na natin umpisahan. Ikaw, Divine isa ka sa team na napili ko para sa paggawa ng mga design sa bag na gusto ng VIP natin.”

Nanlaki ang mata ni Divine sa sinabi ni Xyriel dahil bihira lamang siya makatanggap ng ganung project at sa isang VIP pa. Mukha ngang idol ni Divine si Ayamea eh.

“Isang karangalan na makasama sa team na iyon, Madam Xy. Thank you! Anyway Madam, wala naman na masyadong gagawin dito sa shop, pwede ka nang magpahinga muna. Tatawagin ka nalang namin kapag kailangan ka dito.”

Sambit ni Ayamea at tumingin kay Xyriel na nakaupo habang sinusuring mabuti ang kopya ng design na binigay ni Ayamea sa kanya kanina.

“Gusto kong magpaka-busy ngayon, Divine. May mga kailangan ba akong pirmahan na bagong labas na mga bags?”

Saad nito nang hindi tinatanggal ang tingin sa design, inaaral niyang mabuti ang design at texture ng bag. Nagtaka man si Divine dahil hindi ganito dati si Xyriel. Minsan nga ay nagmamadali itong umuwi para paglutuan ng pagkain ang Pamilya ni Ralph, at kapag overtime ang asawa sa trabaho after niya magluto, dinadalhan nito ng baon ang asawa. Pero ngayon ay bakit tila nagpapaka-busy su Xyriel.

“Wala naman masyadong gagawin, Madam Xy kaya baka ma-boring ka lang dito sa shop.”

Natigilan si Xyriel sa sinabi ni Divine.

“Ma-boring sa negosyo? Hindi magandang pakinggan, Divine.”

Seryoso na saad ni Xyriel kaya nanlaki ang mata ni Divine at mahinang tinampal ang bibig niya. Pagdating kasi sa negosyo ay ayaw ni Xyriel na may negative or bad words na mabanggit sa loob ng shop dahil mabilis itong maka-attract sa word na ‘malas’.

Magsasalita pa sana si Divine nang may pumasok na mga customer kaya nagpaalam na ito kay Xyriel na aasikasuhin muna ang mga customer. 

Collection ni Xyriel ang mga bags noon, kapag may pera talaga siya ay bag ang una niyang binibili kaya nang naging maganda ang buhay niya, nagtayo siya ng business na mga bags dahil maganda sa paningin iyon.

Naging busy ang buong shop kaya tumulong na din si Xyriel para asikasuhin ang mga customer. Mas dumami ang mga tao sa loob at halos karamihan ay binibili ang mga mahal na bags.

“Magandang hapon, Ma’am. Ano po ang maipaglilingkod ko sa inyo?”

Magalang na sabi ni Xyriel at ngumiti sa customer.

“Ito po sanang bag, maganda po kasi ito pang-regalo sa kapatid ko sa  debut niya.”

“Ay! Ma’am good choice yan, nako sobrang magugustuhan yan ng kapatid mo. Ikaw ang magiging best ate in the world kapag niregaluhan mo siya nyan. And also Ma’am, unique ang design na yan. Wala yang katulad, dahil nag-iisa lang talaga ang bag na yan.”

“Talaga po? Nako bibilhin ko talaga yan. Magkano po yan?”

“Worth 90k, Ma’am. Punta ka nalang po sa counter. Thank you!”

Ngayon ay mukhang tapos na si Xyriel at nagpaalam na sa mga staffs na uuwi na siya. Nang makaalis na siya sa shop, nagsuot sita ng facemask dahil masama ang pakiramdam niya at inuubo siya. Naisip niya na dumaan sa Mall kaya nang nakapasok ito sa Mall sakto naman na nakita niya ang asawa at akala nito ay mapapansin siya ngunit nilampasan lamang sia ni Ralph.

“Bakit hindi ako nakilala ng lalaking iyon?” 

Tanong ni Xyriel sa isip niya. Ngunit nagtaka ito dahil bakit parang nagmamadali si Ralph na lumabas at mukhang masaya ito kaya naisip ni Xyriel na sundan ang asawa at sinigurado na hindi siya mapapansin ni Ralph.

Mukhang may hinihintay si Ralph sa labas ng Mall, kaya naghintay pa si Xyriel sa kinatatayuan niya hanggang sa may kotse na huminto sa harap ng asawa niya. Bumaba ang isang babae, si Ayamea at batid sa mukha nito ang saya nang makita si Ralph.

Naglakad ito palapit sa asawa ni Xyriel at mabilis na niyakap at pinulupot naman ni Ralph ang braso sa baywang ni Ayamea. Umalis na ang kotse kung saan nakasakay si Ayamea kanina tapos may huminto na naman na kotse, ang sasakyan ni Ralph.

Nakangiti naman si Ralph na kinuha ang susi sa driver at magalang na pinagbuksan ng pintuan ng kotse si Ayamea. Ang ngiti sa kanyang labi na nakita ko noon, pero hindi ko na siya makita ngayon. Nakita ko nga pero sa ibang babae naman niya yun binibigay at hindi sa akin. 

Hinawakan ni Xyriel ang kanyang dibdib dahil kumirot ito at nahihirapan siyang huminga dahil sa mga nakita. Unfair talaga ng mundo.

“Let’s go?”

Sa kabilang banda, nakangiti si Ralph na hinawakan ang kamay ni Ayamea at napangiti naman si Ayamea doon. Saglit na natahimik si Ralph at may tiningnan sa loob ng mall, na parang naaninag niya si Xyriel sa loob na nakatayo at nakatitig sa kanila.

“Let’s go.”

Natauhan si Ralph at ngumiti kay Ayamea at saglit pa na tumingin sa loob at napagpasyahan na ngang umalis ang dalawa at nanatiling nakatayo si Xyriel at parang anytime ay babagsak na ang kanyang mga luha pero nagpakatatag siya. Ayaw pa naman niya umiyak sa public places. Tiningnan niya sa kanyang bag ang scarf at napangiti ng mapait.

“Hindi ka espesyal, Xyriel.”

Kinuyom niya ang kanyang palad habang hawak ang scarf para kahit papaano ay maibsan ang kirot na kanyang nararamdaman. Tuluyan na siyang umalis sa mall dahil wala naman siyang gagawin doon, susurpresahin niya sana si Ralph pero mukhang siya pa ang unang na-sorpresa. Ang galing talaga makipaglaro ng tadhana. 

Habang naghihintay ng taxi, biglang nag-ring ang kanyang phone. Nagtaka ito kung sino ang tumatawag kaya kinuha niya ang phone sa loob ng bag at nakita ang caller ID, si Rexi pala ang kapatid ni Ralph. 

Ano na naman kaya ang kailangan nito kay Xyriel?

“Hipagggg! Pumunta ka sa hospital ngayon din!”

Sigaw nito na akala mo ay may ginawang mali si Xyriel. Problema na naman ba ng kapatid ni Ralph? Magkadugo nga silang dalawa. Nang naging ulila si Xyriel ay hindi siya tanggap ng pamilya ni Ralph dahi laki siya sal hirap siya o di kaya ay walang magulang na umalalay sa kanya. Kaya pakiramdam ng pamilya Villa Diego ay walang maiaambag si Xyriel sa kanila, pero kung tutuusin ay malaki ang ambag ni Xyriel sa kanila.

Sadyang ayaw lang talaga ng Pamilya Villa Diego kay Xyriel, bilang asawa ni Ralph. Inilayo niya ang phone sa tainga dahil sa boses ni Rexi at huminga ng malalim saka tinanong si Rexi.

“Anong ginagawa mo dyan sa hospital, may nangyari na naman ba?” 

Tanong nito.

“Tinatamad ako mag-explain kaya ikaw nalang pumunta dito. Dalian mo!”

Kung makapag-utos akala mo binabayaran niya si Xyriel, akala mo boss sa isang kompanya. Huminga ng malalim si Xyriel at nang may taxi na huminto sa harap niya ay sumakay na siya dito.

“Sa hospital po manong.”

Saad niya sa taxi driver at muling tinapat ang phone sa tainga.

“Papunta na ako.”

“Goods!”

Binaba na niya ang tawag at may sumagi na naman sa kanyang isipan habang nasa byahe. Ano na kaya ang ginagawa ni Ralph at Ayamea? Saan kaya sila pupunta? Ano kaya ang gagawin nila after dinner? Yung ngiti at titig ni Ralph ay parang matutunaw na si Ayamea, ganyan din tumingin si Ralph kay Xyriel noon pero nawala na parang bula iyon ngayon.

Ganun ba talaga kapag kinasal na, lahat ng masaya at pagiging gentleman ng isang lalaki mawawala na parang bula kapag naitali ka na sa kanya? Sa panahon ngayon, ganun pa din ba? Nakamaskara ba sila palagi kapag kinukulit ang isang dalaga at manliligaw palang pero kapag ikakasal na saka nila tatanggalin ang mask nila at ipakita na ang totoo nilang ugali?