Chapter 8

5 years later,

Nancy Pov

Mainit ang ulo na pumasok ako sa loob ng kuwarto naming mag-asawa. Ang kuwarto naming ito ay dating kuwarto ng ama ni Angela. Ngunit nang mamatay ang babaeng iyon sa ginawa naming stage accident ay kami ni Eric ang gumamit sa silid na ito.

Isang buwan matapos mamatay ni Angela ay nagpakasal naman kami ni Eric. Kami na ang nagmay-ari sa lahat ng mga ariariang naiwan ng babaeng iyon. Sa wakas ay nakakawala rin ako sa aking pagpapanggap na mabait sa kanyang harapan. Ilang taon kong tiniis na palaging nakikita na mas nakalalamang sa akin si Angela. Lahat ng magagandang bagay ay nasa kanya na. Pati ang pagkakaroon ng mabuting ama ay na kay Angela rin kaya lampas langit ang galit at inggit ko sa kanya. Bakit lahat ng kabutihan ay nasa kanya na samantalang ako ay pinabayaan na lamang ng aking amang sugarol matapos mamatay ang aking ina na kapatid ng ama ni Angela. Bakit si Angela ay hindi naman siya pinabayaan ng kanyang ama nang mamatay ang kanyang ina sa halip ay