CHAPTER SIX

“Kailanman ay hindi nagbiro tungkol sa kasal ang asawa ko.”

May konting inis sa boses ni Xyriel ng banggitin iyon, tila kinabahana naman doon si Ayamea at napalunok. Tumahimik naman ang biyenan at hipag ni Xyriel maging si Ralph na nakatingin sa kanya at hinawakan ang kamay.

“Ay, sorry if na-offend ka hind iyon ang gusto kong maramdaman mo, Mrs. Villa Diego. Akala ko biro lang siya kaya hindi agad ako nakauwi sa kasal niyo. Mapagbiro kasi itong si Ralph eh.”

Sinuring mabuti ni Xyriel si Ayamea at napansin naman iyon ng babae kaya agad ulit napawi ang ngiti sa kanyang labi. Tila yata nakakalimutan nito na nasa isang silid lang silang lahat. Nakakalimutan yata ng kabit na kasama ni Ralph ang totoong asawa, ang legal na asawa.

“Mukhang kilalang-kilala mo ang asawa ko ah, base sa tono ng iyong pananalita, Ms. Collins.”

“Ms. Collins na-miss kita ng sobra!”

Biglang sabi ni Rexi para maiwasan ang sagutan ni Aya at Xyriel. Sumenyas kasi si Ralph sa kapatid na ibahin ang topic at mukhang na-gets naman iyon ni Rexi dahil napunta sa kanya ang atensyon. Ngumiti muli si Ayamea at lumapit sa kapatid ni Ralph.

“Na-miss din kita, sobra. Hayaan mo at papadaliin natin na mawala ang peklat ng sugat mo sa mukha mo. Libre ko na.”

Niyakap naman ng mahigpit ni Rexi si Ayamea at tuwang-tuwa ito. Masaya ang Pamilya Villa Diego dahil may Ayamea na handang tulungan sila.

“Ipagbabalat kita ng paborito mong mansanas, gusto mo ba?”

Alok ni Ayamea kay Rexi, ngumiti at tumango naman ito ngunit pinigilan siya ng Mama ni Ralph.

“Ang pagbabalat ng mansanas at paghawal ng kutsilyo ay hindi bagay sa iyo, Aya. Ayaw namin na masugatan ang iyong napakagandang mga kamay. Maganda ang iyong kutis at hindi ka dapat nasusugatan. Hayaan mo na dyan si Xyriel dahil sanay siya sa kusina at sa gawaing bahay. Bitawan mo na ang kutsilyo at baka ikaw pa ay mahiwa.”

Oh tingnan mo, pagdating kay Ayamea todo alaga sila na huwag itong masugatan, samantalang kapag si Xyriel ay ni walang halong concern ka na makikita sa mga ito. Mas maganda nga sa paningin nila ang nahihirapan si Xyriel eh.

Halos lahat ng gawaing bahay, kay Xyriel pinapasa. Pati ang pinagkainan nila kahit hindi si Xyriel kumain, siya pa din ang naghuhugas at nagliligpit.

“Ayos lang po, Tita.”

“Bitawan mo na yan at ihahatid na kita sa inyo.”

Sabi ni Ralph at kinuha ang bag ni Ayamea saka tumingin ng seryoso kay Xyriel, ngunit nagpakita lamang ng walang expression si Xyriel pero sa loob-loob nito ay nasasaktan siya sa pag-down sa kanya ng pamilya ni Ralph at pati na rin si Ralph ay tila walang tiwala sa kakayahan niya.

“Okay sige mapilit ka naman eh.”

“Sasama ako.”

Natigilan si Ralph at Aya sa paglalakad ng magsalita si Xyriel. Umirap si Rexi at masama naman ang tingin ng biyenan ni Xyriel sa kanya.

“Bakit ka pa sasama? Ihahatid ko lang naman si Ayamea.”

Naiinis na sabi ni Ralph, parang anytime ay babagsak na ang luha ni Xyriel pero nanatili pa din siyang matatag at walang expression ang mukha kahit masama ang tingin sa kanya ng mga kasama siya sa silid.

“Masama kasi pakiramdam ko, pagkatapos mo sana siyang ihatid, magpapahatid na din ako sa bahay.”

Nagkunwari na masakit ang ulo ni Xyriel at humawak pa sa sintido niya pero mukhang hindi naniwala si Ralph, pero ang totoo, masama talaga ang pakiramdam ni Xyriel… hindi lang sa physical kundi emotiional. Pakiramdam kasi ni Xyriel ay pinagkakaisahan lamang siya ng mga nakapaligid sa kanya.

“Nandito ka naman na sa hospital, hindi ka na lang dito magpahinga? Sayang lang gasolina ko kung pabalik-balik ako.”

Naiinis na wika ni Ralph, sayang gasolina pero willing ihatid si Ayamea kaysa sa asawa niya na masama ang pakiramdam. Malinaw na talaga kay Xyriel na hindi siya importante sa asawa niya, pinakasalan lamang siya para makapaghiganti kay Ayamea sa pag-iwan nito sa kanya noon.

“Hayaan mo na ako, Ralph unahin mo ang asawa mo. I can drive on my own naman eh.”

Tumaas ang isang kilay ni Xyriel dahil boses kawawa si Ayamea nang bigkasin iyon. Nagpapaawa pa nga ang babae.

“No, sasamahan at ihahatid kita sainyo gusto kong makita na ligtas kang makakauwi.”

Nagmumukha lang tanga si Xyriel sa silid habang pinagtatawanan at pinagkakaisahan lang siya ng mga tao sa paligid niya. Wala siyang kakampi ni isa kundi ang sarili lamang niya kaya bakit pa siya nagpupumilit na sumama kina Ralph at Ayamea? Wala na nga din nagawa pa si Xyriel kundi ang hayaan na ihatid ni Ralph ang kabit niya. Naiwan si Xyriel na nakatulala at wala na naman reaksyon habang nakatingin sa kanya ng masama ang biyenan at hipag niya.

“Balatan mo na itong mansanas at nagugutom ako.”

Utos ni Rexi pero sa halip na sundin iyon ni Xyriel, walang pasabi siyang lumabas ng kwarto at narinig lang niya ang sigaw ng hipag at ng kanyang biyenan. Tuluyan na ngang lumabas ang mga luha sa kanyang mga mata dahil sa bigat na ng kanyang nararamdaman. Samantalang si Ayamea at Ralph naman ay magkasabay na sumakay sa elevator at hinawakan ni Ralph ang kamay ng kanyang kabit.

“Paano ang asawa mo? Baka kung ano ang isipin niya sa atin.”

“Huwag mong isipin si Xyriel ang mahalaga makauwi ka ng ligtas.” Ngumiti si Ayamea at hinigpitan ang hawak ni Ralph sa kamay niya.

“Sa tagal niyong magkasama sa iisang bahay, bakit wala pa kayong anak ng asawa mo?”

Natigilan si Ralph at nabitawan ang kamay ni Ayamea kaya nagtaka ang babae. May nasabi ba siyang masama? Tama nga ba ang sinabi niya kay Ralph?

“Hindi ko din alam.”

Oo, hindi nga alam ni Ralph bakit hindi pa sila nagkakaanak ni Xyriel, Ilang beses niyang sinubukan ngunit si Ralph mismo ang bumabawi at umaatras dahil sa hindi nito malamang dahilan. Si Xyriel nga ba ang problema o si Ralph na ang mismong problema? Nagkukulang nga ba si Xyriel o si Ralph na ang may kulang?

“Alam mo mabait ang asawa mo, maalaga, alam kong mahal na mahal ka niya hindi tulad ko na iniwan ka at pinagpalit sa career ko. Siguro nga ay tama lamang ang naging desisyon mo na pakasalan ang katulad ni Xyriel. Maibibigay ang kailangan mo… yung kulang na binigay ko noon lahat iyon binigay niya sayo ng sobra-sobra.”

“Hindi mo kailangan ikumpara ang sarili mo sa kanya, Ayamea. House wife lamang si Xyriel at ikaw mas pinili mo ang magandang career kaysa sa akin kaya humanga ako ng husto sayo.”

Napangiti nalang si Ayamea sa sinabi ni Ralph pero may kirot sa dibdib niya habang sinasabi iyon, masakit naman kay Ayamea na malaman na ikinasal na si Ralph sa ibang babae. Masakit din para sa kanya na iwan si Ralph para ipagpalit sa career niya, ngunit wala naman magawa si Ayamea dahil para sa kanya mas importante ang career kaysa sa love life. Hindi naman kasi tayo mapapakain ng pagmamahal na yan, aminin man natin na kailangan natin maging successful sa lahat ng bagay.

“Alam ko pero kailangan ka din ng asawa mo, kahit sa simpleng pangumusta at pagiging concern lang ay ipakita mo iyon sa kanya.”

Tila natigilan si Ralph nang sambitin iyon ni Ayamea, sadyang napaka-matured talaga nito kaysa kay Ralph. Si Ralph ang iniisip lamang ay ang kanyang sarili at ang pagiging mayabang sa pera at kayamanan. Nang tumunog ang elevator at tuluyan nang magbukas iyon, ngumiti si Ayamea kay Ralph at hindi na hinintay pang lumabas si Ralph kaya nauna na si Ayamea naglalakad mag-isa. Alam ni Ayamea na babalikan nito ang asawa.

Muling bumalik sa 5th floor ang elevator at maraming na-realize si Ralph, kailangan nga siya ng kanyang asawa pero iba ang una niyang inalala. Minsan ay nakokonsensya ito sa mga ginagawa niya kay Xyriel pero dahil sa nakikita niyang pang-house wife lamang si Xyriel ay laging bumabalik ang galit nito. Muli siyang bumalik sa silid kung saan niya iniwan ang kanyang magulang, kapatid at si Xyriel/

“Ang aga mo naman nakabalik, kuya?”

Nagtataka na tanong ni Rexi, hinanap ni Ralph ang asawa niya sa bawat sulok ng silid at maging sa banyo ngunit walang Xyriel siyang nakita doon.

“Nasaan ang asawa ko?” Tanong nito sa kapatid, huminga ng malalim si Rexi at boring na tumingin sa kapatid.

“Pagkalabas mo, lumabas din siya. Mukhang napahiya yata sa mga pinagsasabi natin kanina sakanya at siguro napahiya dahil isa si Ayamea sa sobrang ganda, matalino, successful na babae, sobrang kutis ng kanyang balat at napakabangong naging karelasyon mo noon. Walang-wala siya kay Xyriel na tanging alam lang ay maglinis ng bahay, mag-alaga. Umuwi na siguro iyon.”

Sambit ng kapatid ni Ralph at natahimik naman ito at nakonsensya. Masama ang pakiramdam ni Xyriel.

“Ngayong bumalik si Ayamea, bakit hindi mo pa hiwalayan si Xyriel? Mukhang wala naman problema sa kanya na kasal kana kay Xyriel eh. Willing naman siya na magpakasal ka ulit… kaso this time kay Ayamea na.”

“Wala pa sa isip ko yan, Rexi.” Sambit na lamang ni Ralph, natahimik na lamang si Rexi.

“Bayaran mo nalang pala yung bill ko sa hospital, paniguardo na hindi pa yun nabayaran ng magaling mong asawa, kuya.”

“Okay. Ako na ang bahala sa hospital bill mo. Mauuna na ako at uuwi na baka hinihintay na ako ni Xyriel doon.”

Sabi ni Ralph at nagmamadaling lumabas ng silid, hindi nito alintana na wala ang asawa niya sa bahay nila dahil dinala si Xyriel ng kanyang mga paa sa rooftop ng hospital at doon umiyak ng umiyak. Hindi pa din mawala sa isip nito na mas pinili ni Ralph na ihatid si Ayamea kaysa sa kanya, pinahiya at ginawang katawa-tawa sa harap ng kabit at ng pamilya ni Ralph. Ni hindi man lang siya pinagtanggol ng asawa. Dahil maski si Ralph ay nakisama sa pagpapahiya sa kanya sa loob ng silid kanina.

Alam ni Xyriel na hindi niya dapat tinitiis ang ganitong mga nangyayari sa kanya pero mahal niya naman si Ralph, sadyang wala siguro siyang ibang tao na masasandalan dahil si Ralph na lang ay meron siya.